އިރުމަތީ ޤުދުސަކީ ފަލަސްތީނުގެ ވެރިރަށް ކަމުގައި އޯ.އައި.ސީ އިން އިޢުލާންކޮށްފި

    އިރުމަތީ ޤުދުސަކީ ފަލަސްތީނުގެ ވެރިރަށް ކަމުގައި އޯގަނައިޒޭޝަން އޮފް އިސްލާމިކް ކޯޕަރޭޝަން، އޯ.އައި.ސީ އިން ކަނޑައަޅައި އިޢުލާންކޮށްފިއެވެ.

    އޯ.އައި.ސީން މިކަން އިޢުލާންކޮށްފައިވަނީ، އިސްތަންބުލްގައި މިހާރު ފަށައިގެން ކުރިއަށްދާ، އިސްލާމީ ޤައުމުތަކުގެ ޖަމާޢަތް އޯ.އައި.ސީގެ ސަމިޓްގައެވެ.

    މިއާއެކު އޯ.އައި.ސީ އިން ވަނީ މި މައްސަލައިގައި އެމެރިކާއިން ނިންމާފައިވާ ނިންމުމަކީ ނުރައްކާތެރި ނިންމުމެއް ކަމުގައި ބުނެ، ބައިނަލްއަޤުވާމީ މުޖުތަމަޢުން، އޯ.އައި.ސީގެ މި ނިންމުން ބަލައިގަތުމަށް އިލްތިމާސްކޮށްފައެވެ.

    މިއަދު ނެރުނު ބަޔާނެއްގައި 57 ޤައުމުގެ މައްޗަށް އެކުލެވިފައިވާ މި ޖަމިއްޔާއިން ވަނީ، އެ ޖަމިއްޔާއިން އަދިވެސް ބޭނުންވަނީ ވަކި ދެ ދަޢުލަތެއް އުފެއްދުމުގެ ނުވަތަ ޓޫ ސްޓޭޓް ސޮލިއުޝަނެއްކަމަށް ބުނެފައެވެ.

    އަދި މި ޖަމިއްޔާއިން ވަނީ، އިސްރާއީލުން ފަލަސްތީނު އިސްތިޢުމާރުކޮށްފައި އޮންނަ އޮތުން ނިމުމަކަށް ގެނައުމަށް އދ އަށް ގޮވާލާފައެވެ.

    މީގެ އިތުރުން އެމެރިކާއިން ޤުދުސަކީ އިސްރާއީލުގެ ވެރިރަށްކަމަށް އެމެރިކާއިން ބަލައިގަނެ ޓެލްއަވީވްގައި ހުންނަ އެ ޤައުމުގެ އެމްބަސީ ޤުދުސަށް ބަދަލުކޮށްފިނަމަ ދެން ނިކުމެދާނެ ނަތީޖާއެއްގެ ޒިންމާ އުފުލަން ޖެހޭނީ ޓްރަމްޕްގެ ސަރުކާރުން ކަމަށްވެސް އެ ބަޔާނުގައި ބުނެފައިވެއެވެ.

    އެއީ ނުރައްކާތެރި، އަދި އެއްވެސް ޤާނޫނީ ޙައިސިއްޔަތެއް ނެތް، ބާޠިލު ނިންމުމެއްކަމަށް އޯ.އައި.ސީން ބުނެފައިވެއެވެ.

    މި ސަމިޓްގައި ވާހަކަދައްކަވަމުން ފަލަސްޠީނުގެ ރައީސް މަހްމޫދު އައްބާސް ވިދާޅުވީ، ފަލަސްޠީނާއި އިސްރާއީލާ ދެމެދު ސުލްޙަ ޤާއިމުކުރުމަށް ކުރާ މަސައްކަތުގައި އެއްވެސް ދައުރެއް އަދާކުރުމުން އެމެރިކާ އަމިއްލައަށް ބަރީޢަވެފައިވާކަމަށެވެ.

    އަދި ކުރިއަށް އޮތް ތަނުގައި އެމެރިކާއިން މިކަމުގައި އަދާކުރާނެ އެއްވެސް ދައުރެއް ފަލަސްޠީނުން ބަލައި ނުގަންނަނާނެ ކަމަށާއި އެމެރިކާއިން މި ވަނީ އެ ޤައުމުން އޮތީ އިސްރާއީލުގެ ކޮޅުގައިކަން ސާބިތުކޮށްދީފައިކަމަށް އައްބާސް ވިދާޅުވިއެވެ.

    • ކޮމެންޓްސް (0)

    Your email address will not be published. Required fields are marked *

    • ފުރިހަމަ ނަން

    Ads

    ads

    ކަމުދާނެ ލިޔުންތައް

    އެމެރިކާގެ އެއްވެސް އެހީއެއް ބަލައިނުގަތުމަށް ފަލަސްތީނުގެ މަދަނީ ޖަމާޢަތްތަކުން ނިންމައިފި

    ޤުދުސަކީ އިސްރާއީލުގެ ވެރިރަށްކަމަށް އިސްރާއީލުން ނިންމި ނިންމުން ބަލައިގަތުމަށާއި އިސްރާއީލުގައިވާ އެމެރިކާގެ އެމްބަސީ ޤުދުސަށް ބަދަލުކުރުމަށް ރައީސް ޑޮނަލްޑް ...

    ދުނިޔެއަށް ބޮޑު ގެއްލުމެއް ލިބިފައިވޭ: އދ

    ސްރީ ލަންކާގެ ވެރިރަށް ކޮލޮންބޯ ކައިރިން ރޯވެ ފެތިފައިވާ އާގުބޯޓުގެ ސަބަބުން ދުނިޔެއަށް ބޮޑު ގެއްލުމެއް ލިބިފައިވާކަމަށް އދން ...

    އެމެރިކާ އާއި ކެނެޑާ އަށް ކުރިމަތިވެފައިވާ ސްނޯގެ ތޫފާން

    އެމެރިކާ އާއި ކެނެޑާގެ ބައެއް ސަރަހައްދުތަކަށް ކުރިމަތިވެފައިވާ ސްނޯގެ ތޫފާނުގެ ސަބަބުން އެ ސަރަހައްދުތަކުން ކަރަންޓު ކެނޑި، ދަތުރުފަތުރު ...

    އިންޑިޔާގެ އުއްތަމަ ފަނޑިޔާރާ ދެކޮޅަށް ސުޕްރީމް ކޯޓުގެ ފަނޑިޔާރުން އަޑުއުފުލުން

    އިންޑިޔާގެ ސުޕްރީމް ކޯޓުގެ ހަތަރު ފަނޑިޔާރުން އެ ޤައުމުގެ އުއްތަމަ ފަނޑިޔާރު ޑީޕަކް މިސްރާއަށް ވަރަށްބޮޑަށް ފާޑުވިދާޅުވެއްޖެއެވެ. މި ...

    އެމެރިކާގެ ކުންފުންޏަކުން އެމްއެޗް370 ހޯދުމުގެ މަސައްކަތް ފަށައިފި

    2014 ވަނަ އަހަރުގެ މާޗް މަހުގެ 8 ވަނަ ދުވަހު ގެއްލުނު މެލޭޝިއަން އެއާލައިންސްގެ ފްލައިޓް އެމްއެޗް ތްރީ ...

    ޔޫއޭއީގައި އިސްރާއީލުގެ އެންބަސީއެއް ހުޅުވައިފި

    އިސްރާއީލުގެ އެންބަސީއެއް ޔޫއޭއީގައި ހުޅުވައިފިއެވެ. ޔަހޫދީންގެ އެންބަސީއެއް ޔޫއޭއީގައި ހުޅުވައިދެއްވާފައިވަނީ އިސްރާއީލުގެ އައު ޚާރިޖީ ވަޒީރު ޔައިރު ލަޕީދު ...