އިދިކޮޅު ފަރާތްތަކުން ކުރަމުންދާ މަސައްކަތަކީ މެޑަމް ފާތުންގެ އަގު ވައްޓާލާ އެކަމަނާގެ މަސައްކަތްތަކަށް ހުރަސްއެޅުން – ޝިފާޤު މުފީދު

    ރައީސުލްޖުމްހޫރިއްޔާގެ އަނބިކަނބަލުން ފާޠިމަތު އިބްރާހީމްއާއި ގުޅޭގޮތުން އިދިކޮޅު ފަރާތްތަކުން ތަފާތު ދޮގު ވާހަކަތައް ދައްކަމުންދަނީ އެކަމަނާ ކުރައްވަމުންދާ މަސައްކަތްތައް ހުއްޓުވާލާ، އެކަމަނާގެ އަގު ވައްޓާލުމަށް ކަމަށް ހޯމް މިނިސްޓްރީގެ ސްޓޭޓް މިނިސްޓަރ ޝިފާޤު މުފީދު ވިދާޅުވެއްޖެއެވެ.

    ޗެނަލްތާޓީންގެ ނަނާ ހުވަފެން ޕްރޮގްރާމުގައި ވާހަކަ ދައްކަވަމުން ޝިފާޤު ވިދާޅުވީ ރާއްޖޭގައި މިވަގުތު ހުންނެވި މަހާ ރެހެންދިއަކީ ރައްޔިތުންގެ ހިތްތަކުގައި ވަރަށް ބޮޑު ޤަދަރަކާއި ޝަރަފެއް ދެއްވާ އެތައް ބައެއްގެ ލޯބި ހޯދާފައިވާ ކަމަނާއެއްކަމަށެވެ. އެގޮތުން އެކަމަނާ ކުރައްވަމުންދާ މަސައްކަތްތަކަކީ އެއްވެސް ކުލައެއް ތަފާތު ކުރުމެއްނެތި ހުރިހާ ދިވެހިރައްޔިތުންނަށް ކޮށްދެއްވަމުންދާ ޚިދުމަތްތަކެއްކަމަށް ޝިފާގު ވިދާޅުވިއެވެ. އޭގެތެރެއިން އެންމެ ފާހަގަކޮށްލެވޭ އެންމެ އަގުހުރި މަސައްކަތަކީ، ޚާއްސަ އެހީއަށް ބޭނުންވާ ފަރާތްތަކާއި ބައްދަލުކޮށް، އެފަރާތްތަކަށް އެހީތެރިކަން ފޯރުކޮށްދިނުމުގެ މަސައްކަތް ކަމަށް އޭނާ ވިދާޅުވިއެވެ. އަދި މެޑަމް ފާތިމަތު އިބްރާހިމްއަކީ ދިވެހި ތާރީޙުގައި ދިވެހިންނަށް ލިބުނު އެންމެ ހަރަކާތްތެރި އެންމެ އޯގާތެރި ފަސްޓް ލޭޑިކަމަށްވެސް ޝިފާޤު ވަނީ ވިދާޅުވެފައެވެ.

    އިދިކޮޅު ފަރާތްތަކަށް ވަރަށް ބޮޑަށް ފާޑު ވިދާޅުވެ ވާހަކަ ދައްކަވަމުން ޝިފާގު ވިދާޅުވީ ރައީސުލްޖުމުހުރިއްޔާގެ އަނބިކަނބަލުން ފާތިމަތު އިބްރާހިމް ރައްޔިތުނުންނާއި ކައިރިން މަސައްކަތް ކުރައްވަން ފެއްޓެވުމުން އިދިކޮޅު ފަރާތްތަކަށް ވަރަށް ބޮޑެތި ގޮންޖެހުންތަކާއި ކުރިމަތިވަމުންދާކަމަށެވެ. އެގޮތުން އެފަރާތްތަކުން ރައްޔިތުންގެ ހިތުގައި ސަރުކާރާއިމެދު ނަފްރަތު އުފެއްދުމަށް ކުރަމުންދާ މަސައްކަތް ނާކާމިޔާބު ވަމުންދާކަން އޭނާ ފާހަގަކުރެއްވިއެވެ.

    ބަޔަކު ކިތަންމެ ވަރަކަށް ވާހަކަ ދެއްކެވި ނަމަވެސް ޚާއްސަ އެހީއަށް ބޭނުންވާ ފަރާތްތަކަށާއި، އަންހުންނާއި ކުޑަކުދިންނަށް ޚާއްސަކޮށްގެން މެޑަމް ފާތިމަތު އިބްރާހިމް ކުރައްވަމުންދާ އިޖްތިމާއީ މަސައްކަތް ހުއްޓަވާ ނުލައްވާނެކަމަށްވެސް ޝިފާޤު ވިދާޅުވިއެވެ.

    • ކޮމެންޓްސް (0)

    Your email address will not be published. Required fields are marked *

    • ފުރިހަމަ ނަން

    Ads

    ads

    ކަމުދާނެ ލިޔުންތައް

    ހޯނޑެއްދޫއިން 19 މީހަކު ކޮވިޑް 19 އަށް ޕޮޒިޓިވްވެއްޖެ

    ގދ.ހޯނޑެއްދުއިން ކޮވިޑް19އަށް 19 މީހަކު ޕޮޒިޓިވް ވެއްޖެވެ. ހޯޑެއްދޫއިން ފުރަތަމަ ކޮވިޑަށް ޕޮޒިޓިވް ވެފައި ވަނީ ހޯމްކަރަންޓީންއިން ދޫކޮށްލުމުގެ ...

    ކޯވިޑް-19 : ދުރާލައި ހަރުކަށި ފިޔަވަޅު ނާޅައިފިނަ ރާއްޖެއިން އެތައްބަޔަކު މަރުވެދާނެ

    ކޯވިޑް-19އިން ރައްކާތެރިވުމަށް މުހިންމު ހަރުކަށި ފިޔަވަޅުތައް އަޅައިފިނަމަ ބަލި ފެތުރިއްޖެ ޙާލަތެއްގައިވެސް އެންމެ ގިނައިން ފަރުވާދޭން ޖެހޭނީ 300 ...

    ސީއެސްސީގެ މެންބަރު ކަމަށް ސ.ފޭދޫ ކުމުންޒާނިގޭ ފާތުމަތު އަމީރާ ޢައްޔަން ކުރައްވައިފި

    ސިވިލް ސަރވިސް ކޮމިޝަންގެ މެންބަރު ކަމަށް ސ. ފޭދޫ ކުމުންޒާނިގެ، ފާތިމަތު އަމީރާ މަޖިލީހުން ޢައްޔަންކުރައްވައިފިއެވެ. ހުސްވެފައިވާ ސިވިލް ...

    ބަރަކާތްތެރި ފިޠުރު ޢީދުގެ މުނާސަބަތުގައި ރައީސުލްޖުމްހޫރިއްޔާ ދިވެހި ރައްޔިތުންނަށް ތަހުނިޔާ ފޮނުއްވައިފި

    ޢީދު ދުވަހު، މުސްލިމުން އެކަކު އަނެކަކާ ބައްދަލުވެ ހެޔޮއެދުމުގެ ޝުޢޫރުތައް ފާޅުކުރުމަކީ، އިސްލާމީ ރިވެތި އަޚުލާޤުގެ ނަމޫނާއެއްކަމުގައި ރައީސުލްޖުމްހޫރިއްޔާ ...

    ސަލާމަތީ މަޖިލީހުގެ ގޮނޑި ރާއްޖެއަށް ކާމިޔާބެއް ނުކުރެވުނު

    އދ ގެ ސަލާމަތީ މަޖިލީހުގެ ގޮނޑި ދިވެހިރާއްޖެއަށް ކާމިޔާބު ނުކުރެވި އެ ގޮނޑި އިންޑޮނޭޝިއާއިން ކާމިޔާބު ކޮށްފިއެވެ. ސަލާމަތީ ...

    ޔޫތުޗެލެންޖެ 2020- ގުސީއާއި ރައްޔުގެ ހެޓްރިކާއެކު ބޮޑު ތަފާތަކުން އެފްސީ އަމީގޯ މޮޅުވެއްޖެ

    ގުސީއާއި ރައްޔުގެ ހެޓްރިކާއެކު މީދޫ ޔޫތު ޗެލެންޖް 2020 ފުޓްބޯޅަ މުބާރާތުގައި ހޮނިހިރު ދުވަހު ކުޅެވުނު މެޗްގައި ވަރުގަދަ ...