ކޮވިޑް-19ގެ ކޭސްތައް ރާއްޖޭގައި އިންތިހާއަށް ގިނަ ވުމާ ގުޅިގެން މާލޭ ސަރަހައްދުގެ ރެސްޓޯރެންޓްތައް ބަންދުކުރަން އަންގައިފިއެވެ.
ކޮވިޑާއި ގުޅިގެން މިއަދު އެޗްޕީއޭއިން ވަނީ މާލެ ސަރަހައްދުގައި އަޅަން ނިންމާފައިވާ ހަރުކަށި ފިޔަވަޅުތައް އިއުލާނުކޮށްފައެވެ.
އެގޮތުން ކާބޯތަކެތީގެ ހިދުމަތްދޭ ތަންތަނުގެ އެތެރޭގެ ތިބެގެން ކެއުން ބުއިމުގެ ހިދުމަތް ދިނުން ހުއްޓާލަން އަންގާފައި ވެއެވެ. އަދި ބަދަލުގައި ޑެލިވަރީ ޓޭކްއަވޭ ހިދުމަތް ދިނުމަށް އަންގާފައި ވެއެވެ.
އެޗްޕީއޭގެ އެންގުމުގައި ވާގޮތުން ޕޮލިސް ޕާރމިޓްއާއެކު މެންދަމު 12:00 ޖެހުމާ ހަމައަށް ޑެލިވަރީ ހިދުމަތް ދިނުމަށް ފުރުސަތު ދޭނެއެެވެ. އަދި މި ގައިޑްލަންއާ ހިލާފުވާ ވިޔަފާރިތައް 24 ގަޑިިއިރަށް ބަންދު ކުރަން އަންގާފައި ވެއެވެ.
ކޮވިޑް-19ގެ ކޭސްތައް ރާއްޖޭގައި ގިނަވުމާއެކު އަޅާފައިވާ ފިޔަވަޅުތަކާއެކު ކެފޭ ރެސްޓޯރެންޓުތައް މިހާރު ވެސް ހުޅުވާފައި ބެހެއްޓެނީ ހަވީރު 5:30 އިން ރޭގަނޑު 09:00އަށެވެ.
ކޮމެންޓްސް (0)