ސަރުކާރުން ހުޅުމީދޫގައި ފެށުމަށް ހަމަޖެހިފައިވާ ގިނަ މަޝްރޫއުތަކެއްގެ ފެށުން މިއަދު ބާއްވާގޮތައް ހަމަޖެހިފައިވާކަމަށް މައުލޫމާތު ލިބިއްޖެވެ
ސަރުކާރުކާރުން އެމްޓީސީސީއާއި ހަވާލްކޮށްގެން ކުރިއަށް ގެންދިއުމަށް ހަމަޖެހިފައިވާ މަޝްރޫއުތަކުގެ ތެރެއިން މިއަދު ފުރަތަމަ ފެށުމަށް ހަމަޖެހިފައިވަނީ މީދޫ ކަޅިބިއްފަރާތުން ގިރާސަރަހައްދު ހިމާޔަތްކުރުމަށް ޖިއޯ ބޭގް ޖެހުމުގެ މަސައްކަތެވެ. މިމަސައްކަތް ފެށުމަށް ހަމަޖެހިފައިވަނީ ހެނދުނު 9:30 ގައެވެ.
މިއަދު 11:00 ގައި ހުޅުމީދޫގެ މެދު ބަނދަރު ސަރަހައްދުން ކޮންނަ ބޯޓް ބޭނުންކޮށްގެން ތައްޔާރު ކުރުމަށް ހަމަޖެހިފައިވާ މިފްކޯ ބަނދަރުގެ މަސައްކަތް ފެށުމަށް ހަމަޖެހިފައިވާއިރު 11:30 ގައި ބޭއްވުމަށް ހަމަޖެހިފައިވަނީ ތާރުއަޅައި ނިންމާފައިވާ ހުޅުމީދޫގެ ބޮޑުމަގުގެ ދެފަރާތުގައި ގަސްއިންދުމުގެ މަސައްކަތެވެ.
މިއަދު 11:45 ގައި ބޭއްވުމަށް ހަމަޖެހިފައިވަނީ ހުޅުދޫގައި އަލަށް ތައްޔާރުކުރަމުންދާ ބަނދަރުގައި އެލް ބްލޮކް ޖެއްސުމުގެ މަސައްކަތެވެ.
މައުލޫމާތު ލިބިފައިވާގޮތުގައި މިމަސައްކަތްތައް ފައްޓަވައި ދެއްވުމަށް އެމްޕީ ރޮޒެއިނާއާއި އިލްޔާސް ލަބީބުގެ އިތުރަށް އެމްޓީސީސީގެ ސީއީއޯ އާދަމް އާޒިމާއި މިފްކޯގެ އެމްޑީ އިސްމާއީލް ފައުޒީގެ އިތުރަށް އައްޑޫސިޓީގެ މޭޔަރުވެސް ހުޅުމީދޫއަށް ވަޑައިގަންނަވާގޮތައްވަނީ ހަމަޖެހިފައެވެ.
ކޮމެންޓްސް (0)