ރައްޔިތުން މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު އިނގިރޭސިވިލާތަށް މިއަދު ފުރާވަޑައިގެންފިއެވެ.
ރައީސް ނަޝީދު އިނގިރޭސިވިލާތަށް ފުރާވަޑައިގެންފައި ވަނީ މަޖިލީހުގެ މިދައުރުގެ ޖަލްސާތައް މިމަހުގެ ނިޔަލަށްނިންމައި މިއަދުން ފެށިގެން މަސް ދުވަހުގެ ޗުއްޓީއަކަށް ވަޑައިގަންނަވަން ނިންމާފައިވަނި ކޮށެވެ. ރައްޔިތުންގެ މަޖިލީހުގެ މިދައުރުގެ ފަހު ޖަލްސާ މި އޮގަސްޓު މަހުގެ 31 ވާ ހޯމަ ދުވަހު ބޭއްވުމަށް މަޖިލީހުން ވަނީ ނިންމާފަ އެވެ.
އެމްޑީޕީން ކުރި ޓްވީޓެއްގައި ބުނެފައިވަނީ ރައީސް ނަޝީދު ނުރަސްމީ ދަތުރުފުޅެއްގައި އިނގިރޭސިވިލާތަށް ފުރާ ވަޑައިގެންފައިވާ ކަމަށެވެ.
ރައީސް ނަޝީދު ވަނީ މިދިޔަ މަޖިލިސް އިންތިހާބުގެ ކެމްޕެއިނަށްފަހު ވެސް އާއިލާއާއި އެކު އިނގިރޭސި ވިލާތަށް ވަޑައިގަންނަވާފަ އެވެ.
ކޮމެންޓްސް (0)