ސ.މީދޫއިން ފޭދުއަށް ގެންދިއުމަށްޓަކައި ކާރެއް ދޯންޏަކަށް އަރުވަން އުޅުމުގެތެރޭގައި ކޮންޓްރޯލް ނުވެގެން ގޮސް ކާރެއް މޫދަށް ވެއްޓިއްޖެއެވެ.
މައުލޫމާތު ލިބިފައިވާގޮތުގައި މި ހާދިސާ ހިނގީ މިއަދު ހެނދުނު މީދޫ ބަނދަރުގެ ހުޅގުފަރާތުގައި ތައްޔާރުކޮށްފައިވާ ރެޕްމުން އެކާރު ދޯންޏަށް އަރުވަން އުޅުމުގެ ތެރޭގައި ކާރުގެ ބުރަކި ނުޖެހި ކޮންޓްރޯލް ނުކުރެވިގެންނެވެ.
ކާރު މޫދަށް ވެއްޓުނުއިރު އޭގައި ޑްރައިވަރު ފިޔަވާ އިތުރު މީހަކު ނެތެވެ . މޫދަށް ކާރު ވެއްޓުމާއެކު ޑްރައިވަރުވަނީ ކާރުން ނިކުމެފައެވެ.
މިހާދިސާގައި ޑްރައިވަރަށް އަނިޔާއެއް ނުލިބުނަސް ކާރަށް ވަނީ ވަރަށް ބޮޑެތި ގެއްލުންތައް ލިބިފައެވެ.
މޫދަށް ވެއްޓުނު މިކާރު މިހާރު ވަނީ އެކްސްކަވޭޓަރެއްގެ އެހީގައި މޫދުން ނަގާފައެވެ. މިކާރަކީ އަދި އެއްވެސް ވަރަކަށް ދުއްވަން ފަށާފައިނުވާ އާކާރެއްކަމަށްވެސް މައުލޫމާތު ލިބިފައިވެއެވެ.
ކޮމެންޓްސް (0)