ފުރަތަމަ މޯލްޑިވިއަން އައިޑަލްއިން ވިދާލި ލަވަކިޔުންތެރިޔާ ޝަލަބީ އިބްރާހީމްގެ އަޑަކީ ގިނަބައެއްގެ މެދުގައި މަޤުބޫލު އަޑެވެ. “ހިތްތަކުގެ އައިޑަލް” ގެ ނަމުން ސަޕޯޓަރުން އޭނާއަށް މުޚާޠަބުކުރަނީވެސް އެހެންވެގެންނެވެ. މިއީ ފަހަކަށްއައިސް ރާއްޖޭގެ ލަވަކިއުމުގެ އިންޑަސްޓްރީން އިވުނު އެންމެ ހިތްގައިމު ރީތި އަޑުގެގޮތުގައި މިދާއިރާގެ ފަންނާނުންވެސް ފާހަގަކުރެއެވެ.

މޯލްޑިވިއަން އައިޑަލްއަށްފަހުވެސް ޝަލަބީވަނީ ތަފާތު އެކިލަވަތައް ޢާއްމުންނަށް ދޫކޮށްލާފައެވެ. އެއިން ކޮންމެ ލަވައަކީވެސް ޢާއްމުންގެ މެދުގައި މަޤުބޫލު އަދި އެތައްބަޔަކު އަޑުއަހަމުންދާ ލަވަތަކެކެވެ. އެހެންނަމަވެސް މި ހުރިހާ ލަވަތަކަކީވެސް އެހެން ފަންނާނުން ކިޔާފައިވާ “ކަވަރ ސޯންގް” ތަކެވެ. އެހެންކަމުން ޝަލަބީގެ އަމިއްލަ ލަވައެއްގެ އަޑުއަހާލަން އޭނާގެ ސަޕޯޓަރުން ތިބީ ކެތްމަދުވެފައެވެ.

ފުރަތަމަ އަމިއްލަ ލަވައެއްގެ ގޮތުގައި މިދިޔަ ހޮނިހިރު ދުވަހުގެރޭ ޝަލަބީ ރިލީޒްކުރި “އާދޭސް” މިވަނީ އޭނާގެ ސަޕޯޓަރުންނާއި ލަވައަށް ލޯބިކުރާ ޢާއްމުންގެ ހިތްތަކުގެ އާދޭހަށްވެފައެވެ.

ހޮނިހިރު ދުވަހުގެ ރޭ ޓީ.ވީ.އެމުން ގެނެސްދިން މޯލްޑިވިއަން އައިޑަލް ސީޒަން ދޭއްގެ ގްރޭންޑް ފިނާލޭގައި ޓީޥީން ފެނުނު އެންމެ ހިތްގައިމު އެއްއައިޓަމަކީވެސް “އާދޭސް” އެވެ.

އަމިއްލަ ރާގަކަށް އުފައްދާފައިވާ މި ލަވަ ޝޫޓްކުރުމާއި، ޕްރޮޑަކްޝަންގެ މަސައްކަތަށް ގާތްގަނޑަކަށް 3 މަސްދުވަސް ހޭދަވިކަމަށްޝަލަބީ ބުންޏެވެ. މި ލަވައިގެ މިއުޒިކް ހަދާފައިވަނީ، ޝަލަބީގެ އަމިއްލަ ބޭންޑުންނެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

މީޑިއާނެޓްގެ ޗެނަލްތައް އުރީދޫގެ ކަސްޓަމުންނަށް ފޯނުން ބެލޭނެ ގޮތް ހަދައިފި

ރާއްޖޭގައި މުއާސަލާތީ ހިދުމަތް ފުޅާ ދާއިރާއެއްގައި ދޭ އުރީދޫގެ ކަސްޓަމަރުންނަށް  މީޑިއާނެޓްގެ ޗެނަލްތައް ފޯނާއި ސްމާޓް ޑިވައިސްތަކުން ބެލޭނެ ...

ކޮންމެ މޫޑަކާ ގުޅޭ ޕްލޭލިސްޓު ސިޓިންގްރޭ ގައި

ކޮންމެ ކަމެއް ކުރި ކަމުގައި ވިޔަސް އެކަމަކާ ގުޅޭ ޕްލޭލިސްޓަކާ ނުލައި ކަމެއް ކުރެވޭ ކަމަކަށް ނުވެއެވެ. ގޭގައި ...

ޕަދުމަވަތު ގުޖުރާތުގައިވެސް ނާޅުވާނެ

މިހާތަނަށް ބޮލީވުޑް ފިލްމު އިންޑަސްޓްރީގައި އުފެއްދި އެންމެ މައްސަލަ ބޮޑު ފިލްމު “ޕަދުމަވަތު” ގުޖުރާތުގައި ނާޅުވާނެ ކަމަށް ގުޖުރާތުގެ ...