• Categories
  • Archives

ޓްރާންސްފަރގެ ފަހު ދުވަސް، ކުޅުންތެރިން ހޯދުމަށް ކުލަބުތައް ކިޔު ހަދާފައި!

މިއަދަކީ ޔޫރަޕުގެ ޓްރާންސްފާ މާކެޓްގެ ފަހު ދުވަހެވެ. މިރޭ މެންދަމަށް ކުޅުންތެރިން ގަނެވިއްކުން ނިމުމަކަށް އަންނައިރު ބޮޑެތި ކުލަބުތަކުން ވަނީ ކުޅުންތެރިންގެ ފަހަތުން ކިޔޫ ހަދާފައެވެ. އަގުތައް ހުރީ އަތްނުފޯރާ ފަށުގައެވެ. މިހެންވެ ކުޅުންތެރިން ގަތުމުގެ ރޭހުގެ ފޯރިވަރަށް ގަދައެވެ.

ލީގުގައި ކުޅުނު އެންމެ ފަހު މެޗުތަކަށްފަހު މިހާތަނަށް ނިމުނު އެންމެ ފާހަގަކޮށްލެވޭ ޑީލަކީ އާސެނަލްގެ އޮކްސްލައިޑް ޗެމްބަލައިން 40 މިލިއަން ޕައުންޑަށް ލިވަޕޫލަށް ބަދަލުވުމެވެ. މައްސަލަ ޖެހިފައިވާ އާސެނަލްގެ އެލެކްސިސް ސަންޗޭޒް ގަތުމަށް އެންމެ ބޮޑަށް އުޅެނީ އޭނާގެ ކުރީގެ ކޯޗު ޕެޕް ގާޑިއޯލާ ކޯޗުކޮށްދޭ މެންޗެސްޓާ ސިޓީންނެވެ. އެކުލަބުން ހުށަހެޅި 50 މިލިއަން ޕައުންޑަށް އާސެނަލް ނޫނެކޭ ބުނެފައިވާއިރު ބަދަލެއްގެ ގޮތުން ރަހީމް ސްޓާލިން އާސެނަލް އަށް ދިނުމަށް ވެސް ސިޓީ އޮތީ ތައްޔާރަށެވެ. އެކަމަކު މިރޭހަށް ވާދަވެރި މެންޗެސްޓާ ޔުނައިޓެޑް ވަނުމުން ސަންޗޭޒްގެ ކުރިމަގު ވަނީ ވަރަށް ބޮޑަށް ނޭގުމެއްގެ ތެރޭގައެވެ.

ސްކޮޑު ވަރުގަދަ ކުރުމަށް އިންތިހާ އަށް ބޭނުންވެފައިވާ ޗެލްސީ އަތުގައި ފައިސާ ހުއްޓަސް އަދި ކުޅުންތެރިއަކު ލިބިފައެއްނުވެއެވެ. ޗެމްބަލައިން ނުލިބުނުއިރު އެވަޓަންގެ ރޮސް ބާކްލޭ ގަތުމަށް ކޯޗު ކޮންޓޭ ހުށަހެޅި 50 މިލިއަން ޕައުންޑްގެ ބިޑް ވެސް ވަނީ ފޭލްވެފައެވެ.

މެންޗެސްޓާ ޔުނައިޓެޑަށް ރެއާލް މެޑްރިޑުގެ ގެރެތް ބޭލް ގެންނަ ވާހަކަ އަކީ އަދި ހިޔާލެކެވެ.

ޓްރާންސްފާގެ ފަހު ވަގުތު އެންމެ ނުތަނަވަސްކޮށް އުޅޭ ދެ ކުލަބަކީ ލިވަޕޫލާއި ސްޕެއިނުގެ ބާސެލޯނާއެވެ. ލިވަޕޫލަށް ކުޅޭ ބްރެޒިލްގެ ޕިލިޕް ކޮޓީނިއޯ ގަތުމަށް ބާސެލޯނާގެ ފަހު ހަނގުރާމަ ކުރަމުންދާއިރު އެކުލަބުން ހުށަހަޅާފައިވާ 148 މިލިއަން ޕައުންޑާ މެދު ލިވަޕޫލުން ގޮތެއް ނިންމާނީ އެކުލަބުން ބޭނުންވާ ކުޅުންތެރިން ލިބިއްޖެނަމައެވެ.

ލިވަޕޫލުން ބޭނުންވަނީ ފްރާންސްގެ މޮނާކޯ އަށް ކުޅޭ ލޯމަސް ލެމާ އާއި ސައުތެމްޓަނުގެ ޑިފެންޑަރު ވާޖިން ވެންޑައިކެވެ. މިއިން ކޮންމެ ކުޅުންތެރިއެއްގެ އަތު 80 މިލިއަން ޕައުންޑާ ގާތްކޮށްފައިވާއިރު ލެމާ ގަތުމުގެ ރޭހަށް ބާސެލޯނާ ވެސް މިހާރު ވަދެއްޖެއެވެ. އެއީ ފަހު ވަގުތު ލިވަޕޫލުން ކޮޓީނިއޯ ނުވިއްކައިފިނަމަ ބާސެލޯނާއިން ގަންނަން ބޭނުންވާ ތިން ކުޅުންތެރިންގެ ލިސްޓުގައި އޭނާ ހިމެނޭތީއެވެ. އަނެއް ދެ ކުޅުންތެރިންނަކީ ޔުވެންޓަސްގެ ޕައުލޯ ދީބާލާ އާއި އެތްލެޓިކޯ މެޑްރިޑްގެ އެންޓޮއިން ގްރިޒްމަންއެވެ.

ޗެލްސީން ދާން ބޭނުންވެފައިވާ ފޯވަޑް ޑިއެކޯ ކޯސްޓާ ފެނުންގާތީ ކުރީގެ ކުލަބް އެތްލެޓިކޯއިންނެވެ. ފްރާންސްގެ މޮނާކޯ އަށް ކުޅޭ ކޭލިއަން އެމްބާޕޭ ބަދަލުވާނީ ޕީއެސްޖީ އަށެވެ. އެއީ 166 މިލިއަން ޕައުންޑަށެވެ.

އިނގިރޭސިންނާއި އިޓަލީއަށް މިރޭ ޓްރާންސްފާ މާކެޓް ބަންދުވި ނަމަވެސް ސްޕެއިނާއި ޖަރުމަނަށް ޓްރާންސްފާ މާކެޓް ބަންދުވާނީ މާދަމާ ނޫން އަނެއް ދުވަހުގައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ޖޯލިއަންސް މިކްސް ވޮލީ މުބާރާތް: ޓީމް ޗެލެންޖާސް އަތުން ޓީމް ގަރާޖް ބަލިވެއްޖެ

އައްޑޫސިޓީ  ފޭދޫ ޒުވާނުން އިންތިޒާމްކޮށްގެން ފޭދޫގައި މިހާރު ކުރިއަށްދާ ޖޯލިއަންސް މިކްސް ވޮލީ މުބާރާތުގައި ޓީމް ޗެލެންޖާސް ކުޅުނު ...

ސެމީފައިނަލްއާއި ކްއާޓާފައިނަލްގެ މެޗްތައް ކުޅެވޭނެގޮތް މިނިވަންކަޕް އޮގަނައިޒިން ކޮމެޓީން ހާމަކޮށްފި

މިނިވަންކަޕް ފުޓްސަލް މުބާރާތުގެ ސެމީފައިނަލްއާއި ކްއާޓާފައިނަލްގެ މެޗްތައް ކުޅެވޭނެގޮތް މިނިވަންކަޕް އޮގަނައިޒިން ކޮމެޓީން ހާމަކޮށްފިއެވެ. މިގޮތުން ކުޅެވޭ ކްއާޓާފައިނަލްމެޗްގެ ...

މުއްސަދުގެ ގޯލުން އެފްސީ ޝައުގަށް މޮޅެއް

މުއްސަދުގެ ގޯލުން ގައުމު އެފްސީގެ މައްޗަށް އެފްސީ ޝައުގު ކުރި ހޯދައިފިއެވެ. މިހާރު މީދޫގައި ކުރިއަށް ގެންދާ ގަންބުރި ...

މުލިމަތި ފުޓްސަލް މުބާރާތް 2019

މީދޫ މުލިމަތި ޖަމްއިއްޔާއިން ކޮންމެ އަހަރަކު ކުރިއަށް ގެންދަން ނިންމާފައިވާ ފުޓްސަލް މުބާރާތް 3 ފެބްރުއަރީ 2019 ވާ ...

ގައުމީ ފުޓްބޯޅަ ޓީމުގެ ކުރީގެ ކޯޗު ޑަރެން ސްޓެވާޓް މަރުވެއްޖެ

ގައުމީ ފުޓްބޯޅަ ޓީމުގެ ކުރީގެ ކޯޗު، އަދި އޮސްޓްރޭލިއާގެ ކުރީގެ ކުޅުންތެރިޔާ ޑަރެން ސްޓެވާޓް މަރުވެއްޖެއެވެ. އޮސްޓްރޭލިއާ އަށް ނިސްބަތްވާ ސްޓެވާޓް ...

އައިއެސްއޭ ސްޓްރީޓް ކަޕް 2018

ފިތުރު އީދުގެ މުނާސަބާ ފާހަގަކުރުމުގެ ގޮތުން މިމަހުގެ 14 ވަނަ ދުވަހުގެރޭ ” އައިއެސްއޭ ސްޓްރީޓް ކަޕް 2018 ...