• Categories
  • Archives

އައިޖީއެމްއެޗްގެ މުވައްޒަފުން ޚާއްޞަ އެހީއަށް ބޭނުންވާ މީހުންނަށް އެހީތެރިކަން ފޯރުކޮށްދެނީ

ރާއްޖޭގައި ސިއްޙީ ޚިދުމަތް ދޭންފެށިތާ 70 އަހަރުފުރުން ފާހަގަކުރުމަށް އައިޖީއެމްއެޗް ގްރޫޕް އޮފް ހޮސްޕިޓަލްސްއިން ކުރިއަށް ގެންދާ ހަރަކާތްތަކުގެ ތެރޭގައި ހިމަނައިގެން އައިޖީއެމް ހޮސްޕިޓަލް ގައި މަސައްކަތްކުރާ ހުރިހާ މުވައްޒަފުން ޚާއްޞަ އެހީއަށް ބޭނުންވާ މީހުންނަށާއި، ކުޑަކުދިންގެ ހިޔާއަށް މިއަހަރުގެ ތެރޭގައި އެއްގަޑިއިރު ހިލޭ ޚިދުމަތް ކޮށްދިނުމަށް ނިންމައިފިއެވެ.

ކ.ގުރައިދޫގައި ތިބޭ ޚާއްޞަ އެހީއަށް ބޭނުންވާ މީހުންނާއެކު މިއަދު ބޭއްވި ހަވީރުގައި މިކަން ޢިއުލާން ކުރައްވަމުން އައިޖީއެމްއެޗްގެ ސީއީއޯ ބްރިގޭޑިއަރ ޖެނެރަލް (ރިޓަޔަރޑް) ފަރުހަތު ޝަހީރު ވިދާޅުވީ މިއީ އިންސާނިއްޔަތަށް ޚިދުމަތް ކޮށްދިނުމަށާއި ޤައުމުގައި އެހީއަށް ބޭނުންވެފައިތިބި މީހުންނަށް އެހީވުމަށް އެ ހޮސްޕިޓަލްގެ މުވައްޒަފުން ނިންމި މުހިންމު ނިންމުމެއްކަމަށެވެ. އެގޮތުން ހޮސްޕިޓަލުން ދޭ ޚިދުމަތުގެ އިތުރުން، ޚާއްޞަ އެހީތެރިކަން ބޭނުންވާ މީހުން ތިބޭ ތަންތަނަށް ގޮސް އެފަރާތްތަކަށް އަޅާލުމާއި އެހީތެރިކަން ފޯރުކޮށްދޭނެކަމަށް އޭނާ ވިދާޅުވިއެވެ.

“މިއީ އެހީތެރިކަން ފޯރުކޮށްދިނުމަށް އަޅުގަނޑުމެން ހުރިހާ މުވައްޒަފުން އަހުދުވެ އަޒުމް ކަނޑައަޅައިގެން ބޭނުންވީ ހޮސްޕިޓަލަށް ޚިދުމަތް ހޯދަން އަންނަ މީހުންގެ އިތުރަށް ހޮސްޕިޓަލްގެ ބޭރުން ޚާއްޞަ އެހީއަށް ބޭނުންވާ މީހުންގެ މަރުކަޒާއި ކުޑަކުދިންގެ ހިޔާ އަދި ފިޔަވަތީގަ ތިބި ކުދިންނަށް އެތަންތަނަށްގޮސް އެހީތެރިކަމަކާ އަޅާލުންދޭން” ފަރުހަތު ވިދާޅުވިއެވެ.

ގުރައިދޫގައި ތިބޭ ޚާއްޞައެހީއަށް ބޭނުންވާ މީހުންނާއެކު ބޭއްވި ހަވީރުގައި މިނިސްޓަރ އޮފް ޖެންޑަރ އެންޑް ފެމިލީ ޒެނީޝާ ޝަހީދު ޒަކީ ބައިވެރިވެވަޑައިގެންނެވިއެވެ. މިހަވީރު ޝަރަފްވެރިކޮށްދެއްވީ ސިއްޙީ ދާއިރަށް ގިނަ ދުވަހު ޚިދުމަތް ކޮށްދެއްވާފައިވާ ޑރ.މުޙައްމަދު އަޙްމަދެވެ.

މިހަވީރުގައި ވާހަކަ ދައްކަވަމުން ކ.ގުރައިދޫ ކައުންސިލްގެ ނާއިބު ރައީސް އިބްރާހީމް ޝަލީޒް ވަނީ އެރަށުގެ ރައްޔިތުންނަކީ ޒަމާނުއްސުރެ ޚާއްޞާ އެހީއަށް ބޭނުންވާ މީހުންނަށް އެހީތެރިވަމުން އަންނަ ބައެއްކަން ފާހަގަކުރައްވާފައެވެ. އެހެންކަމުން އެރަށުގެ ރައްޔިތުންނަށް އިތުރު ތަމްރީނާއި ޚައްޞާ އެހީއަށް ބޭނުންވާ މީހުންނާއެކު ވަގުތު ހޭދަކުރާނެ ގޮތް ދަސްކޮށްދޭން ދޭންޖެހޭކަމަށް އޭނާ ވިދާޅުވިއެވެ. އަދި މިޚިދުމަތުގަ ރައްޔިތުން އަބަދުވެސް ދެމިތިބޭނެކަމުގެ ޔަޤީންކަން އޭނާ ދެއްވިއެވެ.

“މިހާރު އަޅުގަނޑުމެންނަށް ފެންނަމުން މިދަނީ ރާއްޖޭގެ ސިއްޙީ ޚިދުމަތަށް އިންގިލާބު ގެނެސްފައިވާ ދުވަސްވަރެއް. މިއިންޤިލާބުގެ ތެރެއިން އެންމެ ހިތްގައިމު މަންޒަރުތައް މިއަދު މިފެންނަނީ އައިޖީއެމްއެެޗްއިން. އައިޖީއެމްއެޗަކީ ރައްޔިތުންގެ މަޤްބޫލްކަން ލިބިފައިވާ ހޮސްޕިޓަލެއް. އެތަނުގެ މާހައުލަކީ ހިތްގައިމު މާހައުލެއް. އެތަނުން ލިބެނީ އަޅަލުމާއި އިހްސާންތެރިކަމުގެ އިޙްސާސް.” ޝަލީޒް ވިދާޅުވިއެވެ.

ގުރައިދޫގައި ބޭއްވި ހަވީރުގައި ވަނީ އައިޖީއެމްއެޗް އިން ޚާއްޞައެހީއަށް ބޭނުންވާ މީހުންގެ މަރުކަޒަށާއި އެރަށު ސިއްޙީ މަރުކަޒަށް ބޭނުންވާ ސިއްޙީ އާލާތްތައް ހަދިޔާކޮށްފައެވެ. މިތަކެއްޗަކީ ޚާއްޞަ އެހީއަށް ބޭނުންވާ މީހުންގެ މަރުކަޒުގައި ތިބޭ މީހުންގެ ފަރުވާއަށާއި އެފަރާތްތަކާއެކު ވަގުތު ހޭދަކޮށް އެހީތެރިކަން ފޯރުކޮށްދޭ މީހުންނާ މުޢާމަލާތް ހިންގުމަށް އެހީތެރިވެދޭނެ ތަކެތިކަމަށް އައިޖީއެމްއެޗުން ބުނެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ޖަލު ހުކުމެއްގައި ހުރި ޒިޔަތު ގޭބަންދަށް ބަދަލުކޮށްފި

Advertisement  އެމްއެމްޕީއާރްސީގެ ހިޔާނާތާ ގުޅިގެން ޖަލު ހުކުމެއް ތަންފީޒު ކުރައްވަމުން ގެންދަވާ އެ ކުންފުނީގެ ކުރީގެ މެނޭޖިން ޑިރެކްޓަރު ...

މިގޮޑީގައި އަޅުގަޑު ބައިންދައިފިނަމަ މިގޮޑި ނީލަމުގައި އިންނަދުވަހެއް ތިޔަބޭފުޅުންނަށް ނުފެންނާނެ- ރޮޒެއިނާ

މީދޫއާއި ވަރަށްބޮޑު އާއިލީގުޅުމެއް އޮންނަކަމަށާ މަރަދޫފޭދޫއަށް ބަލާއިރު މަރަދޫފޭދޫގެ ރަށްޔިތުންނާއި ހިތާހިތުގެ ގުޅުމަކުން ގުޅިފައިވާކަމަށް ރޮޒެއިނާ އާދާމް ވިދާޅުވެއްޖެވެ ...

ހިތަދޫ އަދި ފުވައްމުލަކު ސިޓީގެ އިންތިޚާބީ ދާއިރާތައް ކަނޑައެޅުމާއި ގުޅޭގޮތުން މަޝްވަރާކޮށްފި

އައްޑޫ ސިޓީ ހިތަދޫ އަދި ފުވައްމުލަކު ސިޓީގެ އިންތިޚާބީ ދާއިރާތަކަށް އަންނަ ބަދަލުތަކާއި ގުޅޭގޮތުން އެ ދާއިރާތަކުގެ މިހާރުގެ ...

އުއްތަމަ ފަނޑިޔާރު އަބްދުﷲ ސައީދާއި ފަޑިޔާރު އަލީ ހަމީދު އެއް އަހަރާއި ހަތް މަހަށް ޖަލަށް ލާން ޙުކުމް ކޮށްފި

އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު އެއް އަހަރާއި ހަތް މަހާއި ހަ ދުވަހަށް ޖަލަށް ...

މި މަހުގެ ކަރަންޓު ބިލުން ތަފާތު ފެންނާނެ – ފެނަކަ

ކަރަންޓްގެ އަގަށް ގެނައި ބަދަލު މި މަހުގެ ކަރަންޓު ބިލުން ފެންނާނެކަމަށް ފެނަކަ ކޯޕަރޭޝަނުން ބުނެފިއެވެ. މާލެއާއި އަތޮޅުތަކުގެ ...

ކޮމިޝަންތަކަށް ޤާނޫނީ ގޮތުން ބޮޑެތި ބާރުތަކެއް ދީފި ނަމަ ކޯޓަށް ދާނަން – ރައީސް ޔާމީން

ރައީސުލްޖުމްހޫރިއްޔާ އިބްރާޙީމް މުޙައްމަދު ޞާލިޙު އުފައްދަވާފައިވާ ރިޔާސީ ދެ ކޮމިޝަނަށް ޤާނޫނީ ގޮތުން ބޮޑެތި ބާރުތަކެއް ދީފި ކަމަށްވާނަމަ ...