އެމެރިކާ އާއި ކެނެޑާ އަށް ކުރިމަތިވެފައިވާ ސްނޯގެ ތޫފާން

އެމެރިކާ އާއި ކެނެޑާގެ ބައެއް ސަރަހައްދުތަކަށް ކުރިމަތިވެފައިވާ ސްނޯގެ ތޫފާނުގެ ސަބަބުން އެ ސަރަހައްދުތަކުން ކަރަންޓު ކެނޑި، ދަތުރުފަތުރު ހުއްޓި، ފެން ގަނޑުވެ، އާންމުންގެ ދިރިއުޅުމަށް ބޮޑެތި ދަތިތަކެއް ކުރިމަތިވެއްޖެއެވެ.

ސްނޯގެ ތޫފާން އައިސްފައިވަނީ ކެނެޑާގެ ހުޅަނގުގެ ސަރަހައްދުތަކަށާއި އެމެރިކާގެ ހުޅަނގު އުތުރުގެ ސަރަހައްދުތަކަށެވެ.

ސްނޯގެ ތޫފާންގައި ފިނި ހޫނުމިން މައިނަސް ތިރީސް ޑިގްރީ އާއި މައިނަސް ސާޅީސް ޑިގްރީއާ ދެމެދުގެ މިންވަރަކަށް ދަށަށްގޮސްފައިވާ ކަމަށާއި ދަތުރުފަތުރު ނުކުރެވޭ ވަރަށް މަގުތަކުގައި ސްނޯ ގިނަވެފައިވާކަމަށް ޚަބަރުތައް ބުނެއެވެ.

އެމެރިކާގެ މޫސުމާބެހޭ މަރުކަޒީ އިދާރާއިން ބުނީ، ކުރިއަށްއޮތީވެސް ސްނޯގެ ދުވަސްތަކެއްކަމަށާއި މިހާލަތު ހަފުތާއަކަށްވުރެ ދިގުލައިގެންދާނެ ކަމަށެވެ.

ކެނެޑާގެ މޫސުމާބެހޭ އިދާރާއިން ބުނީ ސްނޯގެ ތޫފާނުން ސަލާމަތްވާނެކަމަށް ލަފާކުރެވެނީ ޖަނަވަރީ މަހުގެ ދެވަނަ ހަފުތާގައި ކަމަށެވެ.

އެމެރިކާ އާއި ކެނެޑާގެ ޑިޒާސްޓަރ މެނޭޖްމަންޓާ ބެހޭ އިދާރާތަކުން ގެންދަނީ ކަރަންޓް ކަނޑައިގެން ގޮސްފައިވާ ގޭބިސީތަކަށް ކަރަންޓް ފޯރުކޮށްދިނުމަށާއި ސްނޯގެ ސަބަބުން ގެތަކުގައި ތާށިވެފައިތިބި މީހުންނަށް ކާބޯތަކެތި ފޯރުކޮށްދިނުމަށް މަސައްކަތްކުރަމުން ކަމަށް އެ އިދާރާތަކުން ބުނެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ޔަހޫދީން  1،000 ޓަނުގެ ގޮވާތަކެތި ޣައްޒާއަށް ޙަމަލާ ދިނުމަށް ބޭނުންކޮށްފި

ޔަހޫދީންނާ ދެކޮޅަށް ޙަމާސް ޖަމާޢަތުން ވަރުގަދަ އަސްކަރީ ޙަރަކާތްތަކެއް ފެށުމާ ގުޅިގެން ޔަހޫދީން  1،000 ޓަނުގެ ގޮވާތަކެތި ޣައްޒާއަށް ...

ހިންދޫ ދީން ފަތުރަން އުޅުނު މީހާ ޑީޕޯޓްކޮށްލައިފި

ހިންދޫ ދީން ފެތުރުމަށް ރާއްޖޭގައި ކުލާސްތަކެއް ނަގަން އުޅުނު މީހާ ޑީޕޯޓްކޮށްލައިފި އެވެ މާލޭގެ ހޮޓަލެއްގައި “ސްޕިރިޗުއަލް ހީލާ”އެއްގެ ...

އީރާނުގެ ސަރުކާރަށް ތާއީދުކުރާ ފަރާތްތަކުންވެސް މުޒާހަރާކޮށްފި

އީރާނުގެ ސަރުކާރާ ދެކޮޅަށް އެ ޤައުމުގެ އެތައް ހާސްބަޔަކު މުޒާހަރާ ކުރާތާ ހަ ދުވަސް ފަހުން، އެ މުޒާހަރާތަކާ ...