• Categories
  • Archives

ދޮގު ޙަބަރު ފަތުރާ ސޯޝަލް ނެޓްވޯކްތައް ޖޫރިމަނާކުރަނީ

ސޯޝަލް މީޑިއާގައި ހަޤީޤަތާއި ޚިލާފު، ދޮގު ޙަބަރު ފަތުރާ ފަރާތްތަކަށް ހަރުކަށި އަދަބުދޭ ޤާނޫނެއް ޖަރުމަންވިލާތުގައި ތަންފީޒުކުރަން ފަށައިފިއެވެ.

ޖަރުމަންވިލާތުގެ ޤާނޫނު ހަދާ މަޖިލީހުން މިޤާނޫނު ފާސްކޮށްފައިވަނީ މިދިޔަ އަހަރުގެ ޖޫންމަހުއެވެ. އަދި މިއަހަރު ފެށުމާއެކު މިޤާނޫނު ފުރިހަމައަށް ތަންފީޒުކުރަން ވަނީ ފަށާފައެވެ. ޤާނޫނަށް ތައްޔާރުވުމަށް ސޯޝަލް މީޑިއާތަކަށް ވަނީ މިދިޔަ އަހަރުގެ ނިޔަލަށް މުއްދަތެއް ދީފައެވެ.

މިޤާނޫނުގެ ދަށުން ހަޤީޤަތާއި ޚިލާފު އަދި ނަފްރަތު އުފެދޭ ގޮތަށް ސޯޝަލް މީޑިއާގައި ޝާއިޢުކުރާ ޕޯސްޓެއް ނެގުމަށް އަންގާތާ ސައުވީސް ގަޑިއިރުގެ ތެރޭގައި އެޕޯސްޓެއް ޝާއިޢުކޮށްފައިވާ ވެބްސައިޓަކުން ނުވަތަ ސޯޝަލް ނެޓްވޯކަކުން ނަގަންޖެހެއެވެ. އެހެން ނޫންނަމަ އެލިޔުމެއް ޝާއިޢުކޮށްފައިވާ ސޯޝަލް ނެޓްވޯކް 50 މިލިއަން ޔޫރޯއާ ހަމައަށް ޖޫރިމަނާކުރުމުގެ ބާރު ކަމާބެހޭ ފަރާތްތަކަށް އޮވެއެވެ.

2 މިލިއަނަށްވުރެ ގިނަ މެމްބަރުން ހިމެނޭ ސޯޝަލް ނެޓްވޯކުތަކާއި ވެބްސައިޓުތައް މިޤާނޫނަށް ޢަމަލުކުރަންޖެހޭއިރު، މިޤާނޫނުގެ އެންމެ ބޮޑަށް އަމާޒުވަނީ ފޭސްބުކް، ޓްވިޓަރ އަދި ޔޫޓިއުބަށްކަމަށް ބެލެވެއެވެ. އަދި ފިލިކަރ، ޓަމްބްލަރ ފަދަ ސޯޝަލް ނެޓްވޯކްތައްވެސް މިޤާނޫނަށް ޢަމަލުކުރަންޖެހެއެވެ.

މިޤާނޫނުގެ ދަށުން ޚާއްސަ ފޯމެއް ތަޢާރަފްކޮށްފައިވާއިރު، ސޯޝަލް މީޑިއާ ނުވަތަ ވެބްސައިޓުތަކުގައި ހުންނަ ހަޤީޤަތާއި ޚިލާފު ޕޯސްޓްތަކާބެހޭ މަޢުލޫމާތު ރިޕޯޓްކުރެވޭނެއެވެ. މިޤާނޫނުގެ ދަށުން މިފަދަ ކަންކަން ރިޕޯޓްކުރުމަށް ސޯޝަލް މީޑިއާ ނުވަތަ ވެބްސައިޓުތަކުން އަޅާފައިވާ ފިޔަވަޅުތައް އިތުރަށް ހަރުދަނާކޮށް، ފިޔަވަޅު އެޅުންވެސް އަވަސް ކުރަންޖެހެއެވެ.

ޙަބަރުތައް ބުނާގޮތުން ފޭސްބުކުން ވަނީ ޖަރުމަންވިލާތުގައި ހަރަކާތްތެރިވާ އެކުންފުނީގެ ސްޓާފުން މިކަމަށް ހޭލުންތެރިކުރުމަށް ޚާއްސަ ޕްރޮގްރާމްތަކެއް ހިންގާފައެވެ.

ޖަރުމަންވިލާތުގައި އަމަލުކުރަން ފެށި ޤާނޫނަށް ގިނަ ބަޔަކު ތާޢީދުކުރިއަސް، ބައެއް ފަރާތްތަކުން އެކަމާ ދެކޮޅު ހަދައެވެ. އެމީހުން ބުނާގޮތުން ޚިޔާލު ފާޅުކުރުމުގެ މިނިވަންކަމަށް މިކަމުގެ ސަބަބުން ހުރަސް އެޅޭނެއެވެ.

ސޯޝަލް މީޑިއާއި އެނޫންވެސް ވެބްސައިޓުތަކުގައި ޝާއިޢުކުރާ ހަޤީޤަތާއި ޚިލާފު މަޢުލޫމާތުތަކާމެދު ފިޔަވަޅު އެޅުމަށް ޖަރުމަންވިލާތުން ތަންފީޒުކުރަން ފެށި ޤާނޫނަކީ، ޤައުމަކުން އެފަދަ ކަމެއްގައި ފާސްކުރި އެންމެ ހަރުކަށި ޤާނޫނެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އޮޅިގެން ދެވުނު އިންޒާރުން ހަވާއީއަށް ބިރުވެރިކަން!

ޕެސިފިކް ކަނޑުގައި އޮންނަ 1.4 މިލިއަން މީހުންގެ އާބާދީގެ ޖަޒީރާއެއްކަމަށްވާ ހަވާއީއަށް މިދިޔަ ހޮނިހިރުދުވަސް ވެގެންދިޔައީ ބިރުވެރި ދުވަހަކަށެވެ. ...

އިސްރާއީލުން ސޫރިޔާގެ ބައެއް ސަރަހައްދުތަކަށް ހަމަލާ ދީފި

އިސްރާއީލުން ސޫރިޔާގެ ބައެއް ސަރަހައްދުތަކަށް އުދުވާނީ ހަމަލާތަކެއް ދީފިއެވެ. ސޫރިޔާ ސިފައިން ނެރުނު ބަޔާނެއް ބުނާގޮތުން އިސްރާއީލުގެ ފައިޓަރ ...

އެމެރިކާގެ އިލެކްޓްރޯނިކް އުފެއްދުންތައް ތުރުކީން ބޯއިކެޓުކުރަނީ

އެމެރިކާގައި އުފައްދާ އިލެކްޓްރޯނިކް އުފެއްދުންތައް ބޯއިކޮޓް ކުރަން ތުރުކީން ނިންމައިފިއެވެ. ތުރުކީގެ ރައީސް އުރުދުޣާން ވިދާޅުވި އެމެރިކާއިން އުފައްދާ ...

އީރާނުގެ ސަރުކާރަށް ތާއީދުކުރާ ފަރާތްތަކުންވެސް މުޒާހަރާކޮށްފި

އީރާނުގެ ސަރުކާރާ ދެކޮޅަށް އެ ޤައުމުގެ އެތައް ހާސްބަޔަކު މުޒާހަރާ ކުރާތާ ހަ ދުވަސް ފަހުން، އެ މުޒާހަރާތަކާ ...

ޤައުމުގައި ހަމަޖެހުން ޤާއިމް ކުރަން މީސްމީޑިޔާގެ ބައެއް އެޕްތައް ލަންކާގައި ބްލޮކް ކޮށްފި

ސްރީލަންކާގެ ކޭންޑިގައި މުސްލިމުންނާއި ބުޑިސްޓުންނާއި ދެމެދު އުފެދުނު ދީނީ ހަމަނުޖެހުންތަކަށް ފަހު މުޅި ޤައުމުގައި ކުއްލި ޙާލަތު އިއްޔެ ...

އެމެރިކާގެ ކުންފުންޏަކުން އެމްއެޗް370 ހޯދުމުގެ މަސައްކަތް ފަށައިފި

2014 ވަނަ އަހަރުގެ މާޗް މަހުގެ 8 ވަނަ ދުވަހު ގެއްލުނު މެލޭޝިއަން އެއާލައިންސްގެ ފްލައިޓް އެމްއެޗް ތްރީ ...