• Categories
  • Archives

ތަރައްޤީއަށް ހުރަސްއަޅަނީ ވެރިކަމުގެ ދަހިވެތިކަމުގައި- މިނިސްޓަރ ސަޢީދު

އިދިކޮޅު ސިޔާސީ ފަރާތްތަކުން ސަރުކާރުގެ ތަރައްޤީގެ މަޝްރޫޢުތައް ހުއްޓުވުމަށް މަސައްކަތް ކުރަމުން ގެންދަނީ ވެރިކަމަށް އޮތް ދަހިވެތިކަމެއްގެ ސަބަބުން ކަމަށާއި، ތަރައްޤީއަށް ހުރަސް އެޅުމުގެ ފުރުޞަތު ސަރުކާރުން ނުދެއްވާނެކަމަށް އިކޮނޮމިކް މިނިސްޓަރ މުޙައްމަދު ސަޢީދު ވިދާޅުވެއްޖެއެވެ.

ބިލެއްދޫ ދާއިރާއިން ޕީޕީއެމާ އަލަށް ގުޅުނު މެންބަރުންގެ ފޯމް ރައީސުލްޖުމްހޫރިއްޔާގެ އަނބިކަނބަލުން ފާތިމަތު އިބުރާޙީމާ ޙަވާލުކުރެއްވުމަށް މިއަދު ބޭއްވެވި ރަސްމިއްޔާތެއްގައި ވާހަކަދައްކަވަމުން މިނިސްޓަރ ވިދާޅުވީ ސަރުކާރުން ދިވެހިރާއްޖެއަށް ތަރައްޤީ ހޯއްދަވައިދެއްވަމުން ގެންދަވަނީ މީގެ ކުރިން ވެރިކަން ކުރެއްވި ރައީސުން ގެންގުޅުއްވި އުކުޅުތަކާއި މުޅިން ތަފާތު އުކުޅުތަކެއް ބޭނުންކުރައްވައިގެންކަމަށެވެ. އެގޮތުން ކުރީގެ ސަރުކާރުތަކުން ނުކުރެވި ހުރި ގިނަ ކަންތައްތަކެއް ސަރުކާރުން އެންމެ 3 އަހަރުގެ ތެރޭގައި ކޮށްދެއްވާފައިވާކަމަށް މިނިސްޓަރ ވިދާޅުވިއެވެ.

އިދިކޮޅު ބައެއް ޕާޓީތަކުގެ މެންބަރުން ރައްޔިތުންގެ މަޖިލީހުގެ ރައީސްގެ އިތުބާރު ނެތްކަމަށް ފާސްކުރުމަށް ކުރަމުންދާ މަސައްކަތް ކާމިޔާބު ނުވާނެކަމަށާއި، ސަރުކާރަށް ހުރަސްއެޅޭ އެއްވެސް ކަމެއް ކާމިޔާބުވިޔަ ނުދެއްވާނެކަމަށް މިނިސްޓަރ ވިދާޅުވިއެވެ. މި ރަސްމިއްޔާތުގައި ވާހަކަދައްކަވަމުން ރައްޔިތުންގެ މަޖިލީހުގެ އިނގުރައިދޫ ދާއިރާގެ މެންބަރު އިބްރާހީމް ފަލާޙްވެސް ވަނީ ރައްޔިތުންގެ މަޖިލީހުގެ ރައިސްގެ އިތުބާރު ނެތްކަމަށް ފާސްކުރުމަށް ކުރާ މަސައްކަތް ނާކާމިޔާބު ކޮށްލާނެކަމަށް ވިދާޅުވެފައެވެ.

މި ރަސްމިއްޔާތުގައި ބިލެއްދޫ ދާއިރާއިން ޕީޕީއެމްއާ އަލަށް ގުޅުނު 70 މެންބަރުންގެ ފޯމް ވަނީ ރައީސް ޔާމީންގެ އަނބިކަނބަލުން ފާތިމަތު އިބްރާހީމަށް އަރުވާފައެވެ. މި 70 މެންބަރުންނަކީ، ސަރުކާރަށް ފާޑުވިދާޅުވެ ޖުމްހޫރީ ޕާޓީގެ ލީޑަރ ޤާސިމް އިބްރާހީމް ރޭ ދެއްކެވި ވާހަކަތަކަށް ނުރުހުން ފާޅުކޮށް ޕީޕީއެމާ އަލަށް ގުޅުނު މެންބަރުންކަމަށް ޕީޕީއެމުން ބުނެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ރަނިންގ މޭޓަކަށް ވުމަށް އިދިކޮޅުން ވެސް ހުށަހެޅި – ޑރ.ޝަހީމް

ކުރިއަށް އޮތް ރިޔާސީ އިންތިޚާބުގައި އިދިކޮޅު ފަރާތްތައް ތަމްސީލުކުރާ ރިޔާސީ ކެންޑިޑޭޓުގެ ރަނިންގ މޭޓަކަށް ވުމަށް އިދިކޮޅު ފަރާތްތަކުން ...

މާޅޮހުގެ އުއްމީދީ ކީޕަރު އިބޫ ވެލެންސިއާ އަށް

މިދިޔަ ސީޒަނުގެ ދިވެހި ޕްރިމިއާ ލީގާއި މިނިވަން ޗެމްޕިއަންޝިޕުގައި އއ. މާޅޮހުގެ ގޯލް ބެލެހެއްޓި އުއްމީދީ ކީޕަރު އިބްރާހީމް ...

މިނިސްޓަރ އޮފް ސްޓޭޓް ފޮރ އެޑިއުކޭޝަންގެ މަގާމަށް ހިތަދޫ ރަށްދެބައިގޭ ފާޠިމަތު ނަޞީރު އައްޔަން ކުރައްވައިފި

މިނިސްޓަރ އޮފް ސްޓޭޓް ފޮރ އެޑިއުކޭޝަންގެ މަގާމަށް  ފާޠިމަތު ނަޞީރު  އައްޔަން ކުރައްވައިފިއެވެ. މިނިސްޓަރ އޮފް ސްޓޭޓް ފޮރ ...

އިބޫ ހުވާ ކުރުމުގެ ރަސްމިއްޔާތު ގަލޮޅު ރަސްމީ ދަނޑުގައި

އިންތިޚާބީ ރައީސް އިބްރާހީމް މުޙައްމަދު ޞާލިޙް ހުވާކުރެއްވުމުގެ ރަސްމިއްޔާތު ގަލޮޅު ރަސްމީ ފުޅުބޯޅަ ދަނޑުގައި ބޭއްވުމައް ނިންމައިފިއެވެ. ރައީސް ...

ރައީސް ޔާމީންގެ ރަނިންގ މޭޓަކަށް ޑރ.ޝަހީމް ހަމަޖަައްސަވައިފި

ކީރިތި ޤުރްއާން ހިތުދަސް ބޭފުޅެއްކަމަށްވާ މަޝްހޫރު ދީނީ ޢިލްމުވެރިޔާ ޑރ.މުޙައްމަދު ޝަހީމް ޢަލީ ސަޢީދު މިއަހަރުގެ ރިޔާސީ އިންތިޚާބުގައި ...

ގޮނޑި ގެއްލިފައިވާ 12 މެމްބަރުންނާއެކު މަޖިލީހަށް ވަދެ ރައީސް ޔާމީންގެ އިތުބާރު ނެތްކަމަށް ފާސްކުރާނަން – އަބްދުﷲ ޝާހިދު

ގޮނޑި ގެއްލިފައިވާކަމަށް އިލެކްޝަނުން ކަނޑައަޅާފައިވާ 12 މެމްބަރުންނާއެކު މަޖިލީހަށް ވަދެ ރައީސް ޔާމީންގެ އިތުބާރު ނެތްކަމަށް ފާސްކުރާނެކަމަށް ރައްޔިތުންގެ ...