• Categories
  • Archives

ކުޅުދުއްފުށީ މައްސަލަ ހައްލު ކުރުމަށް ނިމްސްއަށް 10 ދުވަހުގެ މުއްދަތެއް ދީފި- މިނިސްޓަރ ނާޒިމް

ހދ.ކުޅުދުއްފުށީ ހޮސްޕިޓަލްގެ ތަރައްޤީގެ މަސައްކަތްތައް ކުރުމަށް އިންޑިއާގެ ނޫރުލް އިސްލާމް އިންޓަނޭޝަނަލް (ނިމްސް) އާއި އެ ކުންފުނީގެ ހިއްސާދާރުންގެ މެދުގައި ޖެހުނު މައްސަލަތައް ހައްލު ކުރުމަށް ސަރުކާރުން 10 ދުވަހުގެ މުއްދަތެއް ދީފައިވާނޭ ކަމަށް ހެލްތް މިނިސްޓަރ އަބުދުﷲ ނާޒިމް ވިދާޅުވެއްޖެއެވެ. މިނިސްޓަރ މިފަދައިން ވިދާޅުވީ ނޫސްވެރިންނާ ބައްދަލުކުރައްވާ ވާހަކަދައްކަވަމުނެވެ.

ރައީސުލްޖުމްހޫރިއްޔާގެ ސިއްޙީ ވަޢުދުފުޅު ތެރޭގައި ހިމެނޭ އެއްވަޢުދަކީ އަތޮޅު ތެރޭގައި ޓާޝަރީ ފެންވަރުގެ ސިއްޙީ ހިދުމަތް ދިނުމެވެ. އެގޮތުން ކުޅުދުއްފުށީ ހޮސްޕިޓަލަކީވެސް އެފެންވަރަށް ތަރައްޤީ ކުރުމަށް ޕްލޭން ކުރެވިފައިވާ އެއް ހޮސްޕިޓަލެކެވެ. އެހެންކަމުން އެ މަސައްކަތް ވޭތުވެދިޔަ އަހަރުތަކުގައި ސަރުކާރުންވަނީ ވަރަށް ބާރު ސްޕީޑެއްގައި ކުރިއަށް ގެންގޮސްފައެވެ. މި މަސައްކަތުގެ ދަށުން އެ ހޮސްޕިޓަލް ޓާޝަރީ ފެންވަރަށް ބަދަލު ކުރުމަށްޓަކައި ވޭތުވެދިޔަ އަހަރުގެ ޖުލައިމަސް ތެރޭގައި އިންޑިއާގެ ނޫރުލް އިސްލާމް އިންޓަރނޭޝަނަލް ކުންފުންޏާވަނީ ހަވާލުކޮށްފައެވެ.

ނޫސްވެރިންނާ ބައްދަލުކުރައްވާ ވާހަކަދައްކަވަމުން ހެލްތް މިނިސްޓަރ އަބްދުﷲ ނާޒިމް ވިދާޅުވީ ނޫރުލް އިސްލާމް އިންޓަރނޭޝަނަލްއަކީ ދިވެހިރާއްޖޭގެ ލޯކަލް ޕާޓްނަރުގެ 20 އިއްސައްތަ ހިއްސާއާއި ނޫރުލް އިސްލާމް ޓްރަސްޓްގެ 80 އިއްސައްތަ ހިއްސާ އޮންނަ ކުންފުންޏެއް ކަމަށެވެ.

އަދި ދާދި ފަހުން އެކުންފުނީގެ ދެ ހިއްސާދާރުންގެ ދެމެދުގައި ޖެހުނު މައްސަލަތަކެއްގެ ސަބަބުން ހޮސްޕިޓަލް ހިންގުމަށް ދަތިތަކެއް މެދުވެރިވެފައި ވާތީ އާއި އެކަމުން ހޮސްޕިޓަލަށް ޚިދުމަތް ހޯދަންދާ ފަރާތްތަކަށް ބޮޑެތި އުނދަގޫތައް ކުރިމަތި ވަމުން އަންނާތީ ހެލްތް މިނިސްޓްރީން އެމައްސަލަތައް ހައްލު ކުރެވޭތޯ މަސައްކަތް ކުރަމުންދާކަމަށެވެ. އެގޮތުން މި ދެ ހިއްސާދާރުންނާ ބައްދަލުކުރައްވާ އެކަމާ މަޝްވަރާކުރުމަށްފަހު މި މައްސަލަތައް ހައްލު ކުރުމަށް 10 ދުވަހުގެ މުއްދަތެއް ދެވިފައި ވާނޭ ކަމަށް މިނިސްޓަރ ވިދާޅުވިއެވެ.

މިނިސްޓަރ އިތުރަށް ވިދާޅުވީ އެ ހޮސްޕިޓަލަށް މައްސަލަ ދިމާވި ހިސާބުން ސަރުކާރުން ކުޅުދުއްފުށީ ހޮސްޕިޓަލާ ހަވާލުވެ އެ ހޮސްޕިޓަލަށް ދިމާވެފައިވާ ޑޮކްޓަރުންގެ ދަތިކަންވެސް ހައްލުކޮށްދީފައި ވާކަމަށެވެ. އެގޮތުން މިހާރު އެހޮސްޕިޓަލްގައި 8 މެޑިކަލް އޮފިސަރުންނާ 15 ސްޕެޝަލިންޓުންނާއެކު ޖުމްލަ 23 ޑޮކުޓަރުން ހަރަކާތްތެރިވާކަމަށް މިނިސްޓަރ ވިދާޅުވިއެވެ.

މީގެއިތުރުން ހޮސްޕިޓަލްގެ ލެބޯޓްރީގެ ޚިދުމަތްވެސް މެދުނުކެނޑި ކުރިއަށް ގެންދިއުމަށްޓަކައި އެތަނަށް ބޭނުންވާނެ ބައެއް ވަސީލަތްތައް ފޯރުކޮށްދެމުން ދާއިރު، މުވައްޒަފުންގެ މުސާރަ އާއި އެލަވަންސްއަކަށް އެއްވެސް ބަދަލެއް ނާންނާނެކަމަށްވެސް މިނިސްޓަރު ވިދާޅުވިއެވެ.

ކުޅުދުއްފުށީ ހޮސްޕިޓަލަށް ދިމާވެފައިވާ މައްސަލަތައް ހައްލުކުރުމަށް ކުންފުނީގެ ދެ ހިއްސާދާރުންނަށް މިހާރު މުހުލަތެއް ދީފައިވާއިރު، މިނިސްޓަރ ވިދާޅުވީ ޤާނޫނީ ގޮތުން ހެދިފައިވާ އެގްރީމެންޓެއްގައި އެކަން ހައްލުވާންޖެހޭ މަރުހަލާ އާއި އެއްގޮތަށް ކުރިއަށް ދިއުމަށް ފުރުސަތު ދޭންޖެހޭ ކަމަށެވެ. އަދި މި މައްސަލަތައް ހައްލުކޮށްދީ ރައްޔިތުންނަށް ދަތި ނުވާނޭ ގޮތެއްގެ މަތިން ހުރިހާކަމެއް ހަމަޖައްސާނެކަމުގެ ޔަޤީންކަން މިނިސްޓަރ ވަނީ ބޮޑުތިލަދުއްމަތީ ރައްޔިތުންނަށް ދެއްވާފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ރޮޒެއިނާ ތާއީދު ހޯދުމަށްޓަކައި މީދޫގައި އެމްޑީޕީން ބަހައްޓާފައިވާ ބެނާއެއް ހަލާކުކޮށްފި

ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި އައްޑޫ މީދޫ ދާއިރާ އަށް ވާދަކުރައްވާ އެމްޑީޕީގެ ކެންޑިޑޭޓް ރޮޒެއިނާ އާދަމްއަށް ...

ދިރާގު ޓީވީން ޔޫއެފްސީގެ މެޗުތައް ލައިވް ކުރަނީ

ދިވެހިންގެ މެދުގައި މަގުބޫލުކަން ހޯދާފައިވާ އަލްޓިމެޓް ފައިޓިން ޗެމްޕިއަންޝިޕް (ޔޫއެފްސީ) ގެ މެޗުތައް ދިރާގު ޓީވީން ލައިވްކުރަން ދިރާގުން ...

“ދަރުމަވަންތަ” ރާއްޖޭގެ ސިއްޙީ ދާއިރާއަށް ބޮޑު އިންގިލާބެއް ގެނުވާނެ ނަމެއް!

ސަރުކާރުގެ އަމާޒަކީ، އަދި ޤައުމީ ތަރައްޤީ ވަޒަންކުރާ މިންގަނޑަކީ، ރައްޔިތުންގެ އުފަލާއި ހިތްހަމަޖެހުންކަން ގަބޫލުކޮށްގެން، ދިވެހި ޤައުމުގެ ތަރައްޤީއަށާއި ...

ބަންދުގައި ބަހައްޓައިގެން ކޯޓަށް ޙާޟިރުކުރުމަށް ތިން މީހަކު ހޯދަނީ

ސިވިލް ކޯޓަށް ހުށަހަޅާފައިވާ މައްސަލަތަކަކާ ގުޅިގެން އެކޯޓަށް ޙާޟިރުކުރަން ބޭނުންވެ ޙާޟިރުކުރެވިފައިނުވާ ތިން މީހަކު ބަންދުގައި ބަހައްޓައިގެން ކޯޓަށް ޙާޟިރުކޮށްދިނުމަށް ފުލުހުންގެ ...

ތަފާތު އޮފަރ ތަކަކާއެކު ސްޕަރ ނެޓް ބްރޯޑްބޭންޑްގެ ޚިދުމަތް އައްޑޫ ސިޓީއަށް

100 އެމްބީޕީއެސް އާއި ހަމައަށް ހަލުވި ސްޕީޑުތަކާއި އެކު، އުރީދޫ ސުޕަރނެޓް ފިކްސްޑް ބްރޯޑްބޭންޑުގެ ޚިދުމަތް އައްޑޫސިޓީގެ މަރަދޫއާއި ...

ރެއާލް ވަލަޑޮލިޑް މައްޗަށް ހަނި މޮޅެއް ހޯދައި ރެއާލްމެޑްރިޑް އެއްވަނައަށް

ސްޕެނިޝް ލީގުގެ ޕޮއިންޓް ޓޭބަލްގެ އެއްވަނަ ރެއާލްމެޑްރިޑަށް ލިބިއްޖެވެ. ރެއާލްމެޑްރިޑަށް ޕޮއިންޓް ޓޭބަލްގެ އެއްވަނަ ލިބިފައިވަނީ ރޭ ރެއާލްވަލަޑޮލިޑް ...