• Categories
  • Archives

އައްޑޫ ރައްޔިތުންނަށް އާމްދަނީ އިތުރުކުރެވޭނެ ކަންކަން ފަހިކޮށްދިނުން މިއަހަރުގެ ކައުންސިލްގެ ބަޖެޓްގައި

އައްޑޫސިޓީ ކައުންސިލުން 2018 ވަނަ އަހަރަށް ފާސްކުރި ބަޖެޓްގައި، އައްޑޫގެ އިގްތިސާދު ރަނގަޅު ކުރުމަށް ކަންތައްތަކެއް ކުރުމަށް ޓްރަސްޓް ފަންޑްގެ ބަޖެޓަށް 3.5 މިލިއަން ރުފިޔާ ހިމަނާފައިވެއެވެ. އެނގިވަޑައިގަންނަވާނެ ފަދައިން ވޭތުވެދިޔަ އަހަރު އައްޑޫ ރައްޔިތުންގެ ޓަރްސްޓް ފަންޑް ގާއިމުކޮށް ކައުންސިލުން ވަނީ އެފަންޑަށް އިންވެސްޓް ކޮށްދެއްވާފައެވެ. އަދި އެފަންޑުން އައްޑޫގެ ޓޫރިޒަމް ޕްރޮމޯޓް ކުރުމުގެ މަސައްކަތްތަކެއް ވަނީ ފަށާފައެވެ. މީގެ އިތުރުން އައްޑޫ ޕީޕަލްސް ކޯޕަރޭޓިވްގެ މަސައްކަތް މިދިއަ އަހަރު ފަށައިގަނެވި، އައްޑޫސިޓީގެ ރައްޔިތުންނަށް އިގްތިސާދީގޮތުންނާއި އިޖުތިމާއީ ގޮތުން ކުރިއެރުން ހޯދައިދިނުމުގެ މަސައްކަތްތަކެއް ވަނީ ފަށައިގަނެވިފައެވެ. އަދި މިއަހަރު އައްޑޫ ޓްރޭޑް ކޯޕަރޭޓިވްގެ މަސައްކަތްވެސް ކުރިއަށް ގެންދެވޭނެއެވެ.

މިއަހަރުގެ ބަޖެޓްގައި ވެސް ކައުންސިލުން އެންމެ އިސްކަމެއް ދެއްވާފައިވަނީ އަވަށްތަކުގެ އުމުރާނީ ކަންކަން ކުރިއަރުވައި ރަށްވެހިކަމުގެ ކުރިއެރުން ހޯދުމަށެވެ. މިގޮތުން މިދިއަ އަހަރުގެ ބަޖެޓްގައި ހިމެނި ކުރިއަށް ނުގެންދެވުނު ބައެއް އެކްޓިވިޓީތައް ކޮމިޓްމަންޓްގެ ގޮތުގައި މިއަހަރުގެ ބަޖެޓްގައި ހިމަނާފައި ވެއެވެ. މިގޮތުން މަސްވެރިންނާއި ދަތުރުވެރިންގެ ފަސޭހައަށްޓަކައި ނެރުބައްތި އާއި ދުރަށް އަލިފޮނުވައިދޭ ބައްތި ޖެހުމާއި، ބާބެކިއު އޭރިއާ ތަރައްޤީކުރުމާއި، ފެންބޮޑުވާ ސަރަހައްދުތަކުގެ ޑްރައިނޭޖް ސިސްޓަމް ރަނގަޅު ކުރުމުގެ މަސައްކަތް ހިމެނެއެވެ. މީގެ އިތުރުން އަންހެނުންގެ ތަރައްޤީއަށް ހިންގޭ އެކިއެކި ޕްރޮގްރާމްތަކަށް 3 ލައްކަ ރުފިޔާ ހިމަނަފައި ވެއެވެ.

މިއަހަރުގެ ބަޖެޓްގައި ކައުންސިލުން ކުރާނެ އާ ކަންތައްތަކެއް ހިމަނާފައިވެއެވެ. މިގޮތުން އަތްތެރި މަސައްކަތާއި ކާބޯތަކެތީގެ މައުރަޒެއް ބޭއްވުމާއި، ފުޓްބޯޅަ މުބާރާތަކާއި ބެޑްމިންޓަން މުބާރާތެއް ބޭއްވުން ހިމެނެއެވެ.

2018 ވަނަ އަހަރަށް ކައުންސިލުން ފާސްކުރެއްވި މުޅި ބަޖެޓްގެ ޖުމުލައަކީ، 35864928.73 ރުފިޔާއެވެ.  2015 ވަނަ އަހަރު ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނަށް ގެނެވުނު އިސްލާހުތަކާއި ގުޅިގެން ކައުންސިލްގެ މެންޑޭޓަށް ބޮޑެތި ބަދަލުތަކެއް އައިސް ވޭތުވެދިޔަ އަހަރުތަކުގައި ކައުންސިލަށް ލިބެމުން އައި އާމްދަނީ ވަނީ ވަރަށްބޮޑުތަން ދަށްވާން ފަށާފައެވެ. 2018 ވަނަ އަހަރުގެ ބަޖެޓް ފާސްކުރިއިރު ކައުންސިލަށް މިއަހަރު ލިބޭނެ ކަމަށް ލަފާކޮށްފައިވާ އާމްދަނީ އަކީ ހަތްލައްކަ ރުފިޔާއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

މާފަރު އެއާޕޯޓަށް ޓެސްޓް ފްލައިޓު ޖައްސައިފި

ނ. މާފަރުގައި ތަރައްގީ ކޮށްފައިވާ އިންޓަނޭޝަނަލް އެއާޕޯޓަށް ޓެސްޓް ފްލައިޓް ޖައްސައިފި އެވެ. މާފަރު އެއާޕޯޓަކީ، ސިންގަޕޫރުގެ ޓަފް ...

ސައިކަލް އެކްސިޑެންޓްގައި ބޮޑަށް އަނިޔާލިބުނު ހަސަންދީދީ މާލެ ފޮނުވާލަނީ

މީދޫގައި ދެ ސައިކަލް ޖެހި އިއްޔެ ހަވީރު ހިނގި އެކްސިޑެންޓްގައި ބޮޑަށް އަނިޔާލިބިފައިވާ ސ. މީދޫ ގުލްއަލާގޭ ހަސަންދީދީއަށް ...

އައްޑޫ ސިޓީ ހިތަދޫގައި ރުކަކުން ވެއްޓިގެން ސީރިއަސް އަނިޔާތަކެއް ލިބުނު ޒުވާނަކު ހޮސްޕިޓަލުގައި ފަރުވާދެމުން ދަނިކޮށް މަރުވެއްޖެ

އައްޑޫ ސިޓީ ހިތަދޫގައި ރުކަކުން ވެއްޓިގެން ސީރިއަސް އަނިޔާތަކެއް ލިބުނު ޒުވާނާއަށް ހިތަދޫ ރީޖަނަލް ހޮސްޕިޓަލުގައި ފަރުވާދެމުން ދަނިކޮށް ...

އުއްތަމަ ފަނޑިޔާރު 4 މަހަށް ޖަލަށް ލާން ހުކުމްކޮށްފި

ދައުލަތުގެ ރަސްމީ ލިޔެކިޔުންތައް ބަދަލުކުރާ ނިޒާމް، ޖެމްސް ހުއްޓުވާލަން އެންގެވިކަން ސާބިތުވެ އުއްތަމަ ފަނޑިޔާރު އަބްދުﷲ ސައީދު ހަތަރު ...

ސްޕެއިންގެ އެންމެ ބޮޑު އެއް ޓޫރިޒަމް ފެއާގައި ރާއްޖެ ޕްރޮމޯޓު ކުރަން ފަށައިފި

ސްޕެއިންގެ މެޑްރިޑްގައި ފިޓޫރުގެ ނަމުގައި ކުރިއަށް ގެންދިޔަ ބައިނަލްއަގްވާމީ ޓޫރިޒަމް ޓްރޭޑް ފެއާގައި ރާއްޖެއިން ބައިވެރިވެއްޖެއެވެ. މި ފެއާގައި ...

ސްޓެލްކޯ އެމްޑީއަކަށް ހަސްން މުގުނީ އެމްޕީއެލްގެ އެމްޑީއަކަށް ސ. ހުޅުދޫ ޝާހިދު އަލީ ހަމަޖައްސައިފި

ސްޓޭޓް އިލެކްޓްރިކް ކޮމްޕެނީ ލިމިޓެޑް، ސްޓެލްކޯއާއި މޯލްޑިވްސް ޕޯޓްސް ލިމިޓެޑް، އެމް.ޕީ.އެލްގެ މެނޭޖިންގ ޑިރެކްޓަރުންގެ މަޤާމަށް ބޭފުޅުން އައްޔަންކުރައްވައިފިއެވެ. ...