• Categories
  • Archives

ބަނގުރާ ހޯދުމުގެ އޮޕަރޭޝަނަކީ ޤާނޫނުން ލިބިދޭ ބާރުގެ ދަށުން ހިންގާ އޮޕަރޭޝަނެއް – ކަސްޓަމްސް

ރޯޔަލް އައިލެންޑް ރިސޯޓުގެ ނަމުގައި ދޫކުރި ބަނގުރަލުގެ ތެރެއިން ފަން އައިލެންޑް ރިސޯޓަށް ޤަވާއިދާ ޚިލާފަށް ގެންގޮސްފައިވާކަމަށް ތުހުމަތުކުރެވޭ ތަކެތި ކަސްޓަމްސްގެ ބެލުމުގެ ދަށަށް ގެނައުމަށްޓަކާ ހިންގާ އޮޕަރޭޝަނަކީ ޤާނޫނުން ލިބިދޭ ބާރުގެ ދަށުން ހިންގާ އޮޕަރޭޝަނެއްކަމަށް މޯލްޑިވްސް ކަސްޓަމްސް ސަރވިސްއިން ބުނެފިއެވެ.

ބޮންޑެޑް ވެއަރހައުސްއިން ރޯޔަލް އައިލެންޑް ރިސޯޓްގެ ނަމުގައި ދޫކުރި ބަނގުރާ، ޤަވާޢިދާ ޚިލާފާ 4 ރިސޯޓަކަށް ގެންގޮސްފައިވާކަމަށް ލިބުނު މަޢުލޫމާތާގުޅިގެން، 5 ރިސޯޓެއް ކަސްމަޓްސްއިން ދާދިފަހުން ވަނީ ބަލާ ފާސްކޮށްފައެވެ. މި ރިސޯޓްތަކަކީ، އެ ރިސޯޓްތައް ހިންގާ ކުންފުނިން މީރާއަށް ދައްކަންޖެހޭ ފައިސާ ޤަވާޢިދާ އެއްގޮތަށް ދައްކަމުން ނުދާތީ، މިރާގެ އެންފޯސްމަންޓް ޕޮލިސީގެ ދަށުން 22 މަރޗް 2017 އިން ފެށިގެން ކަސްޓަމްސްއިން ޚިދުމަތްދިނުން މެދުކަނޑާލައި، ބަނގުރާ ދޫކުރުން ވަގުތީގޮތުން ހުއްޓާލާފައިވާ ރިސޯޓްތަކެކެވެ.

މި އޮޕަރޭޝަނާއި ގުޅޭގޮތުން ބައެއް ފަރާތްތަކުން ހަޤީޤަތާއި ޚިލާފު ޚަބަރުތައް ފަތުރަމުންދާތީ، މޯލްޑިވްސް ކަސްޓަމްސް ސަރވިސްއިން ނެރެފައިވާ ބަޔާނެއްގައި ބުނެފައިވަނީ، ބޮންޑެޑް ވެއަރހައުސްއިން ރިސޯޓުތަކަށް ދޫކުރާ ބަނގުރާ، ޤާނޫނާއި ޤަވާއިދާ ޚިލާފަށް އެއްވެސް ފަރާތަކަށް ދިނުމަކީ ނުވަތަ ވިއްކުމަކީ މަނާކަމެއްކަމަށެވެ. އަދި ކަސްޓަމްސްގެ ޤާނޫނާއި ޤަވާއިދާ ޚިލާފު މައްސަލަތައް ބަލައި ތަޙުޤީޤުކުރުމުގެ ބާރު ކަސްޓަމްސްގެ ޤާނޫނުން ކަސްޓަމްސްއަށް ދީފައިވާކަމަށެވެ.

މީގެއިތުރުން، ކަސްޓަމްސްގެ ވާޖިބާއި މަސްއޫލިއްޔަތު އަދާކުރުމުގައި، ބޭނުންވެއްޖެނަމަ، ސިފައިންނާއި ފުލުހުންގެ އެހީތެރިކަމަށް އެދެވިދާނެކަމަށާއި، އެގޮތުން އެހީތެރިކަމަށް އެދިއްޖެނަމަ، އެފަރާތަކުން ކަސްޓަމްސްއަށް އެހީތެރިވެދޭންވާނެ ކަމަށްވެސް ކަސްޓަމްސްގެ ޤާނޫނުގައި ބަޔާކޮށްފައިވާކަމަށް މި ބަޔާނުގައި ބުނެފައިވެއެވެ. އެހެންކަމުން ރައްޔިތުންގެ މެދުގައި ނަފްރަތު އުފެދޭގޮތަށް އަދި ފުލުހުންގެ އަގު ވެއްޓޭގޮތަށް ދޮގު ޚަބަރު ނުފެތުރުމަށްވެސް ކަސްޓަމަސްއިން ނެރުނު ބަޔާނުގައި އިލްތިމާސްކޮށްފައިވެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އައްޑޫގެ ފިހާރަތައް ރޭގަނޑު ބަންދު ކުރަން ޖެހުމުން އާއްމުންގެ ކަންބޮޑުވުން އިތުރުވެއްޖެ

ކޮވިޑް-19 އިން ރައްކާތެރިވުމަށް އަޅާ ފިޔަވަޅެއްގެ ގޮތުން އައްޑޫ ސިޓީގެ ފިހާރަތަކާއި ކެފޭތައް ރޭގަނޑު ހުޅުވުން އައްޑޫ ސިޓީ ...

ހުޅުމީދޫ ނަން ބޭނުންކުރުން – ޝުކުރީގެ ހިތްހަމަ ނުޖެހުން

އައްޑޫމީދޫގައި ހިގާ ނުރަގަޅު ކަންކަމުގެ ވާހަކަ ” އޭއޯ ” ނިއުސްގައި ލިޔާއިރު ” ހުޅުމީދޫ ” ގެ ...

ކޮޕް 24 ކްލައިމެޓް ޗޭންޖް ކޮންފަރެންސްގައި ބައިވެރިވެ ވަޑައިގަތުމަށް ނަޝީދު ފުރާވަޑައިގެންފި

އދ.އިން އިސްނަގައިގެން ބާއްވާ،  ކޮޕް 24 ކްލައިމެޓް ޗޭންޖް ކޮންފަރެންސްގައި ބައިވެރިވެ ވަޑައިގަތުމަށް   ކުރީގެ ރައީސް މުޙައްމަދު ނަޝީދު ...

ލޮކްޑައުންގެ މުއްދަތަށް އިތުރު 14 ދުވަސް!

މާލޭގައި ކޮމިއުނިޓީ ސްޕްރެޑްއަކަށް ބަދަލުވެފައިވާ ކޮރޯނާ ވައިރަސް، ކޮންޓްރޯލް ކުރުމަށް ކުރަމުން އަންނަ މަސައްކަތްތަކާއި ފިޔަވަޅުތަކުގެ ދަށުން މާލެ ...

އިތުރު 24 މީހަކު ކޮވިޑް-19 އަށް ޕޮޒިޓިވްވެ، ޖުމުލަ އަދަދު 1395ށް!

ރާއްޖެއިން އިތުރު 24 މީހުން ކޮވިޑް-19 އަށް ޕޮޒިޓިވްވެއްޖެ އެވެ. މިއަދުހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ކުރި ޓްވީޓެއްގައި ...

ހޯމައިން ފެށިގެން ހުއްދަ ނުނަގައި ބޭރުގައި އުޅެވޭނެ، ކުޑަކުދިންނަށް ބޭރުގައި އުޅެވޭނީ ހަވީރު

މިމަހުގެ 15 ވާ ހޯމަ ދުވަހުން ފެށިގެން ހުއްދަ ނެތި ބޭރުގައި އުޅެވޭނެ ކަމަށް ނޭޝަނަލް އިމަޖެންސީ އޮޕަރޭޝަން ...