• Categories
  • Archives

ފެނަކަ ކޯޕަރޭޝަނުން 2 ސަރަޙައްދެއްގައި ފެންބަންދުކުރާ ކާރުޚާނާ ޤާއިމްކުރަނީ

ރާއްޖޭގެ ދެ ސަރަޙައްދެއްގައި ފެން ބަންދުކުރާ ކާރުޚާނާ ޤާއިމްކުރުމުގެ މަސައްކަތް ކުރަމުން އަންނަ ކަމަށް ފެނަކަ ކޯޕަރޭޝަނުން ބުނެފިއެވެ. އެކުންފުނިން ބުނީ، މިއީ އެކުންފުނީގެ ޢާންމްދަނީ އިތުރުކުރުމުގެ ގޮތުން ހިންގުމަށް ހަމަޖެހިފައިވާ މަޝްރޫޢުތަކެއް ކަމަށެވެ.

ފެނަކަ ކޯޕަރޭޝަނުން ބުނީ، އެކުންފުނީގެ ޢާންމްދަނީ އިތުރުކުރުމުގެ ގޮތުން ކުންފުނީގެ މެންޑޭޓާއި ގުޅިފައި ހުރި ބައެއް ވިޔަފާރިތަކަށް ވަންނަން މަސައްކަތް ކުރަމުން އަންނަ ކަމަށެވެ. އެގޮތުން ރާއްޖޭގެ ދެ ސަރަޙައްދެއްގައި ފެން ބަންދުކުރާ ކާރުޚާނާ ޤާއިމްކުރުމަށް ނިންމާފައިވާ ކަމަށް އެކުންފުނިންބުނެއެވެ.

ފެނަކަ ކޯޕަރޭޝަން މެނޭޖިންގ ޑިރެކްޓަރ އަޙުމަދު ޝަރީފް ވިދާޅުވީ، ފެން ބަންދުކުރާ ކާރުޚާނާ ޤާއިމްކުރުމަށް ހަމަޖެހިފައިވަނީ ބ.އޭދަފުއްޓާއި ފުވައްމުލައް ސިޓީގައި ކަމަށެވެ. މީގެ އިތުރުން ކުންފުނީގެ ޢާމްދަނީ އިތުރުކުރުމުގެ ގޮތުން ކުރަން ނިންމާފައިވާ ކަންކަމުގެ ތެރެއިން ފެނައިކައިގެ ޚިދުމަތް ދޭ 16 އަތޮޅެއްގައި ސޭލްސް ސެންޓަރުތަކެއް ޤާއިމްކުރުމުގެ މަސައްކަތް ކުރަމުން އަންނަ ކަމަށާ ސޭލްސް ސެންޓަރުތަށް މެދުވެރިކޮށް ގޭގެއަށް ބޭނުންވާ ކަރަންޓު ސާމާނު އިންސްޓޯލްމަންޓް އުސޫލުން ފޯރުކޮށްދެވޭނެ ކަމަށްވެސް ފެނަކައިން ބުނެއެވެ.

 ” ފެނަކައިގެ ޚިދުމަތްދޭ 16 އަތޮޅެއްގައި ސޭލްސް ސެންޓަރުތަށް ޤާއިމްކުރަނީ ، މިއިން ކޮންމެވެސް މުހިންމު އެއް ރަށެއްގައި. އޭރުން ރައްޔިތުންނަށް ބޭނުންވާ ކަރަންޓު ސާމާނުތަށް އިންސްޓޯލްމަންޓް އުސޫލުން ފޯރުކޮދޭނެ އެސެންޓަރުތަކުން.” ޝަރީފް ވިދާޅުވިއެވެ.

ފެނަކައިގެ ބެޖެޓުގެ ގޮތުގައި މިއަހަރު 1.6 ބިލިއަން ރުފިޔާ ކަނޑައަޅާފައިވެއެވެ. އެކުންފުނިން ބުނީ ޢާންމްދަނީ އިތުރުކުރުމަށް ހިންގަން ހަމަޖެހިފައިވާ މަޝްރޫޢުތަކަކީ ބަޖެޓްގެ ތެރެއިން ހިންގުމަށް ރާވާފައި ހުރި މަޝްރޫޢުތަކެއް ކަމަށެވެ.

” ނަރުދަމާއާއި ފެނުގެ ނިޒާމުން އެލިބޭ ގެއްލުން ސަބްސިޑައިޒްކުރުމަށްޓަކައި، އެހެން ދިމާލުން ވިޔަފާރިއަށް ވަނުމުގެ ވިސްނުން ގެންގުޅެން، އެގޮތުން ގެސްޓް ހައުސް ވިޔަފާރީގެ ތެރެއަށްވެސް ވަންނަން އެބަ ވިސްނަން ފެނަކައިގެ ޚިދުމަތް ދޭ ރަށްރަށުން ” ޝަރީފް ވިދާޅުވިއެވެ.

ޕެޓްރޯލާ ޑީސައިލް ފަސޭހައިން ލިބޭނެ އިންތިޒާމު ހަމަޖެއްސުމުގެ ގޮތުން ފެނަކައިން ދަނީ  އައްޑޫ ސިޓީއާއި ހދ.ކުޅުދުއްފުށީގައި ދެ ޕެޓްރޯލް ޝެޑް ޤާއިމްކުރުމުގެ މަސައްކަތްވެސް ކުރަމުންނެވެ.

ފެނަކައިން ރާއްޖޭގެ 151 ރަށެއްގައި ކަރަންޓުގެ ޚިދުމަތް ދެމުން ގެންދެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ފްލެޓް އެޅުމަށްޓަކައި ރަސްފަންނުގައި ހުރި ޖިމް އެހެން ތަނަކަށް ބަދަލުކުރަނީ

ރަސްފަންނާ ދިމާލުން އެޅުމަށް ހަމަޖެހިފައިވާ މަތީ ފެންވަރުގެ ފްލެޓްތައް އެޅުމަށްޓަކައި އެ ސަރަހައްދުގައި ހުރި އައުޓްޑޯ ޖިމް އެހެން ...

މަދިރި ކޮންޓްރޯލް ކުރުމަށް މީދޫގެ އެކި ސަރހައްދުތަކަށް ފޮގް ސްޕްރޭ ކުރަންފަށައިފި

މަދިރީގެ ޒަރިއްޔާއިންޖެހޭ ޑެންގޫ ބަލީގެ ކޭސްތަކެއް މީދޫގައި މަދިރި ގިނަވެ، ފެތުރެމުންދާތީ މީދޫގެ އެކި  ސަރަހައްދަކަށް ފޮގް ސްޕްރޭ ...

ނަގޫރޯޅިއެއް އަރައި ދ. ބަނޑިރޫއަށް ބޮޑެތި ގެއްލުންތަކެއް ލިބިއްޖެ

ދ އަތޮޅު  ބަނޑިދޫއަށް ވިއްސާރަޔާއެކު ނަގޫ ރޯޅިއެއް އަރައި ބޮޑެތި ގެއްލުންތަކެއް ވެއްޖެއެވެ. މައުލޫމާތު ލިބިފައިވާގޮތުގައި މިއަދު އެރަށަށް ...

އުއްތަމަ ފަނޑިޔާރު 4 މަހަށް ޖަލަށް ލާން ހުކުމްކޮށްފި

ދައުލަތުގެ ރަސްމީ ލިޔެކިޔުންތައް ބަދަލުކުރާ ނިޒާމް، ޖެމްސް ހުއްޓުވާލަން އެންގެވިކަން ސާބިތުވެ އުއްތަމަ ފަނޑިޔާރު އަބްދުﷲ ސައީދު ހަތަރު ...

ރައީސް ސޯލިހްގެ ފުރަތަމަ 100 ދުވަހު މުހިއްމު ގިނަ މަސައްކަތްތަކެއް ފަށްޓަވަން ނިންމަވައިފި

ރައީސް އިބްރާހީމް މުޙައްމަދު ޞާލިހުގެ ސަރުކާރުގެ ފުރަތަމަ 100 ދުވަހުގެ ތެރޭގައި އެމަނިކުފާނުގެ ސަރުކާރުން ރައްޔިތުންނަށްޓަކައި މުހިއްމު ގިނަ ...

ސައުތް އެފްރިކަން އެއަރލައިންސްގެ ސީދާ ދަތުުރުތައް އައްޑޫ ސިޓީ ގަމަށް ފަށައިފި

ސައުތް އެފްރިކަން އެއަރލައިންސްގެ ސީދާ ދަތުުރުތައް ގަން އިންޓަރނޭޝަނަލް އެއަރޕޯޓަށް މިއަދު ފަށައިފިއެވެ. ސައުތް އެފްރިކަން އެއާރލައިންސްގެ ފުރަތަމަ ...