• Categories
  • Archives

ޗައިނާގެ ކްރިކެޓް ޓީމެއް ފުވައްމުލަކުގައި

ޗައިނާގެ ބެއިޖިންގެ އައީދީ އިންޓަނޭޝަނަލް ސްކޫލުގެ 14 އަހަރުންދަށުގެ ކްރިކެޓް ޓީމެއް މިއަދު ފުވައްމުލަކަށް ޒިޔާރަތްކޮށްފިއެވެ. މިއަދު މެންދުރުފަހު 13:30 ގައި މިޓީމު ފުވައްމުލަކަށް ޒިޔާރަތްކުރުމުން ވަނީ ވަރަށް ހޫނު މަރުހަބާއެއް ދަންނަވާފައެވެ. އައީދީ އިންޓަނޭޝަނަލް ޓީމުގެ މިޒިޔާރަތަކީ ފުވައްމުލަކު ކްރިކެޓް އެކަޑަމީގެ ދައުވަތަކަށް ކުރާ ޒިޔާރަތެކެވެ.

މިދަތުރުގައި އައީދީ ޓީމުން ފުވައްމުލަކު ކްރިކެޓް އެކަޑަމީގެ ޓީމްތަކާއި އެކު އެކުވެރިކަމުގެ މެޗްތަކެއް ކުޅޭނެއެވެ. އަދި ފުވައްމުލައް ސިޓީގެ އާސާރީ ތަންތަނާއި މުހިންމު ތަންތަނަށް މި ޓީމު ޒިޔާރަތް ކުރާނެއެވެ. މިޓީމުގެ ޒިޔާރަތުން ފުވައްމުލަކުގެ ކްރިކެޓަށް އިތުރު ކުރިއެރުން ލިބިގެންދާނެ ކަމަށް ފުވައްމުލަކު ކްރިކެޓް އެކަޑަމީއިން ދެކެއެވެ. އަދި މި ޓީމުގެ ޒިޔާރަތަށް އެންމެ ބޮޑު އެއްބާރުލުމެއް ދެމުން ގެންދަވާ ފުވައްމުލަކު ސިޓީ ކައުންސިލުން ދެކިވަޑައިގަންނަވާ ގޮތުގައި ބޭރުގެ މިފަދަ ޓީމްތަކުން ފުވައްމުލަކަށް ޒިޔާރަތް ކުރުމުން ފުވައްމުލަކުގެ ފަތުރުވެރިކަން ބޭރު ދުނިޔޭގައި އިސްތިހާރުވެ އެކަމުގެ އިގްތިސާދީ ފައިދާ ފުވައްމުލަކަށް ލިބިގެންދާނެއެވެ. އަދި ފުވައްމުލަކުގައި ގައުމީ ފެންވަރުގެ ކުޅިވަރު ކުޅުންތެރިން އުފެއްދުމަށް ކައުންސިލުން ކުރަމުންގެންދާ މަސައްކަތައް އިތުރު ހިތްވަރެއް ލިބިގެންދާނެކަމަށް ކައުންސިލުން އުއްމީދުކުރެއެވެ.

ފުވައްމުލަކަކީ މުޅި ރާއްޖެއިން ވެސް ކްރިކެޓުގެ ރޮގުން ހޮވާލެވޭ ރަށެކެވެ. އެގޮތުން މިހާރު ވެސް 19 އަހަރުން ދަށުގެ ގައުމީ ޓީމުގައި ފުވައްމުލަކަށް ނިސްބަތްވާ 5 ކުޅުންތެރިން އެބަތިއްބެވެ. މީގެތެރެއިން 3 ކުޅުންތެރިންނަކީ ރަށުގައި ތިބެގެން ތަމްރީނުވަމުންދާ ކުޅުންތެރިންނެވެ. މީގެއިތުރުން 16 އަހަރުން ދަށުގެ ގައުމީ ޓީމުގައި ވެސް ފުވައްމުލަކުގެ 3 ކުޅުންތެރިން ހިމެނެއެވެ. ފުވައްމުލަކުގެ ކްރިކެޓް ކުޅުންތެރިންވަނީ އެންމެފަހުން މެލޭޝިއާގައި ބޭއްވުނު 19 އަހަރުން ދަށުގެ އޭޝިައަން ކަޕް ކޮލިފައިން ބުރުގައި އާއި ދުބާއީގައި ބޭއްވުނު 16 އަހަރުން ދަށުގެ އޭޝިއަން ކަޕްގެ ކޮލިފައިންގައި ވެސް ގައުމީ ޓީމަށް ކުޅެފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ތަފާތު އޮފަރ ތަކަކާއެކު ސްޕަރ ނެޓް ބްރޯޑްބޭންޑްގެ ޚިދުމަތް އައްޑޫ ސިޓީއަށް

100 އެމްބީޕީއެސް އާއި ހަމައަށް ހަލުވި ސްޕީޑުތަކާއި އެކު، އުރީދޫ ސުޕަރނެޓް ފިކްސްޑް ބްރޯޑްބޭންޑުގެ ޚިދުމަތް އައްޑޫސިޓީގެ މަރަދޫއާއި ...

ރައީސްގެ ދަތުރުފުޅަށް ގައްދޫގައި ހެދި މަރިޔާދުގޭގައި ބަޔަކު އަލިފާން ރޯކޮށްލައިފި

ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ގދ. ގައްދުއަށް ކުރެއްވި ދަތުރުފުޅަށް ޚާއްޞަކޮށް ހަދާފައިހުރި މަރިޔާދުގެއެއްގައި އަލިފާން ރޯކޮށްލި މައްސަލައިގައި ...

ދެއްކުމުގެ ލައިސަންސް ނެތް ޗެނަލްތައް ދައްކާނަމަ ރިޕޯޓް ކުރުމަށް އެމްބީސީން އެދިއްޖެ

ވޯލްޑް ކަޕްގެ މެޗްތައް ދެއްކުމުގެ ލައިސަންސް ނެތް ފަރާތްތަކުން، ހުއްދަ ނެތް ޗެނަލްތައް ނުދެއްކުމަށް މޯލްޑިވްސް ބްރޯޑްކާސްޓިންގ ކޮމިޝަނުން ...

ކުޅިވަރާބެހޭ ވަޒީރު މަހުލޫފާއި އޭއެފްސީގެ ރައީސް ބައްދަލު ކުރައްވަނީ

އޭޝިއަން ފުޓްބޯލް ކޮންފެޑެރޭޝަން (އޭއެފްސީ) ދައުވަތަކަށް ރާއްޖޭގެ ކުޅިވަރާ ބެހޭ ވަޒީރު އަހުމަދު މަހުލޫފު އޭއެފްސީގެ ރައީސް ބަހުރޭނުގެ ...

ކޯވިޑް-19 : މާލެއިން 16ވަނަ މީހަކު ޕޮޒިޓިވް ވެއްޖެ

މާލެއިން 16ވަނަ މީހަކު ކޯވިޑް-19އަށް ޕޮޒިޓިވް ވެއްޖެއެވެ. މި ބައްޔަށް މިފަހަރު ޕޮޒިޓިވް ވެފައިވަނީ ބިދޭސީއެއްކަމަށް އެޗްޕީއޭއިން ވިދާޅުވެއެވެ. ...

ކޯވިޑް-19 : ބޭރުގައި އުޅޭއިރު މާސްކު އެޅުން މަޖުބޫރުކޮށްފި

އާއްމު ތަންތަނަށް ނުކުމެއުޅޭއިރު މާސްކް އެޅުން ރާއްޖޭގައި މަޖުބޫރުކޮށްފިއެވެ. ބޭރުތެރޭގައި އުޅޭއިރު މާސްކު އެޅުން މަޖުބޫރުކޮށްފައިވާކަން ސަރުކާރުން ހާމަކުރައްވާފައިވަނީ ...