• Categories
  • Archives

ވަކިވަކި ފުލުހުންގެ ފަރުދީ މަޢުލޫމާތު އާއްމުކުރި މައްސަލަ ސީރީއަސް މައްސަލައެއްގެ ގޮތުގައި ބަލަން ފަށައިފި

ވިލާޝިޕިންގ އެންޑް ޓްރޭޑިންގ ކޮމްޕެނީ ޕްރައިވެޓް ލިމިޓެޑުގެ ޤާނޫނީ ވަކީލުން ނެރެފައިވާ ބަޔާނުގައި ވަކިވަކި ފުލުހުންގެ ފަރުދީ މަޢުލޫމާތު އާއްމުކުރި މައްސަލަ ސީރީއަސް މައްސަލައެއްގެ ގޮތުގައި ތަހްޤީގުކުރަމުންދާކަމަށް މޯލްޑިވްސް ޕޮލިސް ސާރވިސްއިން ބުނެފިއެވެ.

ފުލުހުން ނެރެފައިވާ ބަޔާނެއްގައިވަނީ ވިލާ ގުރޫޕްގެ މުދާ ޤާނޫނާ ޚިލާފަށް ގެންދިއުމުގައި ފުލުހުން ބައިވެރިވެފައިވާކަމަށް ބުނެ އެކުންފުންޏާ ދެކޮޅަށް ހިންގި ޖަރީމާއެއްގައި ފުލުހުން ބައިވެރިވިކަމަށް ތުހުމަތުކޮށް ނޭޝަނަލް އިންޓަގްރިޓީ ކޮމިޝަނަށް އެކަން ތަހުޤީގުކުރުމަށް ބާރު އަޅާ ހިއްސާކޮށްފައިވާ ބަޔާނުގައި ވަކިވަކި ފުލުހުންގެ ފަރުދީ މަޢުލޫމާތު ޢާއްމުކޮށްފައިވާތީ އެކަން ކުށްވެރިކުރާކަމަށެވެ. އަދި އެ އަމަލަކީ ޤާނޫނު ތަންފީޛު ކުރާ އިދާރާއެއްގެ މުވައްޒަފުން ޤާނޫނު ތަންފީޛު ކުރުމަށް ކުރަމުންދާ ޤާނޫނީ މަސައްކަތްކަށް ހުރަސްއަޅާ ނުފޫޒުފޯރުވާ ބިރުދެއްކުމަށް ކޮށްފައިވާކަމެއްކަމަށް ފުލުހުންގެ ބަޔާނުގައިވެއެވެ.

ވިލާއިން މިއަދު ނެރުނު ބަޔާނެއްގައި ބުނެފައިވަނީ އެ ކުންފުނީގެ ރިސޯޓްތަކަށް އަރާ އެރިސޯޓްތަކުގައި ހުރި ބައެއް މުދާ ގެންދިޔަ މައްސަލަ ސިވިލްކޯޓަށް ހުށައަޅާފައިވާކަމަށެވެ. އަދި ވިލާގެ ރިސޯޓްތަކަށް އެރިކަމަށް ބުނާ ހަތް ފުލުހަކާއި ކަސްޓަމްސްގެ ތިރީސް ހަތް މުވައްޒަފެއްގެ މައްސަލަ  އިންޓަރ ގްރިޓީ ކޮމިޝަނަށް ހުށައަޅާފައިވާކަމަށެވެ. އަދި މިބަޔާނުގައި އެ އޮފިސަރުންގެ ނަންތައްވެސް ވަނީ އާއްމުކޮށްފައެވެ.

ވިލާގެ ހަތަރު ރިސޯޓަކަށް ފުލުހުންނާއި ކަސްޓަމްސް އޮފިސަރުން އަރާ އެތަންތަނުގައި ހުރި ބަނގުރަލާ އޫރުމަސް ޤަވައިދާ ހިލާފަށް ގެންގޮސްފައިވާކަމަށް ބުނެ އެކުންފުނިން ދައްކާ ވާހަކަތައް ސަރުކާރުންވަނީ ދޮގުކޮށްފައެވެ. ޓުއަރިޒަމް މިނިސްޓްރީން ބުނީ ބަނގުރާ އެތެރެކުރުމާއި ވިއްކުމުގައި އަމަލުކުރަންޖެހޭ އުސޫލްތައް ޤަވާއިދެއްގައި ބަޔާންކޮށްފައިވާއިރު، ވިލާ ޝިޕިންގ އެންޑް ޓްރޭޑާއި އެކުންފުންޏާއި ގުޅުންހުރި ކުންފުނިތަކުން ހިންގާ ބައެއް ރިސޯޓްތަކުން އެ ޤަވާއިދުގެ އެކި މާއްދާތަކާ ޚިލާފްވެފައިވާކަމަށެވެ. އަދި އެ ރިސޯޓްތައް ހިންގަމުން އަންނަނީ ދައުލަތަށް ދައްކަންޖެހޭ ޓެކްސް ނުދައްކައި ޓޫރިޒަމް ޤާނޫނާއި އަދި ޓެކްސް ޤާނޫނުތަކާއި ޚިލާފަށްކަމަށެވެ.

ވިލާގެ ރިސޯޓްތަކުން ދައުލަތަށް ދައްކަންޖެހޭ ޓެކްސްތައް ދައްކަމުން ނުދާތާ ދިހަމަސްވެފައިވާކަމަށް މީރާއިންވެސް ވަނީ ބުނެފައެވެ. މިގޮތުން އެ މުއްދަތުގެ ތެރޭގައި ޓީޖީއެސްޓީއާއި ގްރީން ޓެކްސްގެ ގޮތުގައި ދައުލަތަށް ވިލާ ކުންފުނީގެ ރިސޯޓްތަކުން މިހާތަނަށް 5.1 މިލިއަން ޑޮލަރު ދައްކަންޖެހޭކަމަށްވެސް މީރާއިން ވަނީ ބުނެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އައިޑީކާޑުގެ މުއްދަތު ހަމަވިޔަސް އާސަންދަ ލިބޭގޮތައް ހަދައިފި

“ހުސްނުވާ އާސަންދަ” ސްކީމްގެ ދަށުން އައިޑީ ކާޑުގެ މުއްދަތު ހަމަވެފައިވާ ނަމަވެސް އާސަންދަ ހިދުމަތް ލިބޭ ގޮތަށް ހަމަޖައްސައިފި ...

އިންފުލުއެންޒާއަކީ ރައްކާތެރިކަމުގެ ފިޔަވަޅު ނޭޅިއްޖެނަމަ ފުރާނައަށް ނުރައްވާވާފަދަ ވައިރަހެއް

އިންފުލެންއެންޒާއަކީ  އިންފުލެއެންޒާ ވައިރަސްއަކުން ނޭވާލާ ނިޒާމަށްޖެހޭ އަރިފުސް ރޯގާފަދަ ބައްޔެކެވެ. މިބަލީގެ އަލާމާތްތަކަކީ ހުންއައުމާ ، ކެއްސުމާއި ކަރުގައި ...

އައްޑޫމީދޫ ދާއިރާގެ ރަށްޔިތުންނަށް ރޮޒެއިނާ ޝުކުރު އަދާކުރައްވައިފި

2014 ވަނަ އަހަރު އޮޕޮޒިޝަން މެމްބަރެއްގެ ގޮތައް މަޖިލިހަށް ކުރިމަތިލައިގެން އައްޑޫމީދޫ ދާއިރާގެ މެމްބަރުން ރޮޒެއިނާއަށް އިތުބާރުކޮށް މީދޫ ...

ދުނިޔޭގެ އެންމެ ބޮޑު މަތިންދާބޯޓު ދިވެހި ޕައިލެޓަކާއެކު މިމަހު 18 ގައި އާ ރަންވޭއަށް ޖައްސާނެ

ދުނިޔޭގެ އެންމެ ބޮޑު އެއް މަތިންދާ ބޯޓު އިއްތިހާދު އެއާވޭސްގެ އޭ380-800 ގެ ފްލައިޓް މި މަހުގެ 18 ...

ރިޔާސީ ބަޔާން އިއްވުން އަންނަ ހޯމަ ދުވަހު، ޖަލްސާ އޮންނާނީ ދަރުބާރުގޭގައި

ރައީސުލްޖުމްހޫރިއްޔާ މިއަހަރުގެ ރިޔާސީ ބަޔާން އިއްވުމަށް ހަމަޖެހިފައިވާ ރައްޔިތުން މަޖިލީހުގެ މިއަހަރުގެ ފުރަތަމަ ދައުރުގެ ފުރަތަމަ ޖަލްސާ އަންނަ ...

” ސޯލޯމިއޯ ” ގެ ރޯދަ ވީއްލުން ވަރަށްތަފާތު ވާނެ

ރޯދަ މަހުގެ ރޯދަ ވީއްލުންތައް ވަރަށް ވާދަވެރިކޮށް އައްޑޫގެ ރެސްޓޯރަންޓްތަކާއި ކެފޭތަކުން ކުރިއަށް ގެންދާ އިރު، ފޭދޫ  “ސޯލޯމިއޯ” ...