• Categories
  • Archives

ވަރލްޑްކަޕް ޓްރޮފީއާއެކު ރައީސް ޔާމީން ތާރީޚުގެ ތެރެއަށް!

ފީފާ ވަރލްޑްކަޕް ޓްރޮފީ އުފުލާލި ފުރަތަމަ ދިވެއްސެއްގެ ގޮތުގައި ރައީސް ޔާމީން ތާރީޚުގެ ތެރެއަށް ވަދެވަޑައިގެންފިއެވެ.

އެމަނިކުފާނު ފީފާ ވަރލްޑްކަޕް ޓްރޮފީ އުފުއްލަވާލެއްވީ ރާއްޖޭގެ ޤައުމީ ފުޓްބޯޅަ ދަނޑުގައި މިރޭ ބޭއްވި ޚާއްސަ ރަސްމިއްޔާތެއްގައެވެ.

ދުނިޔޭގެ އެންމެ މަޤްބޫލް އެންމެ އަގުބޮޑު ޓްރޮފީ ބައެއް ޤައުމުތަކަށް ގެންދިއުމަށް ފަށާފައިވާ ޓުއަރގައި މިއަދު ރާއްޖެ ގެނައި މިޓްރޮޕީ ރައީސުލްޖުމްހޫރިއްޔާގެ އަތްޕުޅަށް އެރުވީ 1998 ވަނަ އަހަރު އެމުބާރާތް ކާމިޔާބުކުރި ފްރާންސްގެ ޤައުމީޓީމުގެ ކުޅުންތެރިޔާ ކްރިސްޓިއަން ކަރެމްބޫއެވެ. ރައީސް ޔާމީން ވަރލްޑްކަޕް ޓްރޮފީ އުފުއްލަވާލައްވާފައިވަނީ ގިނަ ޢަދަދެއްގެ ދިވެހިރައްޔިތުންގެ ކުރިމަތީގައެވެ.

މި ރަސްމިއްޔާތުގައި ވާހަކަފުޅުދައްކަވަމުން ރައީސުލްޖުމްހޫރިއްޔާ ވިދާޅުވީ މިއީ ވަރަށް އުފާވެރި ވަގުތެއް ކަމަށާއި، މިއީ މަދުން ނޫނީ ނުލިބޭނެ ފުރުޞަތެއްކަމަށެވެ. އަދި މިފަދަ ދެވަނަ ފުރުޞަތެއް ނުލިބިދާނެކަމަށް އެމަނިކުފާނު ވިދާޅުވިއެވެ. އެމަނިކުފާން ވިދާޅުވީ އެންމެ މަޤްބޫލް، އެންމެ އައިކޮނިކް، އެންމެ ފަޚްރުވެރި ޓްރޮފީ މިވަގުތު ހުރީ ދުނިޔޭގެ އެންމެ މަޤްބޫލް ހަނީމޫން ޑެސްޓިނޭޝަންގައިކަމަށެވެ. މިއީ ވަރަށް ބޮޑު އުފަލެއް ކަމަށާއި، މިފުރުޞަތު ލިބުނީތީ އުފާކުރައްވާކަމަށެވެ.

މިރޭގެ ރަސްމިއްޔާތުގައި އެފްއޭއެމްގެ ރައީސް ބައްސާމް ޢަދީލް ޖަލީލް ވިދާޅުވީ މިއީ ވަރަށް ތާރީޚީ، އުފާވެރި ވަގުތެއްކަމަށާއި، މި ފުރުސަތު ދިވެހިންނަށް ތަނަވަސްކޮށްދެއްވުމަށް ޚިޔާލުދެއްވައި ބާރުއެޅުއްވީތީ ރައީސުލްޖުމްހޫރިޔާއަށް ޝުކުރުއަދާކުރައްވާކަމަށެވެ.

ވަރލްޑްކަޕް ޓްރޮފީ ރާއްޖެ ގެނައީ މިދަތުރަށް ޚާއްޞަކޮށްފައިވާ މަތިންދާ ބޯޓްގައި މިރޭ އިރުއޮއްސި 6:02 ގައެވެ. ވެލާނާ އިންޓަރނޭޝަނަލް އެއަޕޯރޓްގެ ވީއައިޕީ ލައުންޖައި މިޓްރޮފީ އެންމެ ފުރަތަމަ ދައްކާލެއްވީ ރައީސުލްޖުމްހޫރިއްޔާގެ އަނބިކަނބަލުން ފާޠިމަތު އިބްރާހީމްއެވެ. ފޮޓޯއާއެކު ފޮޓޯ ނެގުމުގެ ފުރުޞަތު އޮންނާނީ މާދަމާ ހެނދުނު 8 ން ހަވީރު 5 އަށް މާފަންނު ސްޓޭޑިއަމްގައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

މާދަމާ އެމްޑީޕީ ޕްރައިމަރީގެ ވޯޓުލުން ބާއްވަނީ

ލޯކަލް ކައުންސިލް އިންތިޚާބުގައި އެމްޑީޕީން ވާދަކުރާ ކެނޑިޑޭޓުން ކަނޑައެޅުމަށް  އެމްޑީޕީ ޕްރައިމަރީގެ ވޯޓުލުން މާދަމާ މުޅި ރާއްޖޭގައި ބޭއްވުމަށް ...

ފާރިސް މައުމޫން އަނެއްކާވެސް ހައްޔަރުކޮށްފި

ރައްޔިތުންގެ މަޖިލީހުގެ ދިއްގަރުދާއިރާގެ މެމްބަރު ފާރިސް މައުމޫން އަނެއްކާވެސް ފުލުހުންގެ ބެލުމުގެ ދަށަށް ގެންގޮސްފިއެވެ. ކޯޓުއަމުރެއްގެދަށުން ފާރިސް ފުލުހުންގެ ...

އަތޮޅުތެރެ އާއި މާލޭގެ ކުނި މެނޭޖުކުރުމުގެ މަސައްކަތް ކުރުމަށް ވެމްކޯއިން 5 ކޮޅުވެއްޓި ގެނެސްފި

އަތޮޅުތެރެ އާއި މާލޭގައި ކުނި މެނޭޖުކުރުމުގެ މަސައްކަތުގައި ބޭނުންކުރުމަށް ވެމްކޯއިން 5 ކޮޅުވެއްޓި ގެނެސްފިއެވެ. އެ ގޮތުން ގެނެސްފައިވަނީ ...

އެމްޑީޕީގެ ޕްރައިމަރީގައި ވާދަކުރާ ކެންޑިޑޭޓުންގެ ތެރެއިން ތިންބައިކުޅަ އެއްބަޔަކީ އަންހެނުން

ކުރިއަށްއޮތް ލޯކަލް ކައުންސިލަށް ވާދަކުރުމަށް ކެންޑިޑޭޓުން ހޮވުމަށް އަންނަ ހުކުރު ދުވަހު ބާއްވާ އެމްޑީޕީގެ ޕްރައިމަރީގައި ވާދަކުރައްވާ ކެންޑިޑޭޓުންގެ ...

ސ. ހުޅުމީދޫ ސިއްހީމަރުކަޒުގެ އެކްސްޓެންޝަން އިމާރާތުގެ މަސައްކަތް ބަޔަކާ ހަވާލުކޮށްފި

އައްޑޫ ސިޓީ ހުޅުމީދޫ ސިއްހީމަރުކަޒުގެ އެކްސްޓެންޝަން އިމާރަތް ހެދުމަށް ބަޔަކާ ހަވާލުކޮށްފިއެވެ. ޖުލައި 11 ވަނަ ދުވަހު  މިނިސްޓްރީ ...

ޓޫސްޕޫން ކެފޭ މާދަމާ ހުޅުވަނީ

މަތީގައިވާ ފޮޓޯއާއި ތިރީގައިވާ ފޮޓޯތަކުން ފެނިވަޑައިގަންނަވަނީ މީދޫގައި އަލަށް ހުޅުވުމަށް ހަމަޖެހިފައިވާ ” ޓޫސްޕޫން” ކެފޭ ގެ ފޮޓޯތަކެއް ...