• Categories
  • Archives

ސަރުކާރުން ނަގާ ބޮޑެތި ލޯނު އަދި ދަރަނި ދެއްކުމުގެ ހަކަތަ މި ސަރުކާރުގައި އެބަހުރި : މުނައްވަރު

ރައީސުލްޖުމުހޫރިއްޔާ އަބްދުﷲ ޔާމީން އަބްދުލްގައްޔޫމް ބޭރުގެ އެހީއާއެކު ލޯނުތައް ނަގަމުންދަނީ އެލޯނުތައް ދެއްކޭނެ ގޮތް ދިރާސާކުރައްވާ އެހިސާބުތައް ޖެއްސެވުމަށްފަހުގައި ކަމަށް ފިނޭންސް މިނިސްޓަރ އަހުމަދު މުނައްވަރު ވިދާޅުވެއްޖެއެވެ

ރައީސުލްޖުމުހޫރިއްޔާ އަބްދުﷲ ޔާމީން އަބްދުލްގައްޔޫމްގެ ސަރުކާރުން ލޯނުތައް ނަގަމުންދަނީ އެއްވެސް ވަރަކަށް ދިރާސާއެއް ނުކޮށް ކަމަށް ވިދާޅުވެ، އިދިކޮޅު ފަރާތްތަކުން ދައްކަމުންދާ ވާހަކަތަކަށް ރައްދު ދެއްވާ ޗެނަލް ތާރޓީން އަށް ދެއްވި ޙާއްސަ ބަސްދީގަތުމެއްގައި ފިނޭސް މިނިސްޓަރ އަހުމަދު މުނައްވަރު ވިދާޅުވީ އިދިކޮޅު ފަރާތްތަކުން ދަރަނީގެ ވާހަކަ ދައްކަން ލަދުގަންނަންޖެހޭނެކަމަށެވެ

އެގޮތުން މިސަރުކާރު ވެރިކަމާއި ހަވާލުވެވަޑައިގެން އެންމެ ފުރަތަމަވެސް ކުރައްވަންޖެހިވަޑައިގަތީ ކުރީގެ ސަރުކާރުތަކުން ނަގާފައިވާ ދަރަނިތައް ދެއްކުންކަމަށެވެ. މިނިސްޓާރ ވިދާޅުވީ 2008 ވަނަ އަހަރުން ފެށިގެން 2013 ވަނަ އަހަރާއި ހަމައަށް 19 ބިލިއަން ރުފިޔާގެ ދަރަނި ނަގާފައިވާއިރު، ރާއްޖޭގެ އުމްރާނީ ތަރައްގީއަށް ޙަރަދުކޮށްފައިވަނީ ނުވަ ބިލިއަން ރުފިޔާކަމަށެވެ. ނަމަވެސް މިސަރުކާރުން ދަރަނި ދައްކަމުން އަށާރަ ބިލިއަން ރުފިޔާ ޚަރަދު ކުރައްވާފައިވާކަން މިނިސްޓަރ ފާހަގަކުރެއްވިއެވެ

އަދި މި ސަރުކާރުން ދަރަނި ނަގަނީ ކުރަންޖެހޭ ދިރާސާތައް ކުރުމަށްފަހު، އެ ދަރަނި ޙަރަދު ކުރަނީ ކޮންކަމެއްގައިތޯ ބަލުމަށްފަހުގައިކަމަށް މިނިސްޓާރ ވިދާޅުވިއެވެ. 2017 ވަނަ އަހަރު ނިމިގެންދިޔައިރު ސަރުކާރުގެ ދަރަނި އަދާ ކުރުމަށް ކޮށްފައިވާ މަސައްކަތްތަކާއި ގުޅޭގޮތުން ވާހަކަ ދައްކަވަމުން މިނިސްޓަރ މުނައްވަރު ވިދާޅުވީ 2017 ވަނަ އަހަރު އެކަނިވެސް ދައުލަތުން 4.2 ބިލިއަން ރުފިޔާ ދަރަނި އަދާކޮށްފައިވާކަމަށެވެ

މުނައްވަރު ވިދާޅުވީ މި ސަރުކާރުން މަސައްކަތް ކުރަމުންދަނީ ވިހާވެސް ދަރަނި ކުޑަކޮށް ތަރައްގީގެ މަޝްރޫޢުތަށް ކުރިއަށް ގެންދިއުމަށްކަމަށާއި، ދަރަނި ދެއްކޭހާ ހަކަތަ މި ސަރުކާރުގައި އެބަހުރި ކަމަށެވެ. އަދި ލޯނު ނަގަނީވެސް ސަރުކާރަށް ބުރަ ބޮޑު ނުވާގޮތަށް ބަލައިގެންކަމަށް މިނިސްޓަރ ވިދާޅުވިއެވެ

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އިންތިޚާބީ ރައީސްއާއި ނާއިބު ރައީސް ހުވާކުރެއްވުން ހަވީރު 5 ޖަހާއިރު

އިންތިޚާބީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އިންތިޚާބީ ރައީސުލްޖުމްހޫރިއްޔާގެ ނާއިބު ފައިސަލް ނަސީމް، މަޤާމުގެ ހުވާކުރެއްވުމަށް ބާއްވާ ޚާއްޞަ ...

ގޭބިސީތަކަށް ބަހާ ލެޑް ބޮކިތައް ޔުޓިލިޓީ ކުންފުނިތަކާ ހަވާލުކޮށްފި

ދިވެހިރާއްޖޭގެ ހުރިހާ ގޭބިސީތަކަށް ލެޑް ބޮކި ދޫކުރުމަށް ސަރުކާރުން ކުރިއަށް ގެންދާ މަޝްރޫޢުގެ ދަށުން، އެމަސައްކަތް ކުރުމަށްޓަކައި ލެޑްބޮކިތައް ...

ރިޔާސީ ބަޔާން އިއްވުން އަންނަ ހޯމަ ދުވަހު، ޖަލްސާ އޮންނާނީ ދަރުބާރުގޭގައި

ރައީސުލްޖުމްހޫރިއްޔާ މިއަހަރުގެ ރިޔާސީ ބަޔާން އިއްވުމަށް ހަމަޖެހިފައިވާ ރައްޔިތުން މަޖިލީހުގެ މިއަހަރުގެ ފުރަތަމަ ދައުރުގެ ފުރަތަމަ ޖަލްސާ އަންނަ ...

ޖުމްލަ 36 ރިސޯޓެއްގައި ވޯޓުފޮށި ބަހައްޓަން ނިންމައިފި

ކުރިއަށް އޮތް ރިޔާސީ އިންތިހާބުގައި އިތުރު 29 ރިސޯޓެއްގައި ވޯޓު ފޮށި ބަހައްޓަން އިލެކްޝަންސް ކޮމިޝަނުން ނިންމުމާއިއެކު ވޯޓު ...

ފަތުރުވެރިކަމުގެ ދާއިރާ: ދިވެހީންނަށް ލިބޭ އިނާޔަތްތައް ބޮޑުކުރުމަށް މަޖިލިހުގެ ގިނަމެމްބަރުން ގޮވާލައްވައިފި

ފަތުރުވެރިކަމުގެ ސިނާއަތުގައި މަސައްކަތްކުރާ ދިވެހީންނަށް ލިބޭ އިނާޔަތްތައް ބޮޑުކުރުމަށް މަޖިލިހުގެ ގިނަމެމްބަރުން ގޮވާލައްވައިފިއެވެ. މެމްބަރުން މިގޮތައް ގޮވާލެއްވީ ޓުއަރިޒަމް ...

އައްޑޫމީދޫ ދާއިރާއަށް މިވަގުތު އެންމެ މުހިއްމީ ޑިޓޮކްސެންޓަރެއް – ރޮޒެއިނާ

މިވަގުތު ބަނދަރަކަށްވުރެ އަދި ބިންހިއްކުމަށްވުރެވެސް މުހިއްމުކަމަކީ ޑިޓޮކްސް ސެންޓަރެއް މިދާއިރާގައި ގާއިމްކުރުންކަމަށް ރޮޒެއިނާ އާދަމް ވިދާޅުވެއްޖެވެ. ރޮޒެއިނާ މިހެން ...