• Categories
  • Archives

ދައުލަތަށް ލިބެންޖެހޭ ހުރިހާ ފައިސާއެއް ހޯދައިދޭނަން – ރައީސް ޔާމީން

ދިވެހި ދައުލަތަށް ލިބެންޖެހޭ ހުރިހާ ފައިސާއެއް މި ސަރުކާރުން އަނބުރާ ހޯދައިދޭނެކަމަށާއި، އެއްވެސް ތަފާތުކުރުމެއްނެތި ޤާނޫނު ތަންފީޛް ކުރާނެކަމުގެ ކަށަވަރުކަން ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ދެއްވައިފިއެވެ.

ޕީޕީއެމްގެ “ރުމާލު 2” ޖަގަހައިގައި ބޭއްވި ޖަލްސާގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ވިދާޅުވީ، ވަކިވަކި ފަރުދުންގެ މަސްލަހަތަށްވުރެ އެމަނިކުފާނަށް އަބަދުވެސް މުހިންމީ މުޅި މުޖުތަމަޢުގެ މަސްލަހަތުކަމަށާ، ދައުލަތުން ފޭދިގެން ގޮސްފައިވާ އެތައް ބިލިއަން ރުފިޔާ އަކީ މުޅި މުޖުތަމަޢުގެ މަސްލަހަތަށްޓަކައި އަނބުރާ ހޯދަންޖެހޭ ފައިސާކަމަށެވެ. އަދި މިކަމުގައި މަޢާފްދެވެން ނޯންނާނެކަމަށް ރައީސުލްޖުމްހޫރިއްޔާ ވިދާޅުވިއެވެ.

މިސަރުކާރަކީ އެއްވެސް މީހެއްގެ މެދުގައި ތަފާތުކުރުމެއްނެތި ޤާނޫނު ތަންފީޛް ކުރާނެ ސަރުކާރެއްކަމަށާއި، މިކަމުން ވަކި ސިޔާސީ ފަރާތްތަކެއް ހިތްހަމަ ނުޖެހުމަކީ ސަރުކާރުން ކުރާނެކަމެއް ނޫންކަމަށް ރައީސް ޔާމީން ވިދާޅުވިއެވެ. އަދި ޤާނޫނަކުން އިމްތިޔާޒުތަކެއް ލިބިދީފައިވުމަކީ ޤާނޫނު މުގުރާލުމަށް ލިބޭ ފުރުޞަތެއް ނޫންކަމަށްވެސް ރައީސުލްޖުމްހޫރިއްޔާ ވިދާޅުވިއެވެ.

މިއަދު ހަރުއަޑުން ސިޔާސީ ވާހަކަ ދައްކަނީ އިސްލާޙް ކުރުމުގެ ފުރުޞަތު ލިބި، އެ ފުރުޞަތުގެ ބޭނުން ނުކުރި ބޭފުޅުން ކަމަށް ރައީސުލްޖުމްހޫރިއްޔާ ވިދާޅުވިއެވެ. އަދި މި ސަރުކާރުން ކަމެއް ކުރުމުން އިދިކޮޅު ފަރާތްތަކުން، އެކަމަށް ހުރަސްއެޅުމުގެ ބަދަލުގައި ކިޔައިދޭންވީ އެއަށްވުރެ މޮޅަށް އެކަން ކުރަންވީ ގޮތްކަމަށް ރައީސުލްޖުމްހޫރިއްޔާ ވިދާޅުވިއެވެ. އަދި ރައްޔިތުންނަށްޓަކައި ކޮށްދެވެންހުރި އެތައްކަމެއް ކުރީ ސަރުކާރުތަކުން ނުކޮށް ދޫކޮށްލާފައިވާކަމަށް ރައިސުލްޖުމްހޫރިއްޔާ ވިދާޅުވިއެވެ.

ޤާނޫނުއަސާސީއާއި ޤާނޫނުގެ ބޭރުން މިސަރުކާރުން އެއްވެސް މީހަކު ހައްޔަރު ނުކުރާނެކަމަށް ރައީސުލްޖުމްހޫރިއްޔާ ވިދާޅުވާ ވިދާޅުވުން މި ޖަލްސާގައިވެސް ވަނީތަކުރާރު ކުރައްވާފައި. އަދި ކުރީގެ ސަރުކާރުތަކުން ފުލުހުންގެ މުވައްސަސާއަށް އިންތިހާ ދަރަޖައަށް ސިޔާސީ ނުފޫޒު ފޯރުވާކަމަށާއި، މި ސަރުކާރުން އެގޮތަށް ކަންތައް ނުކުރާނެކަމުގެ ކަށަވަރުކަން ރައްޔިތުންނަަށް ދެއްވާ ކަމަށްވެސް ރައީސުލްޖުމްހޫރިއްޔާ ވިދާޅުވިއެވެ.

ދިވެހިރާއްޖެއިން ދުވަހުން ދުވަހަށް ކުރަންޖެހޭ ކަންކަން ކުރުމަށް ބޭރުގެ ފަަރާތެއްގެ މަޝްވަރާ ބޭނުން ނުވާކަމަށާއި، ދިވެހިރާއްޖޭގައި އަމިއްލަ ކަންކަން ނިންމުމުގެ ޤާބިލުކަން އެބަހުރިކަމަށްވެސް ރައީސުލްޖުމްހޫރިއްޔާ ވިދާޅުވިއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ކަރަންޓްގެ އަގުތައް ހުންނާނީ ރާއްޖޭގެ ހުރިހާތަނެއްގައި އެއްވަރަކަށް- މެމްބަރު ނިހާދު

ކަރަންޓްގެ އަގު ރާއްޖޭގެ ހުރިހާތަނެއްގައިވެސް ހުންނަނީ މާލެއެކޭ އެއްވަރަށްކަމަށް ރަށްޔިތުންގެ މަޖިލިހުގެ ފޭދޫދާއިރާގެ މެމްބަރު މުހައްމަދު ނިހާދު ވިދާޅުވެއްޖެވެ. ...

އައްޑޫ ސިޓީ 14 ދުވަހަށް ފުރަބަންދުކޮށް ގެއިން ނިކުތުން މަނާކޮށްފި

އައްޑޫ ސިޓީ 14 ދުވަހަށް ފުރަބަންދު ކުރަން ނިންމައިފިއެވެ. އައްޑޫ ސިޓީގެ މޭޔަރ ޢަބްދުﷲ ސޯދިގް ވިދާޅުވީ އައްޑޫ ...

ހުޅުމާލޭގެ ދެވަނަ ފިޔަވަހީގެ ގޮނޑުދޮށް ހިމާޔަތްކުރުމުގެ މަސައްކަތް ޑިސެމްބަރަށް ނިންމާލެވޭނެ – ނަވާޒް

ހުޅުމާލޭގެ ދެވަަނަ ފިޔަވަހީގެ ދަށުން ހިއްކާފައިވާ ސަރަޙައްދުގެ ގޮނޑުދޮށް ޙިމާޔަތްކުރުމަށް ޖަހާ ރިވެޓްމެންޓްގެ މަސައްކަތް ޑިސެމްބަރުމަހުގެ ނިޔަލަށް ނިންމާލާނެކަމަށް ...

އޯލެވެލް އިމްތިޙާނުގެ ގަދަ ދިހައެއްގެ 10 ވަނާގައި ސ. އަތޮޅު މަދަރުސާގެ ދަރިވަރަކު ހިމެނިއްޖެ

މިދިޔަ އަހަރު އޯލެވެލް އިމްތިޙާނުން އެންމެ ރަނގަޅު ނަތީޖާ ހޯދައިގެން ގަދަ ދިހައެއްގެ 10 ވަނާގައި ސ. އަތޮޅު ...

އައްޑޫސިޓީއަށް މަސްތުވާތަކެތި އެތެރެކުރި 18 އަހަރުން ދަށުގެ ކުއްޖަކު ހައްޔަރުކޮށްފި

މަސްތުވާތަކެއްޗާއި ދެކޮޅަށް ފުލުހުން ކުރަމުންދާ މަސައްކަތްތަކުގެ ތެރެއިން، ސ. ގަން ޕޮލިސް ސްޓޭޝަނުން ހިންގި އޮޕަރޭޝަނެއްގައި 18 އަހަރުން ...

އަލިފާނުގެ ހާދިސާ އަކީ ޓެރެރިޒަމްގެ އަމަލަކަށް ވުން ގާތް: އަނދުން ހުސައިން

މިރޭ މާލޭގައި ހިނގި އަލިފާނުގެ ހާދިސާ އަކީ އިންޑިއާ މެދު ނަފްރަތު އުފައްދަން ހިންގި ޓެރެރިޒަމްގެ އަމަލެއް ކަމަށް ...