• Categories
  • Archives

ބެސްޓް ފުޓްސަލް މުބާރާތް 2018: ޝަންގްރިއްލާއާއި ޑީއެފްސީގެ ކުރިމަތިލުން އެއްވަރު

ހުޅުމީދޫ ޕޮލިސް ދަނޑުގައި މިހާރު ކުރިއަށްދާ ބެސްޓް ފުޓްސެލް މުބާރާތް 2018 ގައި ރޭ ކުޅުނު ފުރަތަމަ މެޗް އެއްވަރުވެގެން ނިމިއްޖެވެ.

ޝަންގްރިއްލާ ވިލިގިލި ރިސޯޓްގެ ޓީމާއި މީދޫ  ޑީއެފްސީ ބައްދަލުކޮށް ކުޅެވުނު މިމެޗް އެއްވަރުވެފައިވަނީ  1 ލަނޑު 1 ލަނޑުންނެވެ.

ހުޅުމީދޫ ޕޮލިސް ދަނޑުގައި ކުރިއަށްދާ މިމުބާރާތުގައި ރޭ ކުޅެވުނު މިމެޗް ފަށައިގެން ގިނަވަގުތު ބޯޅަ ގެންގުޅެ މެޗް ކޮންޓުރޯލްކޮށް ކުޅެފައިވަނީ ޝަންގްރިއްލާ ވިލިގިލީޓީމުންނެވެ. މިގޮތުން އެޓީމުގެ ކުޅުންތެރީންނަށް ލަނޑުޖަހާނެ ގިނަ ފުރުސަތުތަކެއް ލިބިގެން ގޮސްފައިވެއެވެ. އެހެން ނަމަވެސް ރޭގެ މިމެޗްގައި މޮޅު ކުޅުމެއް ދެއްކި ޑީއެފްސީގެ ކީޕަރު ޝަންގްރިއްލާޓީމުގެ ކުޅުންތެރީން ފޮނުވާލަމުންދިޔަ ގިނަ ހަމަލާތައް ހުށިޔާރުކަމާއެކު ދިފާއުކޮށްފައިވެއެވެ.

ޝަންގްރިއްލާޓީމުގެ ކުޅުންތެރީން މޮޅަށް ކުޅެ ގިނަ ހަމަލާތަކެއް ޑީއެފްސީގެ ގޯލަށް ފޮނުވަމުން ދަނިކޮށް މިމެޗްގައި ފުރަތަމަ ލަނޑުޖަހާ ކުރިހޯދީ ޑީއެފްސީއެވެ.  އެޓީމުން ކާމިޔާބުކުރި މިލަނޑު ފުރަތަމަ ހާފްގައި ކާމިޔާބުކޮށްދިނީ އެޓީމަށް ކުޅުނު ރަށުން ބޭރުގެ ކުޅުންތެރިޔާ ވަޖީހުއެވެ.

މިމެޗްގެ ފުރަތަމަ ހާފު ނިމުނީ 1 ލަނޑު 0 ލަނޑުން ޑީއެފްސީ ކުރިހޯދައިގެންނެވެ.

ފޭދޫއާއި ހިތަދޫގެ މަޝްހޫރު ކުޅުންތެރީން ހިމެނޭ ޝަންގްރިއްލާ ވިލިގިލީޓީމުން މެޗްގެ ނަތީޖާ ހަމަހަމަކުރި ލަނޑު  ދެވަނަ ހާފްގެ ކުޅުމުގައި ކާމިޔާބުކޮށްދީފައިވަނީ ޝާޓީއެވެ.

މިމެޗްގެ ދެވަނަ ހާފްގެ ކުޅުމަށްބަލާއިރު ދެޓީމުގެ ފަރާތުންވެސް ފެނިގެންގޮސްފައިވަނީ ދާދި ހަމަހަމަ ކުޅުމެކެވެ.

މިމެޗްގެ މޮޅުކުޅުންތެރިއަކަށް ހޮވިފައިވަނީ ޑީއެފްސީޓމަށްކުޅުނު މަރަދޫ ޗިޅާއެވެ.

ހުޅުމީދޫ ޕޮލިސް ދަނޑުގައި ކުރިއަށް ގެންދާ މިމުބާރާތުގައި 7 ޓީމް ބައިވެރިވެފައިވާއިރު މި 7 ޓީމްވަނީ ދެގްރޫޕަކަށް ބަހާލެވިފައެވެ. މިގޮތުން ގްރޫޕްއޭގައި ހިމެނެނީ ، އެފްސީއަޚުން ، ޔުނައިޓެޑް ބްރަދާސް ، ބްރަދާސްޔުނައިޓެޑް އަދި އެފްސީ ލަކީއެވެ. ބިގްރޫޕްގައި ހިމެނެނީ ޑީއެފް ކްލަބް ، ޝަންގްރިއްލާ އަދި އެފްސީ ގައުމެވެ.

މިމުބާރާތުގެ ގްރޫޕް މެޗްތައް ކުރިއަށް ގެންދިއުމަށް ހަމަޖެހިފައިވަނީ ކޮންމެޓީމެއް ކޮންމެ ޓީމަކާ ބައްދަލުކުރުމަށްފަހު ޕޮއިންޓްގެ ގޮތުން އެންމެ މޮޅުވާ ދެޓީމް ސެމީފައިނަލަށް ހޮވޭގޮތަށެވެ.

މިމުބާރާތުގެ ޗެމްޕިއަން ޓީމަށް ބެސްޓް ސެލެކްޝަންގެ ފަރާތުން ޓްރޮފީއާއި، 25000 ރުފިޔާގެ ފައިސާގެ އިނާމު ދިނުމަށް ހަމަޖެހިފައިވާއިރު  ރަނަރއަޕް ޓީމަށްވަނީ 12000 ރުފިޔާގެ ފައިސާގެ އިނާމު ދިނުމަށްވަނީ ހަމަޖެހިފައެވެ.

މި މުބާރާތުގެ މެއިން ސްޕޮންސަރަކީ ބެސްޓް ސެލެކްޝަންއެވެ. މިއީ މުލިމަތި ޖަމްއިއްޔާއާއި ބެސްޓް ސެލެކްޝަން ގުޅިގެން ބާއްވާ މުބާރާތެކެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ގައުމު ސްޓްރީޓް ކަޕް 2020: 3 ވަނަ ދުވަހުގެ މެޗްތައް

މިހާރު މީދޫގައި ކުރިއަށްދާ “ގައުމު ސްޓްރީޓް ކަޕް 2020” މުބާރާތުގެ 3 ވަނަ  ދުވަހު ކުޅުނު މެޗްތަކުގެ ނަތީޖާ: ...

ހިތަދޫޓީމް ފައިނަލް ބުރުގެ މެޗްތައް ކުޅެންޖެހެނީ ފ. ނިލަންދޫގައި

މިނިވަން ޗެމްޕިއަންޝިޕުގެ އައްޑޫ ޗެމްޕިއަން އަދި   ޒޯން 8 ގެ ޗެމްޕިއަން އައްޑޫސިޓީ ހިތަދޫ ޓީމް ޒޯން ޗެމްޕިއަނުންގެ ...

ފަހުވަގުތު ސަހާފް ކާމިޔާބު ކުރި ހެޓްރިކާއެކު އެތުލެޓިކް އެފްސީ ފައިނަލަށް

މެޗްގެ ފުރިހަމަ ވަގުތު ހަމަވާން ފަސް މިނިޓަށް ވެފައިވަނިކޮށް  އެތުލެޓިކް އެފްސީގެ ސަހާފްގެ ހެޓްރިކާއެކު 4-2 ގެ ނަތީޖާއަކުން ...

ޖޯލިއަންސް މިކްސް ވޮލީބޯޅަ މުބާރާތް: ޓަފްސިކް ކުޅުނު ދެވަނަ މެޗުވެސް ކާމިޔާބުކޮށްފި

Advertisement އައްޑޫސިޓީ ފޭދޫގައި މިހާރު ކުރިއަށްދާ ޖޯލިއަންސް މިކްސް ވޮލީ މުބާރާތުގައި ޓީމް ޓަފްސިކް ކުޅުނު ދެވަނަމެޗްވެސް ކާމިޔާބުކޮށްފިއެވެ. ...

ކެނެރީފް ބަލިކޮށް ޑީކޭ ސެމީއަށް – މިމެޗްގައި ހެޓްރިކްހެދީ މައުޝޫ – މޮޅުކުޅުންތެރިޔާގެ މަގާމު އަސްވާދަށް

މިހާރު ސ. ހުޅުދޫގައި ކުރިއަށްދާ އެންމެ އަގުބޮޑު ފުޓްބޯޅަ މުބާރާތް ކަމަށްވާ މިނިވަންކަޕް ފުޓްސަލް މުބާރާތުގައި މިރޭ ކުޅެވުނު ...

އައްޑޫ ޔޫތު ޗެލެންޖް 2020 ” ގެ ގުރުއަތުލުން ބާއްވައިފި- ފުރަތަމަ މެޗްގައި ހުޅުދޫ- ހިތަދޫ “

20 އަހަރުން ދަށުގެ  ކުޅުންތެރިންނަށް އަމާޒުކޮށްގެން ބޭއްވޭ ” އައްޑޫ ޔޫތު ޗެލެންޖް 2020″ ފުޓްބޯޅަ މުބާރާތުގެ ގުރުއަތުލުން ...