• Categories
  • Archives

ޖެރާޑް ޖެންސާރ ރާއްޖެ ސިފަ ކުރަނީ ވަރަށް ނިކަމެތިކޮށް، ކޮންމެ ދިވެއްސެއްގެ ވެސް ލޭ ހޫނުވާނެ: ޝިއާން

އީޔޫ ކައުންސިލްއަށް ޓެރަރިޒަމްގެ ކުށް ސާބިތުވެފައިވާ ގައިދީ މުހައްމަދު ނަޝީދުގެ ބައިނަލްއަގްވާމީ ޤާނޫނީ ވަކީލުންގެ ޓީމުގައި ހިމެނޭ ޖެރާޑް ޖެންސާރ އީޔޫއަށް ހުށަހެޅި ރިޕޯޓްގައި ރާއްޖޭގެ ރައްޔިތުން ސިފަކޮށްފައިވަނީ ނިކަމެތި ރައްޔިތުންގެ ގޮތުގައި ކަމަށް ދިވެހި ރާއްޖެއިން ވިލާތުގެ އިއްތިޙާދާށް ކަނޑައަޅުއްވާފައި ހުންނަވާ ސަފީރު އަހްމަދު ޝިއާން ސިފަކުރައްވައިފިއެވެ.

އީޔޫގެ ކައުންސިލްއިން ރާއްޖެއާއި ގުޅޭގޮތުން ނެރުނު ބަޔާނާއި ގުޅިގެން ޗެނަލް 13 އަށް ދެއްވި ޙާއްސަ ބަސްދީގަތުމެއްގައި ދިވެހިރާއްޖެއިން ވިލާތުގެ އިއްތިޙާދަށް ކަނޑައަޅުއްވާފައި ހުންނަވާ ސަފީރު އަހްމަދު ޝިއާން ވިދާޅުވީ، ވިލާތުގެ އިއްތިހާދު ނުވަތަ އީޔޫގެ ކައުންސިލް އިން ބޭއްވި ބައްދަލުވުމަކީ ރާއްޖެއާއި ގުޅޭގޮތުން ބޭއްވި ބައްދަލުވުމެއް ނޫން ކަމަށާއި އެއީ މިއަހަރުގެ ފުރަތަމަ ކުއަޓާރގެ ފުރުތަމަ ބައްދަލުވުން ކަމަށެވެ. ޝިއާން ވިދާޅުވީ އީޔޫ ކައުންސިލްއިން އާއްމުކޮށް ދެމަހުން އެއް މަހު ބައްދަލުވުން ބާއްވާ ކަމަށެވެ.

ޝިއާން ވިދާޅުވީ މި ބައްދަލުވުމާ ގުޅުވާ އީޔޫއިން ނިންމެވީ ރާއްޖެއާއި ގުޅޭގޮތުން ބަޔާނެއް ނެރެން ކަމަށެވެ. ޝިއާން ވިދާޅުވިގޮތުގައި އީޔޫއިން ނެރުނު ބަޔާނަކީ ޖެރާޑް ޖެންސާރ އީޔޫއަށް ހުށަހެޅި ރިޕޯޓާއި ގުޅިގެން ނެރުނު ބަޔާނެއް ނޫން ކަަމަށެވެ.

ޝިއާން އިތުރަށް ވިދާޅުވީ ނަޝީދުގެ ބައިނަލްއަޤްވާމީ ޤާނޫނީ ވަކީލުންގެ ޓީމުގައި ހިމެނޭ  ޖެރާޑް ޖެންސާރ ރާއްޖެއާއި ގުޅޭގޮތުން ލިޔެފައިވާ ރިޕޯޓްގައި ވާ ކަންކަމަށް ބަލާލުމުން ކޮންމެ ދިވެހި ރައްޔިތެއްގެވެސް ލޭ ހޫނު ވާނެ ކަަމަށެވެ. ޝިއާން ވިދާޅުވީ ޖެރާޑް ޖެންސާރ އީޔޫއަށް ހުށަހެޅި ރިޕޯޓްގައި ރާއްޖޭގެ ރައްޔިތުން ސިފަ ކޮށްފައިވަނީ ވަރަށް ނިކަމެތި، ފަގީރު ބައެއްގެ ގޮތުގައި ކަމަށެވެ.

ޝިއާން ވިދާޅުވީ މި ރިޕޯޓްގައި އިތުރަށް ނަޝީދުގެ ވަކީލް ވަނީ ރާއްޖޭގެ ރައްޔިތުންނާއި ސަރުކާރަކީ މީހުން މެރުމާއި މީހުން ވަގަށް ނެގުމަށް ލާމަސީލު ބައެއްގެ ގޮތުގައި ކަމަށެވެ. މީގެއިތުރުން ދިވެހިންނަކީ ބޭރު ގައުމުތަކަށް ޚާއްސަކޮށް ޔޫރަޕްގެ ގައުމުތަކަށް ގޮސް މީހުން މެރުމަށް ތައްޔާރުވަމުން ދާ ބައެއްގެ ގޮތުގައި ވަނީ ސިފަކޮށްފައެވެ.

ޝިއާން ވިދާޅުވި ގޮތުގައި ނަޝީދުގެ ވަކީލް ރާއްޖެ ނިކަމެތިކޮށް ލިޔެފަ ނުލިޔާނެ އެއްވެސް އެއްޗެއް މި ރިޕޯޓްގައި ނެތް ކަަމަށެވެ. “އެހާވެސް ނެގަޓިވް ކޮށް ރާއްޖެ ސިފަކޮށްފައިވޭ” ޝިއާން ވިދާޅުވިއެވެ. ޝިއާން ވިދާޅުވީ ޖެރާޑް ލިޔާ ކޮންމެ އެއްޗެއް އީޔޫއިންވެސް ބަލައި ނުގަންނާނެ ކަމަށާއި އީޔޫއަށް ރާއްޖޭގައި ހިނގާ ކަންކަމުގެ ތެދާއި ދޮގު އިނގޭނެ ކަމަށެވެ. ޝިއާން ވިދާޅުވީ މިއީ ދިވެހި ރައްޔިތުން ކަންބޮޑުވާން ޖެހޭ ވަރުގެ ކަމެއް ނޫންކަމަށެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އައްޑޫ ލިންކުރޯޑުގައި ކާރެއް ފުރޮޅާލައި ނުރައްކާތެރި އެކްސިޑެންޓެއް ހިނގައިފި

އައްޑޫ ސިޓީ ލިންކް ރޯޑުގައި ބާރު ސްޕީޑެއްގައި ދުއްވާފައި ދިޔަ ކާރެއް ގައުކެޑި ސަރަހައްދުން ފުރޮޅާލައި ނުރައްކާތެރި އެކްސިޑެންޓެއް ...

މިހާރު ހުށަހެޅިފައިމިވާ އިސްލާހުން ކޮރަޕްޝަން ހުއްޓުވުމާއި މަނާކުރުމުގެ ޤާނޫނަށް ވުރެ މާތަފްސީލީ ގޮތަކަށް އެކުށް ބަޔާންކޮށްފައިވާނެ- ނިހާނ

ރިޝްވަތުގެ ކުށް ޤާނޫނުލް އުޤޫބާތުން އުންޏެއް ނުކުރާނެކަމަށާއި، ނަމަވެސް ރިޝްވަތު ހުއްޓުމަށް މުޅިން އާ ބާބެއް ޤާނޫނުލް އުޤޫބާތަށް ...

ޕިކްނިކް އައިލެންޑް ތަރައްޤީކުރަނީ އެނބޫދޫ ފިނޮޅުގައި

މާލޭ ސިޓީގައި ދިރިއުޅޭ ރައްޔިތުން ދަތުރު ދިއުމަށް މާލެއާ ކައިރިން ޚާއްޞަ ކުރައްވާފައިވާ ރަށް، ރައީސުލްޖުމްހޫރިއްޔާ އިބްރާހީމް މުޙައްމަދު ...

އެންވައިރަމެންޓް މިނިސްޓަރ ޑރ. ހުސެއިން ރަޝީދު ނަލަފެހި ޖަމްއިއްޔާގެ އޮފީސް ހުޅުއްވައިދެއްވައިފި

މީދޫ ނަލަފެހި ޖަމްއިއްޔާގެ އޮފީސް ރަސްމީކޮށް ހުޅުވުމުގެ ރަސްމއިްޔާތު މިއަދު ބާއްވައިފިއެވެ. ބޯކޮށް ވެހެމުންދިޔަ ވިއްސާރައިގެ ތެރޭގައި ބޭއްވުނު ...

މިނިވަންދުވަހުގެ ރަސްމީ ބައްދަލުވުން ބާއްވައިފި

މިނިވަންދުވަހުގެ މުނާސަބަތުގައި، ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމާއި އެމަނިކުފާނުގެ އަނބިކަނބަލުން ފާޠިމަތު އިބްރާހީމް ބޭއްވި ރަސްމީ ބައްދަލުކުރެއްވުން ރޭ ...

ކަރަންޓާއި ފެން ބިލުން ބައެއް ސަރުކާރުން ހިލޭކުރަނީ

ކޯވިޑް-19 އާއި ގުޅިގެން އާޢްމުންނަށް ދިމާވާނެ މާލީ ހާލަތަށް ބަލާ ކުރިއަށް އޮތް ދެ މަހުގެ ފެނާއި ކަރަންޓު ...