• Categories
  • Archives

ރައީސް ޔާމީންގެ ފަރާތްޕުޅުން ފެނިގެން ދިޔައީ ކަޅުތުއްކަލާގެ ރިވެތި އުޞޫލު – ޝިފާޤު މުފީދު

ދިވެހި ރަސްކަމުގެ ތާރީޚުގައި ޤައުމަށް ކުރިމަތިވި އެންމެ ބޮޑު އެއް ނުރައްކަލުން ސަލާމަތްކޮށްދެއްވި ކަޅުތުއްކަލާގެ ފަރާތްޕުޅުން ފެނިގެންދިޔަ ހިތްވަރުގަދަ އަދި ރިވެތި އުޞޫލުތައް ރައީސުލްޖުމްހޫރިއްޔާ އަބްދުއްﷲ ޔާމީންގެ ކިބައިން ފެނިގެން ހިނގައްޖެކަމަށް ހޯމް މިނިސްޓްރީގެ ސްޓޭޓް މިނިސްޓަރު ޝިފާޤު މުފީދު ވިދާޅުވެއްޖެއެވެ.

“ރައީސް ޔާމީން 2018” ކެމްޕެއިން އޮފީސް ހުންނަ ސަރަޚައްދުގައި އޮންނަ “ޤައުމީ ފަސްގަނޑު” ގައި “ދިވެހި ސަލާމަތީ ބާރުތަކާއެކު ދިވެހިން” ގެ ނަމުގައި މިރޭ ބޭއްވި ޖަލްސާއެއްގައި ވާހަކަފުޅުދައްކަވަމުން ޝިފާޤު ވިދާޅުވީ މީގެ 398 އަހަރު ކުރިން ހުސެން ފާމުދޭރީ ކިލެގެފާނު ރަސްކަމުގައި ހުންނަވަނިކޮށް ދުނިޔެ ދޫކުރެއްވުމުން ރަސްކަން ވާރުތަވީ ކަޅުތުއްކަލާއާކަމަށެވެ. ރަސްކަމާ ޙަވާލުވެވަޑައިގެންނެވުމާއެކު އެންމެ ފުރަތަމަ ކުރިމަތިވެވަޑައިގެންނެވި ގޮންޖެހުމަކަށްވީ އާއިލާ ތެރެއިން ހަސަބާ ނަސަބުގެ ތަފާތުކުރުމުގެ ސަބަބުން ކުރިމަތިވި ގޮންޖެހުމެއްކަމަށް ޝިފާޤު ވިދާޅުވިއެވެ. އެގޮތުން ކަޅުތުއްކަލާއަކީ ރާއްޖެތެރޭ ރަށަކަށް ނިސްބަތްވި ބޭފުޅަކަށް ވީތީ ރަސްކަމުގެ ތަޙުތާ ޙަވާލުވެވަޑައިގެންނެވުމުގެ ޤާބިލުކަން ނެތްކަމަށް ބުނެ އާއިލާތެރެއިން ފިއްތުންތައް ކުރިމަތިކުރުވިކަން ޝިފާޤު ފާހަގަކުރެއްވިއެވެ.

“މިއަދު މިފެންނަނީ އެތާރީޚު ތަކުރާރުވާ މަންޒަރު. އޭރު ވަލިއްޔުލް އަހުދަށް ކުރިމަތިވި ގޮންޖެހުން މިއަދު ރައީސް ޔާމީނަށްވެސް ކުރިމަތިވާ މަންޒަރު މިފެންނަނީ” ޝިފާޤު ވިދާޅުވިއެވެ.

އިތުރަށް ސްޓޭޓް މިނިސްޓަރު ވިދާޅުވީ ކަޅުތުއްކަލާ އޭނާގެ ޒުވާން ޖޯޝާއެކު ޤައުމު ކޮޅަށް ޖެއްސެވުމަށް މަސައްކަތް ފައްޓަވާފައިވަނިކޮށް ޕޯޗުގީޒުންގެ ހަމަލާ ދިވެހި ފަސްގަނޑަށް ކުރިމަތިކުރުވިކަމަށެވެ. އެހެންނަމަވެސް ކަޅުތުއްކަލާ އަމުރުކުރެއްވީ ޖައްވައް ހަވަޔަށް ފަޒާއަށް ބަޑިޖަހަން ނޫންކަމަށާއި ކަންތައް ކުރެއްވީ އެއަށްވުރެއް ރިވެތި އުޞޫލުތަކުގެ ތެރެއިންކަމަށެވެ. ރަސްކަމުގެ ގަނޑުވަރުގައި ތިއްބެވި ވަޒީރުންނާ އަސްކަރީން އެއްކުރައްވާ ބަސްފުޅު އިއްވަވަމުން ވިދާޅުވީ އެމަނިކުފާނު ހުންނެވީ މިނުރައްކާތެރި ދަނޑިވަޅާ ކުރިމަތިލާ ޤުރުބާންވުމަށް ތައްޔާރަށްކަމަށާއި، އެދިވަޑައިގެންނެވީ އެމަނިކުފާނާއެކު ބައިއަތު ހިއްޕެވުމަށްކަމަށެވެ.

“އޭރު ސިފައިންގެ ޤާނޫނެއް ނެތް. އެހެންނަމަވެސް ކަޅުތުއްކަލާގެ ފަރާތްޕުޅުން ފެނިގެންދިޔައީ ދިވެހި ލަޝްކަރިއްޔާގެ ރޫޙު. މިފެބުރުއަރީ މަހު ދިވެހި ޤައުމަށް ކުރިމަތިވި ހާދިސާގައި ރައީސް ޔާމީންވެސް ޢަމަލުކުރެއްވި މަންޒަރު ފެނިގެންދިޔައީ މިއުޞޫލުގެ ދަށުން” ޝިފާޤު ވިދާޅުވިއެވެ.

ޝިފާޤު ވިދާޅުވީ ދިވެހި ޤައުމީ ސަލާމަތީ ބާރުތަކާ ބައްދަލުކުރައްވާ ރައީސް ޔާމީން އިއްވެވީ ޤައުމީ ނިދާ ކަމަށެވެ. އެގޮތުން ޤައުމުގެ މިނިވަންކަމާ ސިޔާދަތު ރައްކާތެރިކޮށްދެއްވާ، ރައްޔިތުންގެ އަމާންކަން ދެމެހެއްޓުމަށް ސަލާމަތީ ބާރުތަކުން ފުރިހަމަ ޖޯޝާއެކު ރައީސް ޔާމީނާއެކު ތިއްބެވުމަށް އެމަނިކުފާނު އެދިވަޑައިގެންނެވިކަމަށް ޝިފާޤު ވިދާޅުވިއެވެ. ނަތީޖާއަކަށް ވެގެން ދިޔައީ ޤައުމު އޮޔާލާ ދަނިކޮށް އަމާން އައްސޭރިއަކަށް އަނބުރާ ގެނެސްދެއްވުންކަން ފާހަގަކުރައްވާ ޝިފާޤު ވަނީ ކަޅުތުއްކަލާއަށް ހައްޤުވިފަދަ ސެލިއުޓެއް މިއަދު ރައީސް ޔާމީނަށް ޙައްޤުވާކަމަށް ވިދާޅުވެފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

މެޑަމް ފާތުންނާއެކު ފުވައްމުލަކުގައި ޕީޕީއެމްގެ ބޮޑު ޖަލްސާއެއް ބާއްވަނީ

ރައީސުލްޖުމްހޫރިއްޔާ އަބްދުﷲ ޔާމީންގެ އަނބިކަނބަލުން، ފާތިމަތު އިބްރާހީމް ބައިވެރިވެވަޑައިގަންނަވާ ޕީފީއެމްގެ ވަރަށް ހާއްސަ ޖަލްސާ އެއް ފުވައްމުލަކުގައި ބާއްވަން ...

އިންޑިއާގެ ބޮޑުވަޒީރު ނަރެންދްރަ މޯދީ ރާއްޖެ ވަޑައިގަތުމަށް ނިންމަވައިފި

ފަސޭހަފުޅު ވަގުތެއްގައި ރާއްޖެއަށް ރަސްމީ ދަތުރުފުޅެއް ކުރެއްވުމަށް އިންޑިއާގެ ބޮޑުވަޒީރު ނަރެންދްރަ މޯދީ އަށް ރާއްޖޭގެ ރައީސުލްޖުމްހޫރިއްޔާ ޢަބްދުﷲ ...

ވެރިންގެ ތެރެއިން ޤައުމުގެ ޙައްޤުގައި ބަސްބުނީ ރައީސް ޔާމީން އެކަނި – މިނިސްޓަރ ސައީދު

ރާއްޖޭގައި މިހާތަނަށް ވެރިކަން ކުރެއްވި ވެރިންގެ ތެރެއިން ޤައުމާއި ރައްޔިތުންގެ ޙައްޤުގައި ބަސް ބުނަން ކެރުނު ހަމައެކަނި ވެރިއަކީ ...

ދަރަނީގެ މައްސަލައެއްގައި ޓްރިވެންޑްރަމްގައި ތާށިވެފައިވެފައި ތިބި ދިވެހި އާއިލާއަކަށް ސަރުކާރުން އެހީވެދެއްވައިފި

ދަރަނީގެ މައްސަލައެއްގައި ޓްރިވެންޑްރަމްގައި ތާށިވެފައިވެފައި ތިބި ދިވެހި އާއިލާއަކަށް ސަރުކާރުން އެހީވެދެއްވައިފިއެވެ. އިންޑިއާގެ ކޯޓަކުން ނެރުނު އަމުރަކާ ގުޅިގެން ...

ނުކުޅެދުންތެރިކަން ހުންނަ ފަރާތްތަކަށް ދޭ އިނާޔަތް 5000 ރުފިޔާއަށް ބޮޑުކުރާނަން- ރައީސް

ދެވަނަ ދައުރަކަށް ހޮވިވަޑައިގެންފިނަމަ ނުކުޅެދުންތެރިކަން ހުންނަ ފަރާތްތަކަށް ދެއްވާ އިނާޔަތް ފަސް ހާސް ރުފިޔާއަށް ބޮޑުކުރައްވާނެކަމަށް ރައީސުލްޖުމްހޫރިއްޔާ އަބްދުﷲ ...

އައްޑޫ ސިޓީ ތަރައްޤީ ކުރުމުގައި ދެމި ހުންނަވާނެކަމަށް ރައީސް ނަޝީދު ވިދާޅުވެއްޖެ

އައްޑޫ ސިޓީ ތަރައްގީ ގެނެސްގެން ނޫނީ ރާއްޖެއަށް ތަރައްގީނުވާނެކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ. ރައީސް ނަޝީދު ...