• Categories
  • Archives

ހުޅުދޫ ރައްޔިތުންގެ ކަންބޮޑުވުންތައް ކައުންސިލާ ހިއްސާކޮށްފި

އައްޑޫސިޓީ ކައުންސިލުގެ ފަރާތުން ހުޅުދޫ އަދި މީދޫގެ ރައްޔިތުންނާއެކު ބޭއްވި ބައްދަލުވުމުގައި ހުޅުދޫ ރައްޔިތުންގެ ކަންބޮޑުވުންތައް ކައުންސިލާ ހިއްސާކޮށް، ރައްޔިތުންގެ ޝުޢޫރު ފާޅުކޮށްފިއެވެ.

ކައުންސިލްގެ ފަރާތުން ރައްޔިތުންގެ މަޝްވަރާއާއި ހިޔާލު ހޯދުމުގެ ގޮތުން ބާއްވާ ބައްދަލުވުންތަކުގެ ތެރެއިން ހުޅުދޫ އަދި މީދޫގެ ރައްޔިތުންނާއެކު ބައްދަލުކުރުމަށް ވިލާކޮލެޖްގައި  ބޭއްވި ބައްދަލުވުމުގައި ހުޅުދޫ ރައްޔިތުންގެ އެންމެ ބޮޑު ކަންބޮޑުވުމެއްގެ ގޮތުގައި އަޑުއުފުލާފައިވަނީ ހުޅުދޫ ފުޓްބޯޅަ ދަނޑުގައި ލައިޓް ޕޯސްޓް ހަރުކޮށް ދިއްލޭނެ އިންތިޒާމް ހަމަނުޖެހި ގިނަ ދުވަސްތަކެއްވުމެވެ.

އަދި މީގެ އިތުރަށް “ސަރުކާރު ގަބޫލްނުކުރާ ކައުންސިލެއް ގަބޫލް ނުކުރާނަން ” ލިޔެފައިވާ ބޭނާއެއް ބައްދަލުވުން ހިގަމުންދިޔައިރު ކައުންސިލް މެމްބަރުންގެ ފަހަތުގައި ހުޅުދޫ ޒުވާނުން ހިފައިގެން ތިބިއެވެ.

މި ބައްދަލުވުމުގައި އަޑުއުފުލި ފަރާތްތަކުން، ހުޅުދޫ ފުޓްބޯޅަ ދަނޑުގެ ބޭނުންނުހިފި ދިގުދެމިގެންދާކަން ފާހަގަކޮށް އެކަމަށްޓަކައި ކައުންސިލުން ކުރަމުންދާ މަސައްކަތްތަކާ ގުޅޭގޮތުންވަނީ ސުވާލުކޮށްފައެވެ.

ހުޅުދޫ ރައްޔިތުންގެ މިކަންބޮޑުވުންތަކުގެ އަޑު އަހައި ރައްޔިތުންގެ ސުވާލުތަކަށް މޭޔަރ އަބްދުﷲ ޞާދިޤް، ޑެޕިއުޓީ މޭޔަރ މުޙައްމަދު ޔަސްރިފް، ފޭދޫ ދާއިރާގެ ކައުންސިލަރ ޢަލީ ފަޙްމީ އަދި މީދޫ އަދި މަރަދޫފޭދޫ ދާއިރާގެ ކައުންސިލަރ ހުސައިން ހިޔާޟް ވަނީޖަވާބުދެއްވާފައެވެ.

ހުޅުދޫ ރައްޔިތުންގެ ކަންބޮޑުވުންތަކައް ޖަވާބުދެއްވަމުން މޭޔަރ އަބްދުﷲ ޞާދިޤް ވިދާޅުވީ، ރައްޔިތުންގެ ކަންބޮޑުވުންތައް ކައުންސިލުން ބަލައިގަންނާނީ އުފަލާއެކު ކަމަށެވެ. މޭޔަރ ވިދާޅުވިގޮތުގައި ކައުންސިލުން އަބަދުވެސް މަސައްކަތްކުރަނީ ރައްޔިތުންގެ ޚިޔާލާއި މަޝްވަރާއާއެކު ކަންކަން ރާވައި ކުރިއަށް ގެންދިއުމަށްކަމަށެވެ. އެހެންކަމުން ރައްޔިތުންނަށް ދިމާވާ މައްސަލަތައް ކައުންސިލާ ހިއްސާކުރުމަކީ ކަންކަން ރަނގަޅުކުރުމަށް މަގުފަހިވެގެންދާނެކަމެށެވެ.

ރައްޔިތުންގެ ޝަކުވާތައް އަޑުއަހައި އެކަމަށް ކުރެވެންހުރި މަސައްކަތްތައް ކުރުމަށް ކައުންސިލުން ދަނީ ގިނަ މަސައްކަތްތަކެއް ކުރަމުންނެވެ. މިގޮތުން ކައުންސިލް އިދާރާއަށް ދާދިފަހުންވަނީ ކޮމްޕްލެއިންޓްސް މެނޭޖްމެންޓް ސްފްޓެވެއަރ ގަނެފައެވެ. އަދި މިސޮފްޓްވެއަރ ބޭނުންކުރުމުގެ ތަމްރީނުތައް މިހަފްތާގައި ވަނީ މުވައްޒަފުންނަށް ދެވިފައެވެ.

އައްޑޫސިޓީ ކައުންސިލްގެ ފަރާތުން ކޮންމެ އަހަރަކުވެސް ފާއިތުވި އަހަރު ކައުންސިލުން ހިންގާފައިވާ ހަރަކާތްތަކާއި، ޚަރަދުތަކާއި،ކައުންސިލުން ކުރިއަށް ރާވާފައިވާ ހަރަކާތްތަކުގެ މަޢުލޫމާތު ރައްޔިތުންނާ ހިއްސާކޮށް އެކަންކަމާއިގުޅޭގޮތުން ރައްޔިތުންގެ މަޝްވަރާއާއި ޚިޔާލު ހޯދުމަށް ރައްޔިތުންނާއެކު ބައްދަލުވުންތައް ބާއްވައެވެ.

————————————————————————————

ނޯޓް: މަތީގައިވާ ލިއުމަކީ އައްޑޫސީޓީ ކައުންސިލް އިދާރާގެ ވެބްސައިޓްގައި ޝާއިއުކޮށްފައިވާ ލިއުމެއް

————————————————————————————

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ހިޔާ މަޝްރޫޢަށް ފޯމު ހުށަހަޅާ ހުރިހާ ފަރާތްތަކަށް ފްލެޓު ދޭން ސަރުކާރުން ނިންމައިފި

2 ވަނަ ފިޔަވަހީގައި ރައީސް އަބްދުﷲ ޔާމީންގެ ސަރުކާރުން ތަރައްޤީކުރަން ފަށާފައިވާ “ހިޔާ” މަޝްރޫޢަށް ފޯމު ހުށަހަޅާ ހުރިހާ ...

މީރާ މަސައްކަތް ކުރަނީ ވިޔަފާރިތައް ފުނޑުފުނޑުކޮށްލަން: އިކޮނޮމިކް މިނިސްޓަރު ފައްޔާޒް އިސްމާއިލް

މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން މަސައްކަތް ކުރަމުންދަނީ ގާނޫނުތައް އަމިއްލަ ގޮތަކަށް މާނަކޮށްގެން ވިޔަފާރިތައް ފުނޑުފުނޑުކޮށްލުމުގެ ...

ވެއްޓުނު ފުލައިޓުން ދަތުރުކުރި ދިވެހި ދަރިވަރުގެ ހާލު ރަނގަޅު: ޑރ. ޝަނީޒް

ނޭޕާލްގެ ކަތަމަންޑޫ އެއާޕޯޓަށް ޖައްސަން އުޅުމުގެ ތެރޭގައި ވެއްޓުނު މަތިންދާ ބޯޓުން ދަތުރުކުރި ދިވެހި ދަރިވަރަށް އެ ހާދިސާގައި މާބޮޑު ...

އޯލެވެލް އިމްތިޙާނުގެ ގަދަ ދިހައެއްގެ 10 ވަނާގައި ސ. އަތޮޅު މަދަރުސާގެ ދަރިވަރަކު ހިމެނިއްޖެ

މިދިޔަ އަހަރު އޯލެވެލް އިމްތިޙާނުން އެންމެ ރަނގަޅު ނަތީޖާ ހޯދައިގެން ގަދަ ދިހައެއްގެ 10 ވަނާގައި ސ. އަތޮޅު ...

އައްޑޫ ޓާޝަރީ ހޮސްޕިޓަލުގައި ބޭނުންކުރުމަށް ގެނައި އެމްއާރުއައި މެޝިން އައްޑުއަށް ގެނެސްފި

އައްޑޫ ޓާޝަރީ ހޮސްޕިޓަލުގައި  ބޭނުންކުރުމަށް ގެނައި އެމްއާރުއައި މެޝިން އައްޑުއަށް ގެނެސްފިއެވެ. މިއެމްއާރުއައި މެޝިން ގަމަށް ގެނެސްފައިވަނީ ދުނިޔޭގެ ...

އައްޑޫ ރައްޔިތުންނަށް އާމްދަނީ އިތުރުކުރެވޭނެ ކަންކަން ފަހިކޮށްދިނުން މިއަހަރުގެ ކައުންސިލްގެ ބަޖެޓްގައި

އައްޑޫސިޓީ ކައުންސިލުން 2018 ވަނަ އަހަރަށް ފާސްކުރި ބަޖެޓްގައި، އައްޑޫގެ އިގްތިސާދު ރަނގަޅު ކުރުމަށް ކަންތައްތަކެއް ކުރުމަށް ޓްރަސްޓް ...