• Categories
  • Archives

ރާއްޖޭގެ ތާރީޚުގައި ފުރަތަމަ ފަހަރަށް ޗެނެލް އަކުން އޮސްކާ އެވޯޑެއް ލައިވްކުރަނީ

ރާއްޖޭގެ ތާރީޚުގައި ފުރަތަމަ ޗެނެލް އަކުން އޮސްކާ އެވޯޑެއް ލައިވްކުރާ ގޮތަށް ހަމަޖެހިއްޖެއެވެ.

އެގޮތުން އޮސްކާ އެވޯޑް ހަފްލާ “އޮސްކާ 2018” ރާއްޖޭގައި ލައިވްކުރާނި މުނިފޫހިފިލުމުގެ ދާއިރާގެ މައުލޫމާތު ގެނެސްދިނުމުގައި އާންމުންގެ މަގްބޫލުކަން ހޯދާފައިވާ ޗެނެލް، އައިސް ޓީވީން ނެވެ.

އައިސް ޓީވީގެ ޕްރޮޑަކްޝަންސް މެނޭޖަރ އަހުމަދު އިގްބާލް މީޑިޔާއަށް މަޢުލޫމާތު ދެއްވަމުން ވިދާޅުވީ “އޮސްކާ އެވޯޑް ހަފްލާ ދެއްކުމަށް ހަމަ ޖެހިފައި އޮތީ މިރޭ ފަތިހު 4:30 ގައި ކަމަށާއި، އޮސްކާ ދައްކަނީ ވަރަށް ގިނަ ބަޔަކު ރިކުއެސްޓް ކުރާތީ ރައިޓްސް ނަގައިގެން ކަމަށެވެ.

އައިސްޓީވީ އަކީ ބައިނަލް އަގްވާމީ ފުޓްބޯޅަ މެޗްތަކާއި އެހެނިހެން ބޯޑެތި އިވެންޓްތައްވެސް އެޗްޑީ ކޮލިޓީގައި ދިވެހިންނާ ހަމައަށް ގެނެސްދޭ ޗެނަލް އެއްކަން ވެސް ފާހަގަކޮށްލަން ޖެހެއެވެ.
މިއަހަރުގެ އޮސްކާ އެވޯޑު ހަފްލާއަކީ ވަރަށް ވާދަވެރި ގިނަ ނޮމިނޭޝަންތަކެއް ބައިވެރިކޮށްފައިވާ ހަފްލާއަކަށް ވާނެއެވެ. 24 ކެޓަގަރީއަކުން ނޮމިނޭޝަންތައް އިއުލާނު ކޮށްފައިވާއިރު ނޮމިނޭޝަންތަކުގެ އެންމެ ކުރީގައި އުޅެނީ ގުލަމޯ ޑެލް ޓޯރޯގެ “ދަ ޝޭޕް އޮފް ވޯޓާ” އެވެ. އެ ފިލްމަށް 13 ނޮމިނޭޝަންސް ލިބިފައިވެއެވެ.
އަދި ބަފްޓާގައިވެސް ގިނަ އެވޯޑްތަކެއް ހޯދި “ތްރީ ބިލް ބޯޑްސް އައުޓްސައިޑް އެބިން މިސޯރީ” އަށް ހަތް ނޮމިނޭޝަން ލިބިފައިވެއެވެ. އެހެން ކެޓަގަރީތަކުން ނޮމިނޭޓްވެފައިވާ ފިލްމުތަކަކީ “ކޯލް މީ ބައި ޔޯ ނޭމް” އާއި “ޑާކެސްޓް އަވާ” އާއި “ގެޓް އައުޓް” އާއި “ޕެންތަމް ތްރެޑް” އާއި “ލޭޑީ ބާޑް” އަދި “ދަ ޕޯސްޓް” އެވެ.

މިފަހަރުގެ އެވޯޑް ހަފްލާ ހުށަހަޅައިދޭނީ މިދިޔަ އަހަރުވެސް ހުށަހަޅައިދިން ޖިމީ ކިމެލް އެވެ. މި ހަލްފާ ރަސްމީކޮށް ލައިވް ކުރާނީ އެމެރިކާގެ އޭބީސީ ޗެނަލް އެވެ.
މިއަހަރަކީ އޮސްކާ އެވޯޑް ހަފްލާއަށް 90 އަހަރު ފުރޭ އަހަރެވެ. މި ހަފްލާގައި އެމެރިކާގައި އާންމުން ބަޑި ގެންގުޅުމާއި ދެކޮޅު ހެދުމުގެ ގޮތުން ހަފްލާގައި ބައިވެރިވާ އެންމެންވެސް އޮރެންޖް ކުލައިގެ އެމެރިކާ ދިދައެއް ބޭނުން ކުރާނެ އެވެ. އަދި ޖިންސީ ފުރައްސާރައާއި ދެކޮޅަށް މިހާރު ފިލްމީ ފަންނާނު ހަފްލާތަކުގައި ބޭނުން ކުރާ “ޓައިމްސް އަޕް” އާއި “މީޓޫ” ކެމްޕޭން ރަމްޒު ކޮށްދިނުމުގެ ގޮތުން ބައިވެރިން އެވޯޑް ހަފްލާއަށް ހާޒިރުވާނީ ކަޅު ހެދުމުގައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ކައިވެންޏަށް ވަގުތެއް ނެތް

ބޮލީވުޑްގެ ތަރި އަނުޝްކާ ޝަރްމާ އާއި ކްރިކެޓް ކެޕްޓަން ވިރާތު ކޯލީގެ ކައިވެންޏަށް ފަހު މިހާރު އެންމެ ގަދައަށް ...

“ޓައިގާ ޒިންދާހޭ” 500 ކްރޯޑް ކުލަބަށް

ބޮކްސް އޮފީހުގައި ބޮޑު ކާމިޔާބީއެއް ހޯދަމުން އަންނަ ‘ޓައިގާ ޒިންދާހޭ’ 500 ކްރޯޑް ކްލަބާ ގާތަށް ޖެހިލައިފިއެވެ. ބޮލީވުޑްގައި ...

ގިނަ މީހުން އަހަރެންގެ އިންސްޓެގްރާމް ބެލުމަކީ ވަރަށް އުފާވާ ކަމެއް- ޕްރިޔަންކާ

ބޮލީވުޑް އަދި ހޮލީވުޑްގައިވެސް ފިޔަޖަހަމުން އަންނަ ތަރި ޕްރިޔަންކާ ޗޯޕްރާ، މި ފެށުނު އާ އަހަރު ފާހަގަ ކޮށްފައިވަނީ ...

ރޭ ޝޯ އިން ވަކިވާންޖެހުނީ އިޝާން އަދި ނާޒިހް

މޯލްޑިވިއަން އައިޑޮލްގެ ޕިއާނޯ ރައުންޑުގެ ފަހު ބުރުން ރޭގެ ޝޯވ  އިން ވަކިވާންޖެހުނީ އިޝާން އަދި ނާޒިހް އެވެ. ...

މޯލްޑިވިއަން އައިޑޮލް : ގަދަ 9 ގައި ނުހިމެނި ކަޓައިގެންދިޔައީ މުރުޝިދު

މޯލްޑިވިއަން އައިޑޮލްގެ ގަދަ ދިހައެއްގެ ޝޯވގައި ޖަޖުންނާއި އާންމުންގެ ވޯޓުން އެންމެ ދަށް މާކްސް ލިބުމާއި ގުޅިގެން މުރުޝިދު ...

މޯލްޑިވިއަން އައިޑަލްގެ ތިންވަނަ ސީޒަން ރޭ ޕްރިމިއަރކޮށްފި

މޯލްޑިވިއަން އައިޑަލް ތިންވަނަ ސީޒަން ރޭ ޕްރިމިއާކޮށްފިއެވެ. މޯލްޑިވިއަން އައިޑަލް ސީޒަން ތިނެއްގެ ޝޯވތަކުގެ ތެރެއިން ރޭ ދައްކާފައިވަނީ ...