• Categories
  • Archives

ޕޮލިސް ރެކްރޫޓް ޓްރެއިނިންގ ކޯހުގެ 29 ވަނަ ބުރު ނިންމައި، ދަސްވެނިވުމުގެ ހިނގާލުން ބާއްވައިފި

ޕޮލިސް އެކަޑަމީން ދ. ވާނީގައި ކުރިއަށް ގެންދިޔަ ޕޮލިސް ރެކްރޫޓް ޓްރެއިނިންގ ކޯހުގެ 29ވަނަ ބުރު ނިންމައި،  ދަސްވެނިންގެ ޝަރަފުގައި ޚާއްސަ ރަސްމިއްޔާތެއް ބާއްވައިފިއެވެ.

މާރޗް 05 ވަނަ ދުވަހު ދ. ވާނީގައި ބޭއްވި މިރަސްމިއްޔާތު ޝަރަފުވެރި ކޮށްދެއްވައި ދަސްވެނިންނަށް ލިއުން ހަވާލުކޮށްދެއްވީ ޕްރޮސެކިއުޓަރ ޖެނެރަލް އަލްއުސްތާޒާ ޢާއިޝަތު ބިޝާމެވެ.

މިރަސްމިއްޔާތުގެ ޝަރަފުވެރި މެހުމާން ޕްރޮސެކިއުޓަރ ޖެނެރަލް އަލްއުސްތާޒާ ޢާއިޝަތު ބިޝާމް، ކޯހުގެ ބައިވެރިންނާއި މުޚާތަބްކުރައްވައި ދެއްކެވި ވާހަކަފުޅުގައި ޤައުމެއްގެ ދެމެހެއްޓެނިވި ތަރައްޤީގައި ފުލުހުންގެ ދައުރަކީ ވަރަށް މުހިއްމު ދައުރެއްކަމާއި ދެމެހެއްޓެނިވި ތަރައްޤީއަށް ބޭނުންވާ އެންމެ މުހިންމު ކަމަކީ މުޖްތަމަޢުގެ ހަމަޖެހުންކަމުގައި ފާހަގަކުރެއްވިއެވެ. އަދި މީގެއިތުރުން ފުލުހުންގެ މަސްޢޫލިއްޔަތު އަދާކުރުމުގައި ދުވަހެއް ދުވަހަކަށް، އައުގޮތްތައް ހޯދައި މަސައްކަތްތައް ތަރައްޤީކޮށް ޒަމާނީ ކުރުމަކީ މުހިންމު ކަމެއްކަމަށާއި މާޒީން ފިލާވަޅު ލިބިގަނެ، މުސްތަޤްބަލް ރަނގަޅު ކުރުމަށް ކުރަމުންދާ މަސައްކަތްތައް ފާހަގަކޮށް، އެކަންކަން އިތުރަށް ރަނގަޅުކުރުމަށް އިރުޝާދު ދެއްވިއެވެ.

މީގެއިތުރުން ފުލުހުންގެ މަސައްކަތަކީ އަންހެނުންނަށްވެސް ކުރެވޭނެ މަސައްކަތެއްކަމާއި، ފުލުހުންގެ މުއައްސަސާގައި އަންހެން ފުލުހުން މިހާރުވެސް ކުރައްވަމުން ގެންދަވާ މަސައްކަތްތައް ފާހަގަކުރައްވައި،  އަންހެނުންނަކީ ފިރިހެނުންނާއި އެއްހަމައެއްގައި މިދާއިރާގައި ފައިތިލަސާބިތު ކުރެވޭނެ ބައެއްކަން ފާހަގަ ކުރައްވާފައިވެއެވެ. މަސައްކަތުގެ މާޙައުލުގައި އަންހެނުންނަށް ދިމާވާ ދަތިތައް ހައްލުކޮށް ކުރިއަށް ދެވޭނެ މަގު މިހާރަށްވުރެ ބޮޑަށް ފަހިކޮށްދެއްވުމަކީ މުހިންމު ކަމެއްކަން އެކަމަނާގެ ވާހަކަފުޅުގައި ފާހަގަކުރެއްވިއެވެ.

ފުލުހުންގެ މަސައްކަތަކީ ޝަރަފުވެރި މަސައްކަތެއްކަމާއި، އަދި ފުލުހުންގެ މަސައްކަތާއި އަލަށް ގުޅިގެންދިޔަ ފުލުހުންގެ އާއިލާތަކުން، އެފުލުހުންނަށް އެއްބާރުލުން ދެއްވައި ހިތްވަރު ދެއްވުމަށް އެދިވަޑައިގެންނެވިއެވެ. އަދި ތަމްރީން ނިންމުމަށްފަހު  މަސައްކަތުގެ މައިދާނަށް އަލަށް ނުކުންނަން ތައްޔާރުވެފައިވާ ފުލުހުން، ކުރައްވާފައިވާ ފުލުހުންގެ ހުވަޔާއި އެއްގޮތަށް ދިވެހިރާއްޖޭގެ ޤާނޫނާއި ޤަވާއިދާއި އެއްގޮތްވާގޮތުގެ މަތިން އިޚްލާސްތެރިކަމާއި އަމާނާތްތެރިކަމާއި ކެރުމާއިއެކު ފަސްޖެހުމެއްނެތި ސާބިތުކަމާއިއެކު ފުލުހުންގެ ވާޖިބު އަދާކޮށްދެއްވުމަށް އެދިވަޑައިގެންނެވިއެވެ.

ފުލުހުންގެ އެގްޒެކެޓިވް ބޯޑުގެ މެމްބަރުންނާއި، ކޮމިޝަންޑް އޮފިސަރުންނާއި ދ. އަތޮޅުގައި ހުރި މުއައްސަސާތަކުގެ އިސްވެރިންނާއި ޕޮލިސް އެކަޑަމީގެ އިސްވެރިންނާއި 29 ވަނަ ޕޮލިސް ރެކްރޫޓް ޓްރެއިނިންގ ކޯހުގެ ބައިވެރިންނާއި އެބައިވެރިންގެ ބެލެނިވެރިންނާއި މުދައްރިބުން މިރަސްމިއްޔާތުގައި ބައިވެރިވެފައިވެއެވެ.

2017 ޖުލައި 16ން 2018 ފެބްރުއަރީ 22ގެ ނިޔަލަށް ކުރިއަށް ގެންދިޔަ 29 ވަނަ ޕޮލިސް ރެކްރޫޓް ޓްރެއިނިންގ ކޯހަކީ 100 ފިރިހެން ބައިވެރިންނާއި 19 އަންހެން ބައިވެރިން ހިމެނޭގޮތަށް ޖުމްލަ 119 ބައިވެރިންނާއެކު ފެށިގެންދިއަ ކޯހެކެވެ. ތަމްރީން ކޯސް ނިންމައި 99 ފުލުހަކުވަނީ މިރަސްމިއްޔާތުގައި ސެޓްފިކެޓް ހާސިލްކޮށްފައެވެ.

ޕޮލިސް ރެކްރޫޓް ޓްރެއިނިންގ ކޯހުގެ 29 ވަނަ ބުރުގެ ހުރިހާ ގޮތަކުން އެންމެ މޮޅު ދަރިވަރަކަށް އަދި ކޮމިޝަނަރ އޮފް ޕޮލިސް ދެއްވާ ސްކޮލަޝިޕް އެވޯޑް ޙާސިލްކޮށްފައިވަނީ ޕޮލިސް ކޮންސްޓަބަލް ޢަބްދުލް ސަމީޢު ޢަބްދުލް ޙަމީދެވެ. އިންޑޯ މާއްދާތަކުން އެއްވަނަ ދަރިވަރަކަށް ޕޮލިސް ކޮންސްޓަބަލް މުޙައްމަދު މިފްރާދު ހޮވުނުއިރު އައުޓްޑޯ މާއްދާތަކުން އެއްވަނަ ދަރިވަަކަށް ހޮވުނީ ޕޮލިސް ކޮންސްޓަބަލް މުޙައްމަދު އަޙްމަދެވެ. ޕޮލިސް ރެކްރޫޓް ޓްރެއިނިންގ ކޯހުގެ 29 ބުރުގެ އެންމެ މޮޅު ސްކޮޑަކަށް ހޮވުނީ ބީފާނު ސްކޮޑެވެ

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ނުރައްކާތެރި އެސްޑިޑެންޓްތައް އިތުރުވަމުންދާތީ އެކަން ހައްލު ކުރުމަށް ޓްރާންސްޕޯޓް އޮތޯރިޓީއާއި ޕޮލިސް އަދި ކައުންސިލް މަޝްވަރާކޮށްފި

އައްޑޫގައި ހިނގާ ނުރައްކާތެރި އެކްސިޑެންޓްތަކުގެ މިންވަރު މިފަހަކަށްއައިސް އިތުރުވެފައިވާތީ އެކަމަށް އެޅޭނެ އަވަސް ފިޔަވަޅުތަކާމެދު މަޝްވަރާކޮށް ހިޔާލު ހޯދުމަށް ...

ފުވައްމުލަކުން ފެށިގެން އައްޑޫ ސިޓީއާ ދެމެދަށް ޔެލޯ އެލާޓް ނެރެފި

ފުވައްމުލަކުން  ފެށިގެން އައްޑޫ ސިޓީއާ ހަމައަށް   މޫސުމާބެހޭ އިދާރާއިން ޔެލޯ އެލާޓް ނެރެފި އެވެ. މޯލްޑިވްސް ނެޝަނަލް މީޓިއޮރޮލޮޖިކަލް ...

ނޮވެމްބަރު 1 ގައި ރާއްޖެދާން – ރައީސް ނަޝީދު

އަންނަ ނޮވެމްބަރު މަހުގެ އެއް ވަނަ ދުވަހު ރާއްޖެވަޑައިގަންނަވަން ގަސްތުކުރައްވާކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ. ރައީސް ...

މޯދީއާއެކު 46 ޤައުމެއްގެ ޢިއްޒަތްތެރިން ހުވާކުރުމުގެ ރަސްމިއްޔާތުގައި ބައިވެރިވާނެ

އިންތިޚާބީ ރައީސްއާއި އިންތިޚާބީ ނާއިބު ރައީސް މަޤާމުގެ ހުވާކަމުގެ ހުވާ ކުރެއްވުމުގެ ރަސްމިއްޔާތުގައި އިންޑިއާގެ ބޮޑުވަޒީރު ނަރެންދުރަ މޯދީއާއެކު ...

އައްޑޫ ތަރައްގީގެ ބޮޑު ވަސީލަތަކަށް ހެދުމަކީ އެމްޑީޕީ އަމާޒެއް- ރައީސް ނަޝީދު

އައްޑޫ ތަރައްގީގެ ބޮޑު ވަސީލަތަކަށް ހެދުމަކީ އެމްޑީޕީ އަމާޒެއް ކަމަށް ރައީސް ނަޝީދު ވިދާޅުވެއްޖެވެ. ރައީސް ނަޝީދު މިހެން ...

ޒުބޭރުގެ މަރާއިބެހޭ މައުލޫމާތުތަކުގެ ޞައްޙަކަންދަނީ ކަށަވަރުކުރަމުން – އެން.ސީ.ޓީ.ސީ

ސީރިޔާގައި ހިންގަމުންދާ ދާޚިލީ ހަނގުރާމައިގެ ތެރޭގައި ބޯބުރިކޮށްލައި އަނިޔާވެރި ގޮތަކަށް މަރާލާފައިވާ ކަމަށް ބުނެ ބައެއް މީޑިއާތަކުން ޚަބަރު ...