• Categories
  • Archives

އަތޮޅުތެރެ އާއި މާލޭގެ ކުނި މެނޭޖުކުރުމުގެ މަސައްކަތް ކުރުމަށް ވެމްކޯއިން 5 ކޮޅުވެއްޓި ގެނެސްފި

އަތޮޅުތެރެ އާއި މާލޭގައި ކުނި މެނޭޖުކުރުމުގެ މަސައްކަތުގައި ބޭނުންކުރުމަށް ވެމްކޯއިން 5 ކޮޅުވެއްޓި ގެނެސްފިއެވެ. އެ ގޮތުން ގެނެސްފައިވަނީ ހަރަތު ސަތޭކަ ޓަނުގެ ކުނި އުފުއްލޭ ތިން ކޮޅުވެއްޓި އާއި ދުއިސައްތަ ފަންސާސް ޓަނުގެ ކުނި އުފުއްލޭ ދެ ކޮޅުވެއްޓިއެވެ. މި ކޮޅުވެއްޓިތަކާ ރަސްމީކޮށް ހަވާލުވަޑައިގެންނެވީ އެންވަޔަރަމެންޓް މިނިސްޓަރ ޠާރިޤް އިބްރާޙިމެވެ.

ރައްކާތެރިގޮތުގައި ކުނި ނައްތާލުމަށް އެންވަޔަރަމެންޓް މިނިސްްރީން ކުރިއަށްގެންދާ ސާފު ރާއްޖެ މަޝްރޫޢުގެ ދަށުން ރާއްޖޭގެ އަތޮޅުތައް 7 ޒޯނަކަށް ބަހާލައިގެން ގެންދަނީ މަސައްކަތްކުރަމުންނެވެ. އެ ގޮތުން ޒޯންތަކުގެ ރަށްރަށުން އުކާލައި، ކުނި ޓްރާންސްފަރ ސްޓޭޝަންތައް މެދުވެރިކޮށް ވޭސްޓް މެނޭޖްމަންޓް ސެންޓަރަށް ކުނި ގެންގޮސް ނައްތާލުމުގެ މަސައްކަތްވަނީ ވެމްކޯއާ ހަވާލުކޮށްފައެވެ.

ވެމްކޯއިން މި މަސައްކަތްތައް ޒޯންތަކުގައި ފެށުމަށް ގެންދަނީ ތައްޔާރީތައްވަމުންނެވެ. ވަކިވަކި ރަށްރަށުގައި ކުނި މެނޭޖުކުރުމަށް ބޭނުންވާ ސާމާނު އެންވަޔަރަމެންޓް މިނިސްޓްރީން ފޯރުކޮށްދެމުންދާއިރު، މި ފަސް ކޮޅުވެއްޓިއަކީ ޒޯން ލެވެލްގައި ވެމްކޯއިން ކުރިއަށްގެންދާ މަސައްކަތްތައް ފަސޭހަކުރުމަށްޓަކައި ހޯދި ފަސް އުޅަނދެވެ. މި ހަތަރު އުޅަނދުގައި އެއްފަހަރާ 1850 ޓަނުގެ ކުނި އުފުލޭނެއެވެ.

ކޮޅުވެއްޓިތަކާ ހަވާލުވެވަޑައިގަތުމަށްފަހު ވާހަކަފުޅުދައްކަވަމުން އެންވަޔަރަމެންޓް މިނިސްޓަރ ޠާރިޤް އިބްރާހިމް ވިދާޅުވީ، ވެމްކޯއަކީ ވޭތުވެދިޔަ ދެ އަހަރު ދުވަހުގެ ކުރު މާޒީގައި ބޮޑެތި ކާމިޔާބީތަކަކާއި ކުރިއެރުންތަކެއް ހޯދާފައިވާ ކުންފުންޏެއްކަމަށެވެ.

އެ ގޮތުން ވެމްކޯއަކީ ވަކި ބަޔަކަށް ބަރޯސާނުވެ، ހިންގުމުގެ ހުރިހާކަމެެއް އަމިއްލައަށް ބަލަހައްޓަމުންގެންދާ ހަރުދަނާ ކުންފުންޏެއްގެގޮތުގައި މިނިސްޓަރ ފާހަގަކުރެއްވިއެވެ.

މިނިސްޓަރ ވިދާޅުވީ ރައްކާތެރިގޮތުގައި ކުނި ނެގުމަށް ވެމްކޯއިން ކުރިއަށްގެންދާ މި މަސައްކަތަކީ، ނުވާނެ މަސައްކަތެއްކަމަށް ބުނެ ގިނަ ބަޔަކު ކުރިން ފާޑުކިޔަމުންދިޔަކަމަށެވެ.

އެހެންނަމަވެސް މިހާރު މާލޭގެ އަށާރަހާސް ގޭބިސީ އާއި ތޭރަސަތޭކައަށްވުރެ ގިނަ ވިޔަފާރިކުރާ ތަންތަނުން އުފައްދާ ކުނި އުކާލުމުގެ ޚިދުމަތް ދެމުންގެންދާކަމީ، ވެމްކޯއިން އެކަން ކާމިޔާބުކޮށްފައިވާކަމުގެ ހެއްކެއްކަމަށް މިނިސްޓަރ ވިދާޅުވިއެވެ.

ވެމްކޯއިން މާލެގައި ކުނި އުކުމުގެ ޚިދުމަތްދިނުމަށް 50 ވެހިކަލް ބޭނުންކުރެއެވެ. އަދި އަތޮޅުތެރޭގައި ކުނި އުކުމުގެ ޚިދުމަތްދިނުމަށް 25 ވެހިކަލް ބޭނުންކުރެއެވެ.

ވެމްކޯގެ ކަސްޓަމަރ ރިލޭޝަންސް މެނޭޖަރ ފާތިމަތް ރަޝާ ވިދާޅުވީ ވެމްކޯއިން މިހާރު ބޭނުންކުރަމުންދަނީ ކުއްޔަށް ނަގާފައިވާ ކޮޅުވެއްޓިތަކެއްކަމަށެވެ. ނަމަވެސް މިހާރު މި ލިބުނި ކޮޅުވެއްޓިތަކާއެކު، ކުންފުނީގެ ޚަރަދު ކުޑަވެ، އެހެން ޚިދުމަތްތައް ފުޅާކޮށް ތަރައްޤީކުރުމަށް ފުރުސަތު ލިބިގެންދާނެކަމަށް ރަޝާ ވިދާޅުވިއެވެ.

މި އަހަރު ނިމުމުގެކުރިން ރާއްޖޭގައި މީހުން ދިރިއުޅޭ ހުރިހާ ރަށެއްގައި ކުނިކޮށިތަށް ޤާއިމުކޮށް ޒޯންތަކުގައި ކުނި މެނޭޖުކުރަން ފެށުމަކީ އެންވަޔަރަމެންޓް މިިިނިސްޓްރީގެ ޢަމާޒެކެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ކުރީގެ ނައިބު ރައީސް އަދީބު ގެއަށް ބަދަލުކޮށްފި

ކުރީގެ ނައިބު ރައީސް އަހުމަދު އަދީބު ގޭބަންދަށް ބަދަލުކޮށްފިއެވެ. ( ތަފްސީލް އަންނަނީ )

ނަލަފެހި އައްޑޫ ޕްރޮގްރާމުގެ ދަށުން 300 ގެއިން ހިލޭ ކުނި ނަގައިފި

އައްޑޫސިޓީ ކައުންސިލާއި ވެމްކޯ ގުޅިގެން ރޯދަމަހަށް ހާއްސަކޮށްގެން ކުރިއަށް ގެންދިޔަ ނަލަފެހި އައްޑޫ ޕްރޮގްރާމުގެ ދަށުން މިހާތަނަށް 300 ...

ރައީސް ޔާމީން ޤާނޫނާ ޚިލާފަށް މާލީ މުޢާމަލާތްތަކެއް ހިންގިކަމަށް ބުނާ މައްސަލަތަކެއް ފުލުހުން ބަލަން ފަށައިފި

ކުރީގެ ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ރައީސްކަމުގައި ހުންނަވައިގެން ޤާނޫނާ ޚިލާފަށް މާލީ މުޢާމަލާތަކެއް ހިންގަވާފައިވާކަމަށް ތުހުމަތުކުރެވޭ މައްސަލަތަކެއް ...

ޒާތީ މައުލޫމާތު ހިމެނޭ ޑޭޓާބޭސް ވިއްކުން ހުއްޓުވުމަށް ކޯޓަށް ހުށަހަޅައިފި

ރައްޔިތުންގެ މަޖިލިސް އިންތިޚާބާ ދިމާކޮށް ޢާންމު ރައްޔިތުންގެ ޒާތީ މަޢުލޫމާތު ހިމެނޭ ޑޭޓާބޭސްއެއް ވިއްކަމުންދާ މައްސަލަ އަމިއްލަ ފަރާތަކުން ...

ރައީސް ޔާމީން ވައުދެއްވެއްޖެނަމަ އެވަޢުދެއް ފުއްދަވާނެ

ރައީސުލްޖުމްހޫރިއްޔާ ޢަބްދުﷲ ޔާމީންނަށް ރައްޔިތުން ތާޢީދުކުރަނީ ރައްޔިތުންނަށްޓަކާ ކަންތައްތައް ކޮށްދެއްވާތީ ކަމަށް ރައްޔިތުންގެ މަޖިލީހުގެ ނާއިބު ރައީސް އަދި ...

ގޭބިސީތަކަށް ބަހާ ލެޑް ބޮކިތައް ޔުޓިލިޓީ ކުންފުނިތަކާ ހަވާލުކޮށްފި

ދިވެހިރާއްޖޭގެ ހުރިހާ ގޭބިސީތަކަށް ލެޑް ބޮކި ދޫކުރުމަށް ސަރުކާރުން ކުރިއަށް ގެންދާ މަޝްރޫޢުގެ ދަށުން، އެމަސައްކަތް ކުރުމަށްޓަކައި ލެޑްބޮކިތައް ...