• Categories
  • Archives

ޤައުމުގައި ހަމަޖެހުން ޤާއިމް ކުރަން މީސްމީޑިޔާގެ ބައެއް އެޕްތައް ލަންކާގައި ބްލޮކް ކޮށްފި

ސްރީލަންކާގެ ކޭންޑިގައި މުސްލިމުންނާއި ބުޑިސްޓުންނާއި ދެމެދު އުފެދުނު ދީނީ ހަމަނުޖެހުންތަކަށް ފަހު މުޅި ޤައުމުގައި ކުއްލި ޙާލަތު އިއްޔެ އިއުލާން ކޮށްފައިވާއިރު ޤައުމުގައި ހަމަޖެހުން ޤާއިމްކުރުމަށް މީސްމީޑިޔާގެ ބައެއް އެޕްލިކޭޝަންތައް އެޤައުމުގައި ބްލޮކް ކޮށްފިއެވެ.

10،000 އަށް ވުރެ ގިނަ ދިވެހިން ދިރިއުޅެމުން އަންނަ ލަންކާގައި، އެޤައުމުގެ ޓެލެކޮމިއުނިކޭޝަންސް ރެގިއުލޭޓަރީ ކޮމިޝަނަށް ތިން ދުވަހުގެ މުއްދަތަކަށް ފޭސްބުކް ވައިބާ އަދި ވަޓްސްއެޕް ބްލޮކް ކުރުމަށް އެ ޤައުމުގެ ސަރުކާރުން ވަނީ ޢަމުރުކޮށްފައެވެ.

ލަންކާ ކެބިނެޓްގެ ތަރުޖަމާނު ރަޖީތާ ސެނަރަތުނައާ ހަވާލާދީ ރޮއިޓާސް ބުނީ މި ނިންމުމަކީ މުސްލިމުންނާ ދެކޮޅަށް ހަމަލާ ދިނުމަށް ގޮވާލައި ސޯޝަލް މީޑިއާގައި ޕޯސްޓުތައް ދައުރުވަމުންދާތީ ނިންމާފައިވާ ނިންމުމެއް ކަމަށެވެ.

މި ހަލަތަށް ސްރީލަންކާ ގޮސްފައިވާތީ މި ދުވަސްވަރު، ލަންކާގައި ދިރިއުޅޭ ރައްޔިތުން ގެއިން ބޭރަށް ކޮންމެހެން ނުކުންނަން ޖެހޭ ޙާލަތެއް ގައި މެނުވީ ގެއިން ނުނިކުތުމަށްވެސް ލަންކާގައި ހުންނަ ދިވެހި އެމްބަސީން ވަނީ އިލްތިމާސްކޮށްފައެވެ.

ލަންކާގައި ހަމަނުޖެހުން ހިނގަން މެދުވެރިވީ ސަބަބެއް ކަމުގައި އެ ޤައުމުގެ މީޑިޔާގައި ރިޕޯޓްކޮށްފައިވަނީ، މުސްލިމެއްގެ ފިހާރައަކާއި މިސްކިތަކަށް ހަރުކަށި ބުޑިސްޓުން ގެއްލުން ދިނުމުން ކަމަށެވެ. މި ހަމަނުޖެހުންތަކުގައި މިހާތަނަށް ދެމީހުން ވަނީ މަރުވެފައެވެ.

ލަންކާގައި ހިންގާ ހަމަނުޖެހުންތަކުގެ ފަހަތުގައި ވަނީ ބުޑިސްޓުންގެ ހައްދުފަހަނަޅާފައިވާ ޖަމާއަތެއް ކަމަށްވާ ބޮޑު ބަލަ ސެނާ (ބީބީއެސް) އެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ކިމްއާ އެކު ބާއްވާ ސަމިޓް ޓްރަމްޕް ކެންސަލް ކުރައްވައިފި

އަންނަ ޖޫން މަހުގެ ބާރަ ވަނަ ދުވަހު، އުތުރު ކޮރެއާގެ ޒަޢީމް ކިމް ޖޮންގް އުން އާއި އެމެރިކާގެ ...

އެމެރިކާ އާއި އިނގިރޭސިވިލާތް އަދި ފްރާންސް ގުޅިގެން ސީރިއާ އަށް ހަމަލާދޭން ފަށައިފި

އެމެރިކާ އާއި އިނގިރޭސިވިލާތް އަދި ފްރާންސް ގުޅިގެން ސީރިއާ އަށް ހަމަލާދޭން ފަށައިފި އެވެ. މި ހަމަލާތައް ދޭން ...

އެމެރިކާގެ އިލެކްޓްރޯނިކް އުފެއްދުންތައް ތުރުކީން ބޯއިކެޓުކުރަނީ

އެމެރިކާގައި އުފައްދާ އިލެކްޓްރޯނިކް އުފެއްދުންތައް ބޯއިކޮޓް ކުރަން ތުރުކީން ނިންމައިފިއެވެ. ތުރުކީގެ ރައީސް އުރުދުޣާން ވިދާޅުވި އެމެރިކާއިން އުފައްދާ ...

ޒައިނަބްގެ ޤާތިލު މީގެ ކުރިންވެސް ކުޑަ ކުދިން ރޭޕް ކުރުމަށްފަހު މަރާފައިވޭ

ޕާކިސްތާނުގައި އުމުރުން 7 އަހަރުގެ އަންހެން ކުއްޖަކު ރޭޕް ކުރުމަށްފަހު މަރާލި މީހާ އަކީ، އެފަދަ އަމަލުތައް މީގެ ...

އޮޅިގެން ދެވުނު އިންޒާރުން ހަވާއީއަށް ބިރުވެރިކަން!

ޕެސިފިކް ކަނޑުގައި އޮންނަ 1.4 މިލިއަން މީހުންގެ އާބާދީގެ ޖަޒީރާއެއްކަމަށްވާ ހަވާއީއަށް މިދިޔަ ހޮނިހިރުދުވަސް ވެގެންދިޔައީ ބިރުވެރި ދުވަހަކަށެވެ. ...

އެމެރިކާގެ އެއްވެސް އެހީއެއް ބަލައިނުގަތުމަށް ފަލަސްތީނުގެ މަދަނީ ޖަމާޢަތްތަކުން ނިންމައިފި

ޤުދުސަކީ އިސްރާއީލުގެ ވެރިރަށްކަމަށް އިސްރާއީލުން ނިންމި ނިންމުން ބަލައިގަތުމަށާއި އިސްރާއީލުގައިވާ އެމެރިކާގެ އެމްބަސީ ޤުދުސަށް ބަދަލުކުރުމަށް ރައީސް ޑޮނަލްޑް ...