• Categories
  • Archives

ދަނޑުވެރިންނަށް ދޭ ލޯނުތައް އަންނަމަހު ދޫކުރަން ފަށަނީ

ރާއްޖެއަށް އިމްޕޯޓުކުރާ މޭވާއާއި ތަރުކާރީ މަދުކުރުމަށް ސަރުކާރުން ފަށާފައިވާ މަޝްރޫޢޫގެ ދަށުން ދަނޑުވެރިންނަށް ދޫކުރާ ލޯނުތައް އަންނަ މަހު ދޫކުރަން ފަށާނެކަމަށް ފިޝަރީޒް މިނިސްޓްރީން ބުނެފިއެވެ.

އެ މިނިސްޓްރީން ބުނީ ލޯނަށް އެދި ހުށައެޅި ފަރާތްތަކުގެ ފޯމުތައް މިހާރު މިނިސްޓްރީއަށް ލިބިފައިވާކަމަށާއި، ކުރިއަށްއޮތް ތިން ހަފްތާތެރޭގައި ލޯނު ލިބޭ ފަރާތްތަކަށް ލޯނު ދޫކުރުމަށް ހަމަޖެހިފައިވާކަމަށެވެ. މި މަޝްރޫއުގެ ދަށުން ދަނޑުވެރިކަން ކުރާ ފަރާތްތަކަށް ހަ މިލިޔަން ރުފިޔާގެ ލޯނު ދޫކުރުމަށް ސަރުކާރުން ނިންމާފައިވާކަމަށް ފިޝަރީޒް މިނިސްޓްރީން ބުނެއެވެ.

ފަރުދީ ފެންވަރުގައި ދަނޑުވެރިކަމުން ނަފާ ހޯދައިދިނުމުގެ ސިޔާސަތުގެ ދަށުން، ދަނޑުވެރިކަމުން ރާއްޖެއަށް އިމްޕޯޓް ކުރާ ތަކެތި މަދުކުރުމަށްޓަކައި، ދަނޑުވެރިކަމުގެ 5 ބާވަތެއް ރާއްޖޭގައި އުފައްދައި، މި ބާވަތްތައް އިމްޕޯޓްކުރާ މިންވަރު މަދުކުރުމުގެ ޕްރޮގްރާމެއް ސަރުކާރުން ވަނީ ފަށާފައެވެ. މިދިޔަ އަހަރުގެ ޑިސެމްބަރު މަހު ފެށި މި ޕްރޮގްރާމް ކުރިއަށްގެންދަނީ ލ. އަތޮޅު ގަމުގައެވެ.

ރައީސުލްޖުމްހޫރިއްޔާ މިދިޔަ މަހު ދެއްވި މިއަހަރުގެ ރިޔާސީ ބަޔާނުގައިވެސް މި ޕްރޮގްރާމްގެ މައްޗަށް އަލިއަޅުއްވާލައްވާ ވަނީ ވާހަކަފުޅު ދައްކަވާފައެވެ. ރިޔާސީ ބަޔާނުގައި ރައީސުލްޖުމްހޫރިއްޔާ ވިދާޅުވެފައިވަނީ ރާއްޖެއަށް އެތެރެކުރާ ފަސް ބާވަތެއްގެ މޭވާއާއި ތަރުކާރީ މި ޕްރޮގްރާމްގެ ސަބަބުން ފަންސަވީސް ޕަސެންޓް ދަށްކުރެވޭނެކަމަށެވެ. މިގޮތުން، 1866 ޓަނުގެ ތަރުކާރީއާއި މޭވާ، މިމަޝްރޫޢުގެ ދަށުން އުފައްދާފައިވާ ދަނޑުތަކުން ރާއްޖޭގެ ބާޒާރަށް ނެރެވޭނެ ކަމަށް އަންދާޒާ ކުރެވޭކަމަށް ރައީސުލްޖުމްހޫރިއްްޔާ ވަނީ ވިދާޅުވެފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ފެނަކަ ކޯޕަރޭޝަނުން 2 ސަރަޙައްދެއްގައި ފެންބަންދުކުރާ ކާރުޚާނާ ޤާއިމްކުރަނީ

ރާއްޖޭގެ ދެ ސަރަޙައްދެއްގައި ފެން ބަންދުކުރާ ކާރުޚާނާ ޤާއިމްކުރުމުގެ މަސައްކަތް ކުރަމުން އަންނަ ކަމަށް ފެނަކަ ކޯޕަރޭޝަނުން ބުނެފިއެވެ. ...

ދޫގަސް ސިޓީ ހޮޓަލެއްގެ ގޮތުގައި ތަރައްޤީކޮށް އަލުން ހުޅުވަނީ

އައްޑޫ ސިޓީ ގަމުގެ ދޫގަސް ސިޓީ ހޮޓަލެއްގެ ގޮތުގައި ތަރައްޤީކޮށް އަލުން ހުޅުވަން ނިންމައިފިއެވެ. އެގޮތުން ދޫގަސް ތަރައްޤީކުރުމަށް ...

ފަތުރުވެރިކަމުގެ ދާއިރާ: ދިވެހީންނަށް ލިބޭ އިނާޔަތްތައް ބޮޑުކުރުމަށް މަޖިލިހުގެ ގިނަމެމްބަރުން ގޮވާލައްވައިފި

ފަތުރުވެރިކަމުގެ ސިނާއަތުގައި މަސައްކަތްކުރާ ދިވެހީންނަށް ލިބޭ އިނާޔަތްތައް ބޮޑުކުރުމަށް މަޖިލިހުގެ ގިނަމެމްބަރުން ގޮވާލައްވައިފިއެވެ. މެމްބަރުން މިގޮތައް ގޮވާލެއްވީ ޓުއަރިޒަމް ...

އޭޓީއެމްތަކުން ކޭޝް ކާޑު ބޭނުން ކުރާ ގޮތަށް ބަދަލުތަކެއް ގެނެސްފި

ބޭންކް އޮފް މޯލްޑިވްސް،ބީއެމްއެލްގެ އޭޓީއެމްތަކުން ކޭޝް ކާޑު ބޭނުން ކުރާ ގޮތަށް ބަދަލުތަކެއް ގެނެސްފިއެވެ. އެގޮތުން މީގެ ކުރިން ...

ދިރާގު ހައި ސްޕީޑް ފައިބަރ އިންޓަނެޓް އަދި ދިރާގު ޓީވީގެ ޚިދުމަތް ތިނަދޫއަށް

ދިރާގުން ފޯރުކޮށްދޭ ޑިޖިޓަލް ހިދުމަތްތައް ފުޅާކޮށް ތަރައްގީކުރުމުގެ ގޮތުން ދިރާގު ޓީވީގެ ހިދުމަތާއެކު ދިރާގުގެ ހައިސްޕީޑް ފައިބަރ ގެ ...

” އަހަރެންގެ ބެންކް” ކެމްޕެއިން ފަށައިފި

ބޭންކް އޮފް މޯލްޑިވްސް އިން މިދޔަ އަހަރު ފެއްޓެވި އެ ކުންފުނީގެ ކޮމިއުނިޓީ ޕްރޮގްރާމް “އަހަރެންގެ ބޭންކް” ކެމްޕެއިން ...