• Categories
  • Archives

އެންޓި-ޑިފެކްޝަންގެ ބިލާއި ފަނޑިޔާރުންގެ ޤާނޫނަށް ހުށެހެޅި އިސްލާޙު، ރައީސް ތަސްދީޤު ކުރައްވައިފި

ވަކި ސިޔާސީ ޕާޓީއެއްގެ ޓިކެޓްގައި ވާދަކޮށްގެން ރައްޔިތުންގެ މަޖިލީހަށް އިންތިޚާބުވުމަށްފަހު، އެ އިންތިޚާބުވި ދައުރުގެ ތެރޭގައި އިންތިޚާބުވި ޕާޓީ ބަދަލުކޮށްފިނަމަ އެ މެމްބަރެއްގެ ގޮނޑި ގެއްލޭގޮތަށް ރައްޔިތުންގެ މަޖިލިހުން ފާސްކުރި އެންޓި-ޑިފެކްޝަންގެ ބިލާއި ފަނޑިޔާރުންގެ ޤާނޫނަށް ހުށެހެޅި އިސްލާޙު ރައީސުލްޖުމްހޫރިއްޔާ ތަސްދީގު ކުރައްވައިފިއެވެ.

އެންޓި-ޑިފެކްޝަންގެ ޤާނޫނަކީ ރައްޔިތުންގެ މަޖިލީހުގެ މެމްބަރުންނަކީ ރައްޔިތުން އިންތިޚާބުކުރާ ބަޔަކަށްވާއިރު، ރައްޔިތުންގެ މަޖިލީހަކީ ތަފާތު ސިޔާސީ އަދި މާލީ ނުފޫޒުން އެއްކިބާވެފައިވާ އަދި ޢާންމު ރައްޔިތުންގެ މެދުގައި އިތުބާރާ ޔަޤީންކަން ލިބިގެންވާ ތަނަކަށް ހެދުމަށް ހަދާފައިވާ ޤާނޫނެކެވެ. މި ޤާނޫނުގައި ބުނެފައިވަނީ، ރާއްޖޭގައި ހިންގަމުންދާ މަލްޓި-ޕާޓީ ނިޒާމްގެ ދަށުން ވަކި ސިޔާސީ ޕާޓީއެއްގެ ޓިކެޓްގައި ވާދަކޮށް ރައްޔިތުންގެ މަޖިލީހަށް އިންތިޚާބުވުމަށްފަހު، އެ އިންތިޚާބުވި ދައުރުގައި އިންތިޚާބުވި ޕާޓީގެ މެމްބަރުކަމުން ވަކިކޮށްފިނަމަ، ނުވަތަ އަމިއްލައަށް ވަކިވެއްޖެނަމަ ނުވަތަ އެހެން ޕާޓީއެއްގެ މެމްބަރަކަށް ވެއްޖެނަމަ އެ މެމްބަރެއްގެ ގޮނޑި ގެއްލޭނެކަމަށެވެ.

މި ޤާނޫނުގައި މަޖިލީހުގެ ގޮނޑި ނުގެއްލޭނެ ޙާލަތްތަކެއްވެސް ކަނޑައަޅާފައިވެއެވެ. އެގޮތުން ވަކި ޕާޓީއަކަށް ނިސްބަތް ނުވާގޮތަށް މަޖިލީހުގެ މެންބަރުކަމަށް ވާދަކޮށްގެން މިނިވަން މެމްބަރެއްގެ ގޮތުގައި އިންތިޚާބުވި މެމްބަރަކު، އެ މެންބަރަކު އިންތިޚާބުވި ދައުރުގެ ތެރޭގައި ސިޔާސީ ޕާޓީއެއްގެ މެންބަރަކަށް ވުމުން ގޮނޑި ނުގެއްލޭނެއެވެ. އަދި މެމްބަރަކު އެ މެމްބަރަކު ނިސްބަތްވާ ސިޔާސީ ޕާޓީއެއްގެ ވިޕް-ލައިނާ ޚިލާފުވުމާއި އެ މެމްބަރަކު ނިސްބަތްވާ ސިޔާސީ ޕާޓީއަކުން އެ މެމްބަރަކާމެދު ސުލޫކީފިޔަވަޅު އެޅުމަކުން އެ މެމްބަރެއްގެ ގޮނޑި ނުގެއްލޭނެކަމަށްވެސް މި ޤާނޫނުގައި ބަޔާންކޮށްފައިވެއެވެ.

ފަނޑިޔާރެއްގެ މައްޗަށް ޖިނާޢީ ކުށެއް ސާބިތުވެ ހުކުމެއް ކަނޑައެޅޭ ވަގުތުންފެށިގެން އެ ފަނޑިޔާރަކު މަޤާމުން ވަކިވާގޮތަށް ފަނޑިޔާރުންގެ ޤާނޫނަށް ރައްޔިތުންގެ މަޖިލީހަށް ގެނައި އިސްލާހުވެސް ރައީސުލްޖުމްހޫރިއްޔާ މިއަދު ވަނީ ތަސްދީގު ކުރައްވާފައެވެ.

ފަނޑިޔާރުންގެ ޤާނޫނަށް ގެނައި އިސްލާހުގައިވާގޮތުން ފަނޑިޔާރެއްގެ މައްޗަށް ޖިނާޢީ ދަޢުވާއެއް އުފުލައިފިނަމަ އޭނާގެ މައްޗަށް ހުކުމެއް ކަނޑައަޅަންދެން މުސާރަ ނުލިބޭގޮތަށް ޖުޑީޝަލް ސާރވިސް ކޮމިޝަނުން އެ ފަނޑިޔާރަކު ސަސްޕެންޑް ކުރަންވާނެކަމަށް ބަޔާންކޮށްފައިވެއެވެ. އަދި އެ ފަނޑިޔާރެއްގެ މައްޗަށް ތުހުމަތުކުރެވޭ ޖިނާޢީ ކުށަކާ ގުޅިގެން ދަށު ކޯޓުން ނިންމާ ނިންމުމެއް ދިވެހިރާއްޖޭގެ ހައިކޯޓަށް އިސްތުއުނާފު ކުރުމަށް ހުށައެޅުމުގެ މުއްދަތަކީ އެ މައްސަލައެއް ނިންމާ ތާރީޚުން ފެށިގެން ދިހަ ދުވަސްކަމަށް ބިލްގައި ހިމަނާފައިވެއެވެ. މީގެ އިތުރުން އެ ހުކުމް އިސްތިއުނާފްކުރުމަށް އެ ފަނޑިޔާރެއްގެ ފަރާތުން ހުށައަޅައިފިނަމަ އެ މައްސަލައެއް ހުށައަޅާ ތާރީޚުން ފެށިގެން 30 ދުވަހުގެ ތެރޭގައި އެ މައްސަލައެއްބަލާ ގޮތެއް ނިންމަންވާނެކަމަށްވެސް ރައްޔިތުންގެ މަޖިލީހުން ފާސްކުރެއްވި ބިލްގައިވެއެވެ. އަދި ފަނޑިޔާރެއްގެ މައްޗަށް ތުހުމަތުކުރެވޭ ޖިނާޢީ ކުށަކާ ގުޅިގެން ދިވެހިރާއްޖޭގެ ހައި ކޯޓުން ނިންމާ ނިންމުމެއް ދިވެހިރާއްޖޭގެ ސުޕްރީމް ކޯޓަށް އިސްތިއުނާފު ކުރުމަށް ހުށައެޅުމުގެ މުއްދަތަކީވެސް މައްސަލަ ނިންމި ތާރީޚުން ފެށިގެން 10 ދުވަސްކަމަށާއި، ސުޕްރީމް ކޯޓަށް އެ މައްސަލައެއް ހުށައަޅާ ތާރީޚުން ފެށިގެން 30 ދުވަހުގެ ތެރޭގައި މައްސަލަބަލާ ގޮތެއް ނިންމަންޖެހޭނެކަން ބަޔާން ކޮށްފައިވެއެވެ. އަދި ޖިނާއީ ކުށެއް ސާބިތުވެއްޖެކަމަށް ޝަރުޢީ ކޯޓަކުން ހުކުމެއް ކަނޑައަޅާ ވަގުތުންފެށިގެން އެ ފަނޑިޔާރަކު މަޤާމުން ވަކިވާނެކަމަށްވެސް ފަންޑިޔާރުންގެ ޤާނޫނަށް ގެނައި އިސްލާހުތަކުގައިވެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ވިލާ ގްރޫޕުން ދައްކަންޖެހޭ ފައިސާގެ އަދަދަކީ މިއަހަރަށް ލިބޭނޭކަމަށް ލަފާކުރި އާމްދަނީގެ 13.3 އިންސައްތަ- އާޒިމާ

ވިލާ ގްރޫޕުން މިހާތަނަށް ދައުލަތައް ދައްކަންޖެހޭ ފައިސާގެ ޖުމްލަ އަދަދު، މިއަހަރު ދައުލަތަށް ލިބޭނޭކަމަށް އަންދާޒާކޮށްފައިވާ އާމްދަނީގެ %13.3 ...

ރިޔާސީ އިންތިޚާބަށް ނިކުތްއިރު މި ޤައުމުގައި ޒުވާނުން ތިބިކަން ޤަބޫލުކުރި ހަމައެކަނި ރައީސަކީ ރައީސް ޔާމީން- މެންބަރ ރިފާއު

ރައީސް ޔާމީނަށް ވޯޓްދޭންޖެހޭ ސަބަބުތައް ކިޔަން ފަށައިފިއްޔާ އިރު އަރަންދެންވެސް ކިއިދާނެ ކަމަށާއި، 2013 ގެ ރިޔާސީ އިންތިޚާބަށް ...

މިއަދުގެ ހުޅުމީދޫގައިވެސް ބޮޑު ޖަމާއަތުގައި އީދު ނަމާދުކޮށްފި

ހުޅުމީދޫގައި މިއަހަރަގެ އަޟްހާ ޢީދު ނަމާދު ބޮޑު ޖަމާއަތުގައި ކޮށްފިއެވެ. ހުޅުމީދޫގައި ބޮޑުޖަމާއަތުގައި މިއަދު އީދު ނަމާދު ކޮށްފައިވަނީ ...

އެމްޓީޑީގެ ރައީސަކަށް އަދީބު އައްޔަންކުރައްވައިފި

މޯލްޑިވްސް ތާރޑް ވޭ ޑިމޮކްރެޓްސް (އެމްޓީޑީ)ގެ ރައީސަކަށް ކުރީގެ ނައިބު ރައީސް އަހްމަދު އަދީބު އައްޔަންކުރައްވައިފިއެވެ. އެމްޓީޑީގެ ރައީސް ...

އެމްއެމްޕީއާރްސީއަށް ދީފައިވާ 100 މިލިއަން ރުފިޔާގެ ތެރެއިން 70 މިލިއަން ރުފިޔާ ލިބިފައިނުވޭ – ޝާހިދު

އެމްއެމްޕީއާރްސީއަށް ޑޮލަރު ގަތުމުގެ ނަމުގައި އެމްޕީއެލްއިން  100 މިލިއަނަށް ވުރެ ގިނަރުފިޔާ ދީފައިވާ ކަމަށާއި، އެފައިސާ އެމްޕީއެލްއަށް ލިބިފައި ...

އިދިކޮޅު މުޒާހަރާގެ ބައިވެރިން އަންހެން ނޫސްވެރިޔަކަށް ފުރައްސާރަކޮށްފި

އިދިކޮޅު ފަރާތްތަކުން ކުރަމުންދާ ޤާނޫނާ ޚިލާފު ސިލްސިލާ މުޒާހަރާތަކުގެ ތެރެއިން، މިއަދު ކުރިއަށްދިޔަ މުޒާހަރާގައި ޗެނަލް 13 ގެ ...