ނުރައްކާތެރި އެސްޑިޑެންޓްތައް އިތުރުވަމުންދާތީ އެކަން ހައްލު ކުރުމަށް ޓްރާންސްޕޯޓް އޮތޯރިޓީއާއި ޕޮލިސް އަދި ކައުންސިލް މަޝްވަރާކޮށްފި

އައްޑޫގައި ހިނގާ ނުރައްކާތެރި އެކްސިޑެންޓްތަކުގެ މިންވަރު މިފަހަކަށްއައިސް އިތުރުވެފައިވާތީ އެކަމަށް އެޅޭނެ އަވަސް ފިޔަވަޅުތަކާމެދު މަޝްވަރާކޮށް ހިޔާލު ހޯދުމަށް ޓްރާންސްޕޯޓް އޮތޯރިޓީން އިއްޔެ މޯލްޑިވްސް ޕޮލޮސް ސަރިވިސްގެ އިސް ބޭފުންނާއި އައްޑޫސިޓީ ކައުންސިލާ ބައްދަލުކުރައްވައިފިއެވެ.

ޓްރާސްޕޯޓް އޮތޯރިޓީގެ އެދިލެއްވުމަށް ކައުންސިލްގެ އިދާރާގައި ބޭއްވުނު މިބައްދަލުވުމުގައި، އެކްސިޑެންޓްތައް މަދު ކުރުމަށްޓަކައި އެފަދަ ހާދިސާތައް ދިމާވުމަށް މެދުވެރިވާ މައިގަނޑު ސަބަބުތައް ފާހަގަކޮށް އެކަންތައްތައް ހައްލުކުރުމަށް މިހާރުން މިހާރަށް އެޅެން ހުރި ފިޔަވަޅުތަކާއިމެދު ބައިވެރިންގެ މެދުގައި މަޝްވަރާކުރެވުނެވެ. މިގޮތުން އޯވާޓޭކް ކުރެވޭނެ ތަންތަނާއި އެފަދަ ޤަވާއިދުތައް އަންގައިދިނުމަށް ހުންނަ ނިޝާންތައް ރަނގަޅަށް އެނގޭނެހެން ކުރަހައި ކެޓްސް އައި ހަރުކުރުމާއި، ބާރު ސްޕީޑްގައި ދުއްވާމީހުންނާއި އަދި އެނޫންވެސް ޤަވާއިދުތަކާއި ޚިލާފުވާ މީހުން ހުއްޓުވުމަށް އެދެވިގެންވާ ގޮތެއްގައި މަސައްކަތްކޮށް، އެކްސިޑެންޓްތައް މެދުވެރިވާލެއް ގިނަކަން ފާހަގަކުރެވޭ ސަރަހައްދުތަކުގައި ރަމްބަލް ސްޓްރިޕްސް ބޭނުންކުރުމާއި، ޕާކިންގް ޒޯންތަކަށް މީހުން އަހުލުވެރުކުރުވުމަށް ވާހަކަދެކެވުނެވެ.

އެކްސިޑެންޓްތައް މަދުކުރުމަށް ކުރެވެންހުރި ކަންކަމާއިމެދު މަޝްވަރާކުރުމަށް އިއްޔެ ބޭއްވުނު ބައްދަލުވުމުގައި މަގުތައް ރަނގަޅަށް ބެލެހެއްޓިފައި ހުރުމުގެ މުހިންމުކަމާމެދު ވާހަކަފުޅު ދައްކަވަމުން މޭޔަރ އަބްދުﷲ ޞާދިގް ފާހަގަކުރެއްވި ގޮތުގައި، މަގުގައި ކުރަހާފައިވާ ނިޝާންތައް ސާފުނުވާވަރަށް މަގުތައް ހިރަފުސްވުމާއި، ޕާކިންގް ޒޯންތަކުގައި ޕާކް ނުކުރެވޭ ވަރަށް ޗަކަސްހެދިފައި ހުރުމުގެ ސަބަބުން ދުއްވާ އެއްޗެހި ޕާކިންގް ޒޯނުން ބޭރު ޕާކްކޮށްފައި ހުންނަ ކަމެށެވެ. އަދި މީގެ ސަބަބުން އެކްސިޑެންޓްތައް ދިމާވުމަށް މަގުފަހިވާ ކަމަށާއި މިކަން ހައްލުކުރުމަށް އަވަސް ފިޔަވަޅުތަކެއް އަޅަންޖެހޭ ކަމުގައި މޭޔަރ ވިދާޅުވިއެވެ.

މޭޔަރ އިތުރަށް ފަހާގަކުރެއްވި ގޮތުގައި، އައްޑޫސިޓީ ކައުންސިލުން ތައްޔާރުކޮށްފައިވާ ތަރައްޤީގެ ޕްލޭންގައި މަގުތަކަކީ މީހުންނަށް ރައްކާތެރިތަނަކަށް ހެދުމަށް ހިންގާނެ ހަރަކާތްތައް ކަނޑައަޅާފައިވާ ކަމެށެވެ. އޭގެތެރޭގައި މަގާއި، ދުވާރުތަކާއި، ކަފިހި ހުރަސްތަކާއި، ޕާކިންގްއާއި ބަސް ސްޓޮޕްތައް ހުންނަންޖެހޭ ގޮތުގެ ހަމަތައް ކަނޑައެޅުމާއި، އެއްކޮޅަށް ދުއްވާ މަގުތައް ކަނޑަޅައި، ހަމައެކަނި ހިނގައި ބިނގައި އުޅޭ މަގުތަކާއި ސަރަހައްދުތައް ކަނޑައެޅުންވެސް ހިމެނޭކަމެށެވެ.

މިބައްދަލުވުމުގައި ޓްރާންސްޕޯޓް އޮތޯރިޓީގެ ޑެޕިއުޓީ ޑިރެކްޓަރ ޖެނެރަލް މުޙައްމަދު ރަފީޢު ވިދާޅުވީ، އެކްސިޑެންޓްތައް މަދުކުރުމަށް ކުރެވޭ މަޝްވަރާތަކަކީ ހުސް އެކަނި ވާހަކަތަކެއް ކަމަށް ވެނުދިނުމަށް ޓްރާންސްޕޯޓް އޮތޯރިޓީން އަޒުމް ކަނޑައަޅާފައިވާ ކަމަށެވެ. އަދި މިބައްދަލުވުމުގެ މަޤްސަދަކީ އައު ސަފުހާއަކުން މިމައްސަލަ ހައްލުކުރަން މަސައްކަތް ފެއްޓެވުން ކަމަށާއި ކައުންސިލުން ދެއްވި ހިޔާލުތައް ބޭނުންކުރައްވާނެ ކަމެށެވެ.

އެކްސިޑެންޓްތައް ހިނގާ މިންވަރު އައްޑޫގައި އިތުރުވަމުންދާއިރު ދާދިފަހުން ހިނގި ނުރައްކާތެރި އެކްސިޑެންޓެއްގައި މީހެއްގެ ފުރާނަ ވަނީ ގެއްލިފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އައްޑޫސިޓީ: ގުޅިފައިވާ ރަށްތަކުގެ މިސްކިތްތަކުގައި އަދުން ފެށިގެން ޖަމާއަތުގައި ނަމާދުކުރުން މެދުކަނޑާލައިފި

ކޮވިޑް-19 އާއި ގުޅިގެން  ރައްކާތެރިކަމުގެ ފިޔަވަޅެއްގެ ގޮތުގައި އައްޑޫ ސިޓީގެ ގުޅިފައިވާ ރަށްތަކުގެ މިސްކިތްތަކުގައި ޖަމާޢަތުގައި ނަމާދުކުރުން ވަގުތީގޮތުން ...

މިއަދު  މީދޫގެ މިސްކިތްތަކުގައި  އިމާމުވެ ހުކުރު ކުރެއްވުމަށް ހަމަޖެހިފައިވާ ބޭފުޅުން

މިއަދު ( 14 އޮކްޓޯބަރ 2022 ވަނަ ދުވަހު )  މީދޫގެ މިސްކިތްތަކުގައި  އިމާމުވެ ހުކުރު ކުރެއްވުމަށް ހަމަޖެހިފައިވާ ބޭފުޅުން ...

ކަނޑު އުޅަދަކުން އައްޑޫގެ އަވަށަކަށް މީހުން ބޭލުމުގެ ކުރީން އެކަން އެންގުމަށް އިއުތިމާސްކޮށްފި

އެމްޕީއެލް ފެރީ ނިޒާމުގެ ތެރެއިން ނޫންގޮތަކަށް މީހުން ގޮވައިގެން ރާއްޖޭގެ އެއްވެސް ތަނަކުން ފުރައިގެން އައްޑޫގެ އެއްވެސް އަވަށަކަށް ...