• Categories
  • Archives

މިއަހަރުގެ އަރތް އަވާ ފާހާގަ ކުރުމުގެ ހަރަކާތް އައްޑޫސިޓީގައި ބާއްވަނީ

ކޮންމެ އަހަރަކުވެސް މުޅި ދުނިޔޭގައި އަރތް އަވާގެ ގޮތުގައި ފާހަގަކުރަމުންގެންދާ ހަރަކާތް މިއަހަރުވެސް ރާއްޖޭގައި ކުލަގަދަކޮށް ފާހަގަކުރުމަށް ހަމަޖެހިފައިވާއިރު، މިއަހަރުގެ މައި ‘ސްވިޗް-އޯފް އިވެންޓް’ ގެ ހޯސްޓް ސިޓީއަކަށް ހަމަޖެހިފައިވަނީ އައްޑޫސިޓީކަމުގައި މިހަރަކާތް އިންތިޒާމު ކުރާ ފަރާތް، އަރތް އަވާ މޯލްޑިވްސް ކަންޓްރީ ޓީމް އަދި އީކޯ ކެއަރ މޯލްޑިވްސްއިން ބުނެފިއެވެ.

އަރތް އަވާ މޯލްޑިވްސް ކަންޓްރީ ޓީމުން ބުނިގޮތުގައި މިއަހަރުގެ މިހަރަކާތް ކުރިއަށްގެންދިއުމަށް ހަމަޖެހިފައިވަނީ މިމަހުގެ 24 ވާ ހޮނިހިރު ދުވަހުގެ ރޭ 8:30 އިން 9:30 އަށް ކަމަށެވެ.

މިއަހަރުގެ އަރތް އަވާ ހަރަކާތް ކުލަގަދަގޮތެއްގައި ފާހަގަ ކުރުމަށްޓަކައި އައްޑޫސިޓީ ކައުންސިލާއި، އައްޑޫގެ ޖަމްޢިއްޔާ ޖަމާޢަތްތަކާއި، އެހެނިހެން މުޢައްސަސާތަކާއި ގުޅިގެން އަރތް އަވާ މޯލްޑިވްސް އަދި އީކޯ ކެއަރ ގެ ޓީމުން ވަނީ މަސައްކަތް ފަށާފައެވެ. މިގޮތުން ބޭންކް އޮފް މޯލްޑިވްސް، ފެނަކަ، އެމް.އެން.ޑީ.އެފް، މޯލްޑިވްސް ރެޑް ކްރެސެންޓް، އަންހެނުންގެ ތަރައްޤީއަށް މަސައްކަތްކުރާ ކޮމިޓީ، ސީކެޕް އަދި ބައެއް ޖަމްޢިއްޔާތަކާއެކު އިއްޔެ ވަނީ ބައްދަލުވުމެއް ބާއްވައި ހަރަކާތް ރާވައި ހިންގާނެ ގޮތުގެ މަޝްވަރާކުރައްވާފައެވެ. މީގެއިތުރުން ޓްރާންސްޕޭރެންސީ މޯލްޑިވްސްގެ އެހީތެރިކަމާއެކު މިދިޔަ ހުކުރު ދުވަހު ޒުވާނުންނަށާއި ޖަމްޢިއްޔާ ޖަމާޢަތްތަކަށް ހާއްސަ ކުރެވިގެން ‘އާރތް އަވަރ އެޑްވޮކެސީ ޓްރޭނިންގ’ ގެ ނަމުގައި ކައުންސިލް އިދާރާގައި ވަނީ ތަމްރީން ޕްރޮގްރާމެއް ހިންގާފައެވެ. މިތަމްރީން ހަރަކާތުގައި މޭޔަރ އަބްދުﷲ ޞާދިޤްވެސް ވަނީ ބައިވެރިވެވަޑައިގަންނަވާފައެވެ.

އަރތް އަވާ އަކީ ބައިނަލްއަގުވާމީ ޖަމްޢިއްޔާ ވޯލްޑް ވައިލްޑްލައިފް ފަންޑުން އިންތިޒާމުކޮށްގެން 2007 ވަނަ އަހަރުން ފެށިގެން ކުރިއަށްދާ ހަރަކާތެކެވެ. އަދި 2009 ވަނަ އަހަރުން ފެށިގެން ރާއްޖޭގައިވެސް އަރތް އަވާ ފާހަގަކުރުމުގެ ހަރަކާތްތައްދަނީ ބާއްވަމުންނެވެ.

ދުނިޔެ ހޫނުވުމާއި، ތިމާވެއްޓަށާއި މޫސުމަށް އަންނަ ނޭދެވޭ ބަދަލުތަކުގެ ސަބަބުން ލިބިދާނެ ގެއްލުންތަކުން ރައްކާތެރިވެ ތިބުމަށާއި، ގެއްލުން ކުޑަކުރުމުގެ ގޮތުން އެޅިދާނެ ފިޔަވަޅުތަކަށް އާންމުން ހޭލުންތެރި ކުރުމާއި، ފަރުދީ ފެންވަރުގައިއާއި މުޖުތަމަޢުގެ ފެންވަރުގައި ހަރަކާތްތެރިވުމަށް ގޮވާލައި ހިންގޭ މިހަރަކާތަކީ ބައިނަލްއަޤުވާމީ ގޮތުން މިއަދު ދުނިޔޭގައި ހިންގޭ އެންމެ ބޮޑު ގޮވާލުމެވެ. ދުނިޔެއަށްޓަކައި އެއްގަޑިއިރަށް ބޮކިތައް ނިއްވާލުމުގެ ރަމްޒީ މިހަރަކާތަކީ އަމަލީ ގޮތުން ތިމާވެށި ހިމާޔަތްކުރުމަށް މަސައްކަތް ކުރާ އަދި އެކަމަށް ބާރުއަޅާ ގޮވާލާ ހަރަކާތެކެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ފެނަކަ ކޯޕަރޭޝަނުން 2 ސަރަޙައްދެއްގައި ފެންބަންދުކުރާ ކާރުޚާނާ ޤާއިމްކުރަނީ

ރާއްޖޭގެ ދެ ސަރަޙައްދެއްގައި ފެން ބަންދުކުރާ ކާރުޚާނާ ޤާއިމްކުރުމުގެ މަސައްކަތް ކުރަމުން އަންނަ ކަމަށް ފެނަކަ ކޯޕަރޭޝަނުން ބުނެފިއެވެ. ...

އައްޑޫގައި ވަކި ދަޢުލަތެއް ޤާއިމްކުރުމަށް މަޝްވަރާކޮށްފި

އައްޑޫ ސިޓީގައި ވަކި ދަޢުލަތެއް ޤާއިމްކުރަން އެސިޓީގެ ބައެއް ކައުންސިލް މެމްބަރުންނާ އެމްޑީޕީގެ އިސް ބޭފުޅުންނާއެކު ކުރީގެ ރައީސް ...

ޕީއެސްއެމްގެ މެނޭޖިންގ ޑިރެކްޓަރގެ މަޤާމަށް ޢަލީ ޚާލިދު އައްޔަންކުރައްވައިފި

ޕަބްލިކް ސަރވިސް މީޑިއާ، ޕީއެސްއެމްގެ މެނޭޖިންގ ޑިރެކްޓަރގެ މަޤާމަށް މ.ފިނިފަރު، ޢަލީ ޚާލިދު އައްޔަން ކުރައްވައިފިއެވެ. ޢަލީ ޚާލިދަކީ ...

ފުލުހުން ތަޙުޤީޤް ކުރަމުންދާ މައްސަލައާ ގުޅިގެން ހުޅުދޫ މީހަކު ހޯދަނީ

ފުލުހުން ތަޙުޤީޤް ކުރަމުންދާ މައްސަލައަކާ ގުޅިގެން ހުޅުދޫ މީހަކު ހޯދުމުގެ މަސައްކަތް ކުރަމުންދާކަމަށް  ފުލުހުން ހާމަކޮށްފއެވެ. ފުލުހުން ތަޙުޤީޤް ކުރަމުންދާ ...

ރައީސް ޞާލިޙު ދޫނިދޫ ޖަލުގެ ޙާލަތު ބައްލަވައިލައްވައިފި

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، ދޫނިދޫ ޖަލަށް މިއަދު ޒިޔާރަތް ކުރައްވައި އެތަނުގެ ޙާލަތު ބައްލަވައިލައްވައިފިއެވެ. ރައީސް އޮފީހުން ...

ލޯޑު ބޮޑުވާ ބައެއް ގަޑިތަކުގައި އައްޑޫ ސިޓީގެ ގުޅިފައިވާ ރަށްތަކުން ކަރަންޓުގެ ޚިދުމަތް ކެނޑޭނެ – ފެނަކަ

އައްޑޫ ސިޓީގެ ގުޅިފައިވާ ރަށްތަކަށް ކަރަންޓުގެ ޚިދުމަތް ދިނުމުގައި ދިމާވެފައިވާ ފަންނީ މައްސަލައެއްގެ ސަބަބުން، ލޯޑު ބޮޑުވާ ބައެއް ...