• Categories
  • Archives

ބޭރުގައި ފިލާ ތިބެ ދައްކާ ވާހަކައަކުން ރާއްޖެއަކަށް ގުޑުމެއް ނާރާނެ – ޑިފެންސް މިނިސްޓަރ

ބޭރުގައި ފިލާ ތިބެ ދައްކާ ވާހަކައަކުން ރާއްޖެއަކަށް ގުޑުމެއް ނާރާނެކަމަށް ޑިފެންސް މިނިސްޓަރު އާދަމް ޝަރީފް ވިދާޅުވެއްޖެއެވެ.

މިނިސްޓަރު މިހެން ވިދާޅުވެފައި މިވަނީ ސަރުކާރުން އަމަލުކުރަމުން ދަނީ ގާނޫނާ ހިލާފަށްކަމަށް ބުނެ ރާއްޖެއާ މެދު ފިޔަވަޅު އެޅުމަށް އިދިކޮޅު ފަރާތްތަކުން ބޭރުގެ އެކި އެކި ފަރާތްތަކަށް ގޮވާލާފައިވަނިކޮށެވެ.

އެމްއެންޑީއެފް މީޑިއާ މެދުވެރިކޮށް ދެއްވި ބަސްދީ ގަތުމެއްގައި އާދަމް ޝަރީފް ވިދާޅުވީ ކުރީގެ ރައީސެއް ނުވަތަ އެހެން މީހެއް ނަމަވެސް ގައުމަކާ ދެކޮޅަށް ވާހަކަ ދައްކާ ހިސާބުން އެއީ ގައުމަށް ހެޔޮނޭދޭ މީހެއްކަން ސާފުވާ ކަމަށެވެ. އެހެން ނަމަވެސް އެފަދަ މީހަކު ދައްކާ ވާހަކައަކުން ގައުމަށް އޭގެ އެއްވެސް ނުރައްކަލެއް ނެތް ކަމަށް ވެސް މިނިސްޓަރ ވިދާޅުވިއެވެ.

ރާއްޖޭގެ ދާޚިލީ ކަންކަމުގެ ތެރެއަށް ވަނުމަށް ކުރީގެ ރައީސް މުހައްމަދު ނަޝީދު އިންޑިޔާ އަށާއި އަދިވެސް އެހެނިހެން ބޭރުގެ ފަރާތްތަކަށް ގޮވާލެއްވުމުން، އާދަމް ޝަރީފް ވިދާޅުވީ ރާއްޖޭގައި ހިނގާ ކަންކަމާ ގުޅިގެން ބޭރުގެ އެއްވެސް ގައުމަކުން އިންޒާރެއް ދީފައިނުވާ ކަމަށެވެ. ހުރިހާ ގައުމަކުން ވެސް ރާއްޖޭގެ ހާލަތު ގާތުން ބަލަމުން އަންނައިރު ސަރުކާރުން ބޭނުންވާ އެހީތެރިކަން ފޯރުކޮށްދެމުން އަންނަކަމަށްވެސް ވިދާޅުވި އެވެ.

މިނިސްޓަރު އިތުރަށް ވިދާޅުވީ ބޭރުގެ ވަކި ޖަމާއަތަކުން ނުވަތަ ވަކި ބަޔަކު ހާމާކުރާ ހިޔާލަކީ ރާއްޖެއަށް ނުރައްކާ އޮތް ކަމެއް ނޫން ކަމަށެވެ.

މި ސަރުކާރުގެ ހާރިޖީ ސިޔާސަތުގެ ސަބަބުން ރާއްޖެއާ އިންޑިއާގެ ގުޅުން ހީނަރުވިޔަސް މިނިސްޓަރު ވިދާޅުވި ގޮތުގައި އިންޑިއާއަކީ ރާއްޖެއަށް ކަމެއް ދިމާވާ ކޮންމެ ފަހަރަކު އެންމެ ގާތުން އެހީތެރިވާ ގައުމެވެ. އެހެންކަމުން އަބަދުވެސް ފުރަތަމަ އިސްކަން ދޭނީ އިންޑިއާއަށް ކަމަށްވެސް ވިދާޅުވި އެވެ.

“ދިވެހި ރާއްޖެއިން ކަމެއް ބޭނުންވެއްޖެ ނަމަ ގައުމުތަކުގެ ނިސްބަތުން އިސްކަން ދޭނެ ގައުމަކީ އިންޑިއާ. އިންޑިއާ ފަސްޓް. އެއީ އަޅުގަނޑުމެންގެ ޕޮލިސީއަކީ،” އާދަމް ޝަރީފް ވިދާޅުވި އެވެ.

ދިވެހިންނަށް މެޑިކަލް ވިސާ ދިނުމުން މި މަހު 27 ގެ ނިޔަލަށް އިންޑިއަން ހައި ކޮމިޝަނުން މެދުކަނޑާލައްވަފައިވަތީ އެކަމާއި މެދު އިދިކޮޅު ފަރާތްތަކުން ފަތުރަނީ ދޮގު ޚަބަރުކަން ހާމަކުރަމުން މިނިސްޓަރު ވިދާޅުވީ، އެއީ ވަކި މައްސަލައެއް ދިމާވެގެން ކުރިމަތިވި މައްސަލައެއް ނޫން ކަމަށާއި އިމިގްރޭޝަންތަކުން ގެންނަ ބަދަލުތަކުގެ ސަބަބުން ދިމާވި ކަމެއް ކަމަށެވެ.

ދިވެހި ސިފައިންނާ މެދު އޭނާ އަބަދުވެސް ފަޚުރުވެރިވާ ވާހަކަ ތަކުޜާރު ކުރައްވަމުން މިނިސްޓަރު ވިދާޅުވީ އެއީ ގައުމަށް ދިމާވާ ކޮންމެ ކަމަކަށް ތައްޔާރަށް ތިބޭ ބޭފުޅުންތަކެއް ކަމަށާއި އަދި ދިވެހި އަސްކަރިއްޔާއަކީ ބަޔަކު ދައްކާހާ ވާހަކައަކަށް “ރޭރުވެގެން” ޖަވާބު ދޭނެ ބައެއް ނޫން ކަމަށެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ބީއެމްއެލްގެ ފުރަތަމަ ބިޒްނަސް ސެންޓަރު އައްޑޫސިޓީގައި ގާއިމްކޮށްފި

ބޭންކް އޮފް މޯލްޑިވްސްގެ ފުރަތަމަ ބިޒްނަސް ސެންޓަރ އައްޑޫ ސިޓީގައި ހުޅުވައިފިއެވެ މިއީ ކުދި އަދި މެދު ފަންތީގެ ...

ސްރީލަންކާއަށް ރެޑް އެލާޓް ނެރެފި

މި ސަރަހައްދުގައި މިހާރު އުފެދިފައިވާ ކޮޅިގަނޑުގެ ސަބަބުން މޫސުން ގޯސްވެ ސްރީލަންކާއަށް ރެޑް އެލާޓް ނެރެފިއެވެ. ލަންކާގެ ޑިޕާޓްމެންޓް ...

“ބެސްޓް ޕްރެޒިޑެންޓް” ލިސްޓުގެ ނުވަ ވަނައިގާ ރައީސް ޔާމީން

އޮސްޓްރިއާގެ ރިސަރޗް ފާރމްއެއްކަމަށްވާ “ސްޓެޓިސްޓިކާ އިންކް” އިން އެކުލަވާލި “ބެސްޓް ޕްރެޒިޑެންޓް” ލިސްޓުގެ ނުވަ ވަނައިގައި ދިވެހިރާއްޖޭގެ ރައީސުލްޖުމްހޫރިއްޔާ ...

ޓްރީޓޮޕް ކާޑް މެދުވެރިކޮށް ކިއުގައި މަޑުނުކޮށް މެމޯ ހެއްދޭނެ

ޓްރީޓޮޕުން ޚިދުމަތް ހޯދަންބޭނުންވާ ފަރާތްތަކަށް ޑޮކްޓަރަށް ދެއްކުމަށް އެޕޮއިންޓްމަންޓް ހެއްދުމުގެ ފުރުޞަތު މިހާރުވެސް ހުޅުވާލާފައިވާކަމަށް އެ ހޮސްޕިޓަލުން ބުނެފިއެވެ. ...

އައްޑޫސިޓީ ހުޅުމީދޫގައި ހިންގަމުންދިޔަ ވިލާ ކޮލެޖްގެ އައްޑޫ ކެމްޕަސް ބަންދުކޮށްފި

ވިލާ ކޮލެޖުން އައްޑޫސިޓީ ހުޅުމީދޫގައި ހިންގަމުންދިޔަ ވިލާ ކޮލެޖްގެ އައްޑޫ ކެމްޕަސް ބަންދުކޮށްފިއެވެ. ވިލާ ކޮލެޖުން ހުޅުމީދޫގައި ހިންގަމުންދިޔަ ...

އެމްޑީޕީއަށް އައްޑޫސިޓީގެ މެޖޯރިޓީ ދިނީ ވަރަށްބޮޑު އުއްމީދަކާއެކު- ނިހާދު

އައްޑޫސިޓީން އެމްޑީޕީއަށް ރަށްޔިތުންގެ މަޖިލިހުގެ އިންތިޚާބުގައި  މެޖޯރިޓީ ދިނީ އައްޑޫސިޓީއަށް ހައްގު މިންވަރު ހޯދާ ދިނުމަށްކަމަށާ އެކަން ނުވެއްޖެނަމަ ...