• Categories
  • Archives

ރާއްޖޭގައި ފުރަތަމަ ފަހަރަށް ޕީއެޗްޑީ ހަދައިފި

ރާއްޖޭގައި ފުރަތަމަ ފަހަރަށް ޕީއެޗްޑީ ހެދުމުގެ ޝަރަފު ދިވެހިރާއްޖޭގެ ޤައުމީ ޔުނިވާރސިޓީގެ ދެ ދަރިވަރަކު ހޯދައިފިއެވެ. މި ޝަރަފު ހާސިލުކޮށްފައިވާ ދެ ދަރިވަރުންނަކީ ސުނެއިނާ ރަޝީދާއި އާއިޝަތު ޢަލީއެވެ.

ރާއްޖޭގެ ތަޢުލީމީ ޙަޔާތުގައި އަދި ދިވެހިރާއްޖޭގެ ޤައުމީ ޔުނިވާރސިޓީގެ ޙަޔާތުގައިވެސް މީ ރާއްޖޭގައި ތިބެގެން ޕީއެޗްޑީ ހެދި ފުރަތަމަ ފަހަރުއެވެ. މި ޝަރަފު ހޯދާފއިވަނީ ސުނެއިނާ ރަޝީދާއި އާއިޝަތު ޢަލީއެވެ. މި ދެ ދަރިވަރުންވެސް ޕީއެޗްޑީ ޙާޞިލްކުރީ ތަޢުލީމީ ދާއިރާއިންނެވެ.

މި ދެ ދަރިވަރުންގެ ތެރެއިން ސުނެއިނާ ރަޝީދުގެ ތީސީސް ނުވަތަ ޢިލްމީ ތަޙުޤީގު ބިނާކޮށްފައިވަނީ ދިވެހިރާއްޖޭގެ މުދައްރިސުން ތަމުރީން ކުރުމުގެ މައިދާނީ ތަމުރީން މިހާރު ހިންގާ ގޮތާއި ދިމާވާ ގޮންޖެހުންތަކާއި އަދި ކުރިމަގުގައި މި ތަމުރީން ރާވާ ހިންގިދާނެ ގޮތްތަކުގެ މައްޗަށެވެ. އަދި މި ޢިލްމީ ތަޙުޤީގު ދިރާސާކުރިއިރު ދިވެހިރާއްޖޭގައި މުދައްރިސުން ތަމުރީން ކުރުމުގެ މައިދާނީ ތަމުރީން މިހާރު ހިންގާ ގޮތާއި ދިމާވާ މައްސަލަތައް ފާހަގަކޮށްފައިވެއެވެ.

ޢައިޝަތު ޢަލީގެ ޢިލްމީ ތަޙުޤީގް ބިނާކޮށްފައިވަނީ 1900ގެ އަހަރުތަކުން ފެށިގެން 2015ވަނަ އަހަރާއި ހަމައަށް ހިނގާދިޔަ 115 އަހަރުގެ މުއްދަތުގައި ދިވެހިރާއްޖޭގައި ހިންގުނު މުހިއްމު ތަޢުލީމީ ސިޔާސަތުތައް ދިރާސާތަކުގެ މައްޗަށެވެ.

ޤއުމީ ޔުނިވާސިޓީގެ ދަސްވެނިވުމުގެ ރަސްމިއްޔާތުގައި މި ދެ ދަރިވަރުންނަށް ޕީއެޗްޑީގެ ސަނަދު ހަވާލުކޮށްދެއްވީ ހޯމް މިނިސްޓަރ އަޒްލީން އަހުމަދުއެވެ.

މި ރަސްމިއްޔާތު ޝަރަފުވެރިކޮށްދެއްވާ ވާހަކަދައްކަވަމުން ހޯމް މިނިސްޓަރ އަޒްލީން އަޙްމަދު ވިދާޅުވީ ލިބިފައިވާ ޢިލްމަކުން މީހަކު ފަނާކޮށްލެވިދާނެ ކަމަށާއި އަދި ހަމައެފަދައިން ޢިލްމަކީ މީހުން ޙިމާޔަތްތެރިކޮށްދޭ ވެސް އެއްޗެއް ކަމަށެވެ. އަޒްލީން ވިދާޅުވީ ތިމާއަށް ލިބިފައިވާ ޢިލްމެއްގެ ބޭނުން ހެޔޮގޮތުގައި ހިފުމަށް އިލްތިމާސްކުރައްވާ ކަމަށެވެ. ޢިލްމަކީ ﷲ ސުބުޙާނަހޫ ވަތަޢާލާ އިންސާނުންނަށް ދެއްވާ ވަރަށް މަތިވެރި އަމާނާތެއްކަން ފާހަގަކުރައްވަމުން މިނިސްޓަރ އަޒްލީން އަޙްމަދު ވިދާޅުވީ އިންސާނަކަށް ޢިލްމެއް ލިބުނު ކަމުގައިވިއަސް، އަޚްލާޤީ ސިފަތަކުން ނަފްސު ޒީނަތްތެރި ނުކޮށްފިނަމަ ތިމާއަށް ލިބޭނެ އެއްވެސް މޮޅެއް ނޯންނާނެ ކަމަށެވެ.

“ތިމާގެ ޢިލްމީ ޤާބިލުކަން ބަލާ މިންގަނޑަކީ ހަމައެކަނި އަތަށް މިއަދު ލިބުނު ސެޓުފިކެޓު ކަމުގައި ހައްދަވައިގެން ނުވާނެ. ތަޖުރިބާއަކީ ވެސް މުހިއްމު އެއްޗެއްކަން ޤަބޫލުކުރައްވަންވާނެ. އަދި ޓެކްނޮލޮޖީއާ އެއްވަރަށް ދުނިޔެ ކުރިއަރާދާ ހަލުވިމިނާ އެއްވަރަށް ރިސަރޗް އަމިއްލައަށް ހައްދަވާ ނަފްސު މުއްސަނދިވާ ޢިލްމު އިންޓަނެޓާ ފޮތްތަކުގެ ޒަރިއްޔާއިން ހޯދުމުގައި ތިމާ މި ދުނިޔެއިން ވަކިވެގެން ދަންދެން އުޅުމަކީ އަމިއްލަ ނަފްސަށްޓަކައި ކޮންމެހެން ކުރުން މުހިއްމު ކަމެއް ކަމުގައި މިއަދުން ފަށައިގެން ހައްދަވަން ވާނެ،” މިނިސްޓަރ އަޒްލީން ވިދާޅުވިއެވެ.

ހޯމް މިނިސްޓަރ ވިދާޅުވީ ބައެއް ފަރާތްތަކަށް ލިބިފައިވާ ޢިލްމު ހިފަހައްޓައިގެން ތިބި ނަމަވެސް ޢިލްމަކީ ހިފަހައްޓައިގެން ވާނެ އެއްޗެއް ނޫން ކަމަށެވެ. އެގޮތުން ޙައްޤު ބަސް ބުނަންޖެހޭ ތަންތަނުގައި ޙައްޤު ބަސް ބުނުމަށް ހޯމް މިނިސްޓަރ ވަނީ އިލްތިމާސްކުރައްވާފައެވެ. އަދި އެއީ ޢިލްމީ ޤާބިލް ފަރާތްތައް މުޖުތަމަޢަށް ކޮށްދޭންޖެހޭ ޚިދުމަތެއް ކަމަށްވެސް މިނިސްޓަރ އަޒްލީންގެ ވާހަކަފުޅުގައި ވިދާޅުވިއެވެ.

“އަނިޔާވެރިކަމާއި ލާއިންސާނީ ފިކުރުތަކާއި ވަބާތަކުން މުޖުތަމަޢު ދުރުކޮށް، ފިތުނައިގެ އަލިފާންގަނޑުން މުޖުތަމަޢު ސަލާމަތް ކުރުން އަދި އަމާންކަމުގެ އައްސޭރިއަށް ޤައުމުގެ އަފުރާދުން ގެންގޮސް ދިނުމަކީ ތިޔަކުދިންގެ ފަރުދީ ވާޖިބެއްކަން ދަނެ، ދީ

ނާއި ވަތަނުގެ ޙައްޤުގައި ޤުރުބާންވެފައިވާ އަބުތާލުން ފަދައިން ހިތްހަމަތްތެރި ބަޔަކަށް ތިޔަކުދިން ވާންޖެހޭނެ،” މިނިސްޓަރ ވިދާޅުވިއެވެ.

އެމްއެންޔޫގެ އެކި ކޯސްތަކުން 290 ދަރިވަރަކު ރޭ ވަނީ ދަސްވެނިވެފައެވެ. އޭގެތެރެއިން 145 ދަރިވަރަކު ބެޗްލާސް ޑިގްރީ ޙާޞިލްކޮށްފައިވާއިރު 143 ދަރިވަރަކު ވަނީ މާސްޓާސް ޑިގްރީ ޙާޞިލްކޮށްފައެވެ.

މަސްދަރު: ޕީއެސްއެމް

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

“ރަށްފެހި ޕްރޮގްރާމް” ނަލަފެހި ޖަމްއިއްޔާއިން މީދޫގައި ގަސް އިންދުމުގެ ޙަރަކާތެއް ބާއްވައިފި

އިއްޔެ ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހު އިފްތިތާހުކޮށްދެއްވި މުޅި ރާއްޖެ ފެހިކުރުމަށް ހިންގާ ޤައުމީ ޙަރަކާތް “ރަށްފެހި ...

ހުޅުމީދޫގައި އައްޑޫ ފިޝަރީޒް ކޮންޕްލެކްސްއެއް އެޅުމަކީ ކުންފުނީގެ ތާރީހުގައި ވެސް ކޮށްފައިވާ އެންމެ ގެއްލުން ބޮޑު އެއް އިންވެސްޓްމަންޓް

ހުޅުމީދޫގައި އައްޑޫ ފިޝަރީޒް ކޮންޕްލެކްސްއެއް އެޅުމަކީ ކުންފުނީގެ ތާރީހުގައި ވެސް ކޮށްފައިވާ އެންމެ ގެއްލުން ބޮޑު އެއް އިންވެސްޓްމަންޓް ...

އައްޑޫ ސިޓީ ތަރައްޤީ ކުރުމުގައި ދެމި ހުންނަވާނެކަމަށް ރައީސް ނަޝީދު ވިދާޅުވެއްޖެ

އައްޑޫ ސިޓީ ތަރައްގީ ގެނެސްގެން ނޫނީ ރާއްޖެއަށް ތަރައްގީނުވާނެކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ. ރައީސް ނަޝީދު ...

“އޭޝިއަން ރޯވިންގް ފޯ އޯލް” ކޮމިޓީގެ ގޮނޑިއެއް ރާއްޖެއަށް ލިބިއްޖެ

“އޭޝިއަން ޜޯވިންގް ފޯ އޯލް” ކޮމިޓީގެ ގޮނޑިއެއް ދިވެހިރާއްޖެއަށް ލިބިއްޖެއެވެ. މި މަހުގެ ކުރީކޮޅުގައި ޗައިނާގެ ބެއިޖިންގް ގައި ...

ސިޔާސީ ޖަގަހައަކަށް ފެނަކަ ނުވާނެ

ސިޔާސީ ޖަގަހައަކަށް ފެނަކަ ނުވާނެ ކަމަށް އެ ކުންފުނީގެ މެނޭޖިން ޑިރެކްޓަރު އަހުމަދު ސައީދު  ވިދާޅުވެއްޖެއެވެ. އަހުމަދު ސައީދު ...

މިނިވަން ކަމުން އަޅުވެތި ކަމަށް ދާނަންތަ؟

މިއަދު މުޅި ދިވެހިރާއްޖެ މިދަނީ މި ފަސްގަނޑަށް ފުރިހަމަ މިނިވަން ކަން ލިބުނުތާ 53 އަހަރު ފުރުމުގެ އުފާވެރި ...