• Categories
  • Archives

ފަހަތުން އަރާ 3 ލަނޑު ޖަހައިގެން މަރަދޫ ސްކޫލްގެ މައްޗަށް ޝަމްސުއްދީން ސްކޫލް ކުރި ހޯދައިފި

އައްޑޫސިޓީ މައިލޯ އިންޓަރ ސްކޫލް ފުޓްބޯޅަ މުބާރާތުގެ 14 އަހަރުން ދަށުގެ އުމުރު ފުރާގައި މިއަދު މެންދު ކުޅެވުނު މެޗްގައި މަރަދޫ ސްކޫލުން  ލީޑު ހޯދާފައިވަނިކޮށް ފަހަތުން އަރާ މަރަދޫ ސްކޫލް  ބަލިކޮށް ޝަމްސުއްދީން ސްކޫލުން އެ ޓީމުގެ ފުރަތަމަ މޮޅު ހޯދައިފި އެވެ

މިއަދު މެންދުރު ހިތަދޫ ސްޓޭޑިއްމްގައި ކުޅެވުނު މި މެޗު ޝަމްސުއްދީން ސްކޫލުން ކާމިޔާބުކުރީ 3-2 އިންނެވެ.

މިމެޗްގެ ފުރަތަމަ ހާފްގައި ދެޓީމުންކުރެ ޓީމަކަށް ލަނޑެއް ކާމިޔާބު ކުރެވިފައި ނުވިނަމަވެސް ދެވަނަ ހާފްގެ ކުޅުންފަށައިގެން 36 ވަނަ މިނިޓްގައި މަރަދޫ ސްކޫލްގެ މުހައްމަދު ތަމާން ލަނޑެއްޖަހާ މެޗްގެ ލީޑު މަރަދޫ ސްކޫލަށް ހޯދާ ދީފައިވަނިކޮށް އޭގެ ދެމިނިޓް ފަހުން މަރަދޫ ސްކޫލްގެ 2 ވަނަ ލަނޑު 38 ވަނަ މިނިޓްގައި ކާމިޔާބުކޮށް 2 ލަނޑު 0 ލަނޑުގެ ލީޑެއް މަރަދޫ ސްކޫލަށް ހޯދައިދިނީ މުހައްމަދު ސަހާއު އަލީއެވެ.

2 ލަނޑު 0 ލަނޑުގެ ލީޑެއް މަރަދޫސްކޫލްގެ ޓީމުން ހޯދާފައިވަނިކޮށް ހިތްވަރު އެލުވާލުނާ ކުޅެމުން ދިޔަ ޝަމްސުއްދީން ސްކޫލްގެ ޓީމުންމިމެޗްގައި އެޓީމުން ކާމިޔާބުކުރި ފުރަތަމަ ލަނޑު 51 ވަނަ މިނިޓްގައި ކާމިޔާބުކޮށްދިނީ އަހުމަދު މާއިޝްއެވެ.

މިމެޗްގައި ޝަމްސުއްދީން ސްކޫލަށް ނަތީޖާ ހަމަހަމަކޮށްދިން ލަނޑު 59 މިނިޓްގައި ކާމިޔާބުކޮށްދިނީ ނިޝާރު ނަސީރެވެ. އަދި އޭގެ 1 މިނިޓްފަހުން 60 ވަނަ މިނިޓްގައި ނިޝާރު ނަސީރުވަނީ ޝަމްސުއްދީން ސްކޫލްގެ 3 ވަނަ ލަނޑު ކާމިޔާބުކޮށް ޝަމްސުއްދީން ސްކޫލަށް މެޗްގެ ލީޑު ހޯދާ ދީފައެވެ.

މީގެ ކުރީން މިމުބާރާތުގައި ޝަމްސުއްދީން ސްކޫލްޓީމުން ކުޅުނު 3 މެޗުންވެސް އެޓީމު ބަލިވެފައިވިޔަސް މިއަދުގެ މެޗްގައި ޝަމްސުއްދީން ސްކޫލް ޓީމުގެ ކުޅުންތެރީންވަނީ ވަރަށް ރަގަޅު ކުޅުމެއް ދައްކާފައެވެ.

ޝަމްސުއްދީން ސްކޫލް ޓީމުގެ ކޯޗް އަހުމަދު ރަޝީދު ބުނީ މިމުބާރާތުގައި ޝަމްސުއްދީން ސްކޫލުން ބައިވެރިވެފައިވާ 14 އަހަރުން ދަށުގެ ޓީމަކީ މިމުބާރާތުގައި އެހެން ސްކޫލްތަކުން ބައިވެރިވެފައިވާ 14 އަހަރުން ދަށުގެ ޓީމްތަކުގެ ކުޅުންތެރީންނަށްވުރެ އުމުރުގެގޮތުން ހަގު ކުޅުންތެރީން ހިމެނޭ ޓީމަކަށްވެފައި އެކުޅުންތެރީން ދައްކަމުންދާ ކުޅުމާއި މެދު ވަރަށްބޮޑަށް ހިތްހަމަޖެހޭކަމަށެވެ.

” ޝަމްސުއްދީން ސްކޫލްގައި މިއަހަރު ގްރޭޑް 8 އުފައްދަން ލިބުނު ފުރުސަތުގައި ގްރޭޑް 8 ނުއުފެއްދުމުން މިދިޔަ އަހަރު ޝަމްސުއްދީން ސްކޫލްޓީމަށް ކުޅުނު ގިނަ ކުޅުންތެރީން އަތޮޅުމަދަރުސާއަށް ވަނީ ބަދަލުވެފައި  . އެހެން ސްކޫލްތަކުގައި  މިއަހަރު ގްރޭޑް 8 އުފެއްދުމުން މިދިޔަ އަހަރު ގްރޭޑް 7 ގައި ހިމެނު  ކުޅުނުތެރީން  މިމުބާރާތުގައި ބައިވެރި އެހެން ހުރިހާ ސްކޫލެއްގެ ޓީމުގައި އެބަހިމެނޭ . –އަހަރެމެންޓީމާ އެހެންޓީމުތަކާ އުމުރުގެ ތަފާތު  ހުރުމުން އެހާތަފާތުބޮޑުކޮށް މީގެ ކުރީން ކުޅުނުމެޗްތަކުން އަހަރެމެން ބަލިވެފައިވަނީ  . އަހަރެމެން ޓީމުގައި ގިނައިން ތިބި ކުޅުންތެރީންގެ އެވްރެޖް އުމުރަކީ 12 އަހަރު ”

ޝަމްސުއްދީން ސްކޫލްޓީމްގެ ކޯޗް އަހުމަދު ރަޝީދު ވީއޯއެމްއަށް މައުލޫމާތު ދެއްވަމުން ބުނެފައިވެއެވެ.

ޝަމްސުއްދީން ސްކޫލްޓީމަކީ ވޭތުވެދިޔަ ދެއަހަރު އައްޑޫ އިންޓަރ ސްކޫލް ފުޓްބޯޅަ މުބާރާތުގެ 13 އަހަރުން ދަށުގެ ޗެމްޕިއަންކަން ހޯދާފައިވާ ޓީމެވެ.

މިދިޔަ އަހަރު ޝަމްސުއްދީން ސްކޫލްގެ 13 އަހަރުން ދަށުގެ ޓީމް ޗެމްޕިއަންކަން ހޯދާފައިވަނީ ފައިނަލްގައި ޝަރަފުއްދީން ސްކޫލާއި ވާދަކޮށް 1-0 ލަނޑުން މޮޅުވެގެންނެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

މިނިވަންކަޕް ފުޓްސަލް މުބާރާތް 2019: ގްރޫޕް އޭގެ 1 ވަނަޓީމްގެ ގޮތުގައި ރިސޯޓްބޯއިސް ސެމީފައިނަލަށް

މިނިވަންކަޕް 2019 ގައި ރިސޯޓް ބޯއިސް އާއި ޕޮލިސް ބައްދަލުކުރި މެޗު ބޮޑު ތަފާތަކުން ކާމިޔާބުކޮށް ގްރޫޕް އޭގެ ...

ގައުމުން މިދިޔައަހަރުގެ ޗެމްޕިއަން ވަރުގަދަ ތައްލިހި މޮޅުވިޔަނުދީ ހިފަހައްޓައިފި

މިދިޔަ އަހަރުގެ ޗެމްޕިއަން ތައްލިހި އެފްސީ މޮޅުވިޔަނުދީ  ގައުމު އެފްސީ ޓީމުން ތައްލިހި ،ހިފަހައްޓާލައިފި އެވެ. މިނިވަންކަޕް 2019 ...

ނޭމާގެ ސޮއި ހޯދަން ބޭނުންވާނަމަ އެކަން އޯގަސްޓް 8 ގެކުރީން ނިންމުމަށް ޕީއެސޖީންވަނީ ބާސާއަށް އަންގައިފި

އޯގަސްޓް 8 ގެކުރީން ޕީއެސްޖީއަށް ކުޅެމުންއަންނަ ނޭމާގެ ސޮއި ބާސާއަށް މަޖުބޫރު ވެއްޖެކަމަށް ރިޕޯޓްތައް ބުނެފިއެވެ. ރިޕޯޓްތައް ބުނާގޮތުން ...

ހީނާ އެކެޑެމީ ޓީމްގެ ކޮޅަށް ހުޅުމީދޫ އީޓީއެފްއޭ ޓީމުން 8 ލަނޑު ޖަހައިފި!

ފޯވާރޑް ރަޔަން ޖެހި ހަތަރު ގޯލާއި ކެޕްޓަން ސަހާފް ހެދި ހެޓްރިކާ އެކު މާލޭގައި ކުރިއަށް ގެންދާ ހީނާއެކެޑެމީގެ ...

މާޅޮހުގެ އުއްމީދީ ކީޕަރު އިބޫ ވެލެންސިއާ އަށް

މިދިޔަ ސީޒަނުގެ ދިވެހި ޕްރިމިއާ ލީގާއި މިނިވަން ޗެމްޕިއަންޝިޕުގައި އއ. މާޅޮހުގެ ގޯލް ބެލެހެއްޓި އުއްމީދީ ކީޕަރު އިބްރާހީމް ...

ޖޯލިއަންސް މިކްސް ވޮލީ މުބާރާތް: ޓީމް ލިޓަސް ކުޅުނު ދެވަނަމެޗުންވެސް ކާމިޔާބުކޮށްފި

އައްޑޫސިޓީ  ފޭދޫ ޒުވާނުން އިންތިޒާމްކޮށްގެން ފޭދޫގައި މިހާރު ކުރިއަށްދާ ޖޯލިއަންސް މިކްސް ވޮލީ މުބާރާތުގައި ރޭ ކުޅެވުނުމެޗް ޓީމް ...