• Categories
  • Archives

ޝަރަފުއްދީނާއި ހިތަދޫ ސްކޫލްގެ މެޗް އެއްވަރުވެ ޕޮއިންޓް ޓޭބަލްގެ އެއްވަނަ ޝަރަފުއްދީން ސްކޫލަށް

އައްޑޫސިޓީ މައިލޯ އިންޓަރ ސްކޫލް ފުޓްބޯޅަ މުބާރާތުގެ 16 އަހަރުން ދަށުގެ އުމުރުފުރާގައި  އިއްޔެ ހަވީރު ޝަރަފުއްދީން ސްކޫލާއި ހިތަދޫ ސްކޫލް ބައްދަލުކުރިމެޗް އެއްވަރުވެ ޕޮއިންޓް ޓޭބަލްގެ އެއްވަނަ ޝަރަފުއްދީން ސްކޫލަށް ލިބިއްޖެވެ.

އިއްޔެ ހަވީރު ހިތަދޫ ސްޓޭޑިއަމްގައި ކުޅެވުނު މިމެޗް އެއްވަރުވެފައިވަނީ 4 ލަނޑު 4 ލަނޑުންނެވެ. އިއްޔެގެ މެޗް އެއްވަރުވެގެން ނިމުނުކަމުގައިވިޔަސް މިމެޗުގައި މޮޅަށް ކުޅެފައިވަނީ ޝަރަފުއްދީން ސްކޫލްގެ ޓީމެވެ.

އިއްޔެގެ މެޗް ފެށިގެން ފުރަތަމަ ދެލަނޑު ކާމިޔާބުކޮށް ކުރިހޯދީ ޝަރަފުއްދީން ސްކޫލުންނެވެ. ޝަރަފުއްދީން ސްކޫލްގެ ފުރަތަމަ ލަނޑު 13 ވަނަ މިނިޓްގައި  އަހިހަމް ކާމިޔާބުކޮށް ދީފައިވަނިކޮށް އެޓީމުގެ އަދި ދެވަނަ ލަނޑު 20 ވަނަ މިނިޓްގައި ކާމިޔާބުކޮށްދިނީ  ހަސަން ވިއާމެވެ.

މިމެޗްގައި  ހިތަދޫ ސްކޫލްޓީމުން ކާމިޔާބުކުރި ފުރަތަމަ ލަނޑު މެޗްގެ 24 ވަނަ މިނިޓްގައި ކާމިޔާބުކޮށްދީނީ ޝަރީފެވެ. ހިތަދޫ ސްކޫލުން މިލަނޑު ކާމިޔާބުކުރިތާ 6 މިނިޓް ފަހުން ޝަރަފުއްދީން ސްކޫލްގެ ޓީމުން މިމެޗްގައި ކާމިޔާބުކުރި 3 ވަނަ ލަނޑު 30 ވަނަ މިނިޓްގައި ކާމިޔާބުކޮށްދިނީ އަހުމަދު ޔުސްރެވެ.

ފުރަތަމަ ހާފް ނިމިގެން ގޮސްފައިވަނީ 3 ލަނޑު 1 ލަނޑުން ޝަރަފުއްދީން ސްކޫލް ކުރިހޯދައިގެންނެވެ.

ދެވަނަ ހާފްގެ ކުޅުން ފެށިގެން މެޗްގެ 38 ވަނަ މިނިޓާއި 47 ވަނަ މިނިޓްގައި ހިތަދޫ ސްކޫލްގެ   އައިމަން  ނަޒީރުވަނީ ހިތަދޫ ސްކޫލަށް ދެލަނޑު ކާމިޔާބުކޮށްދީ މެޗްގެ ނަތީޖާ 3 ލަނޑު 3 ލަނޑުން އެއްވަރުކޮށްދީފައެވެ.

މިމެޗްގައި ދެވަނަ ފަހަރަށް ޝަރަފުއްދީން ސްކޫލަށް ލީޑު ހޯދައިދިނީ މެޗްގެ 62 ވަނަ މިނިޓްގައި އަލީ ޝަނޫން ކާމިޔާބުކޮށްދިން ލަނޑުންނެވެ. އެހެން ނަމަވެސް މެޗްގެ އިތުރުވަގުތުގެ އެންމެ ފަހުމިނިޓްގައި ހިތަދޫ ސްކޫލްގެ މުހައްމަދު ޒަކުވާންވަނީ އެޓީމުގެ 4 ވަނަ ލަނޑު ކާމިޔާބުކޮށްދީ މެޗްގެ ނަތީޖާ ހަމަހަމަކޮށްދީފައެވެ.

އިއްޔެގެ މެޗާއެކު މިމުބާރާތުގެ 16 އަހަރުން ދަށުގައި މިހާތަނަށްވަނީ 6 މެޗް ކުޅެވިފައެވެ. 6 މެޗް ކުޅެވުނުއިރު 3 މެޗުން 5 ޕޮއިންޓް ހޯދައިގެން ޕޮއިންޓް ޓޭބަލްގެ 1 ވަނަ ލިބެނީ ޝަރަފުއްދީން ސްކޫލަށެވެ. ދެމެޗުން 4 ޕޮއިންޓާއި ފައިދާ 3 ގޯލާއެކު ދެވަނަ ލިބެނީ އަތޮޅުމަދަރުސާޓީމަށެވެ. 3 މެޗުން 4 ޕޮއިންޓް ލިބި ފައިދާ އެއްވެސް ގޯލެއް ނެތި ޕޮއިންޓް ޓޭބަލްގެ 3 ވަނަ ލިބެނީ ހިތަދޫ ސްކޫލަށެވެ.

އިރުޝާދިއްޔާ ސްކޫލްގެ ޓީމަށް 2 މެޗުން 3 ޕޮއިންޓް ލިބިފައިވާއިރު ފޭދޫ ސްކޫލް ކުޅުނު 2 މެޗުންވެސް ބަލިވެ އެޓީމަށް އަދި މިހާތަނަށް ޕޮއިންޓެއް ލިބިފައެއްނުވެއެވެ.

މިމުބާރާތުގެ ފައިނަލަށް ދެޓީމު ހޮވުމަށް ހަމަޖެހިފައިވަނީ ކޮންމެ ޓީމެއް ކޮންމެ ޓިމަކާ އެއްފަހަރު ބައްދަލުކުރުމަށްފަހު ޕޮއިންޓްގެ ގޮތުން އެންމެ މޮޅުވާ ދެޓީމް ފައިނަލަށް ހޮވޭ ގޮތަށެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އަތޮޅުމަދަރުސާ ބަލިކޮށް 14 އަހަރުން ދަށުގެ ޗެމްޕިއަންކަން ޝަރަފުއްދީން ހޯދައިފި

މަމެން އައްޑޫ އިންޓަރ ސްކޫލް ފުޓްބޯޅަ މުބާރާތުގެ 14 އަހަރުން ދަށުގެ ފައިނަލްމެޗްގެ  ފަހުހާފްގައި  މުހައްމަދު މާހީ އަބްދުﷲ ...

ބޮޑު ތަފާތަކުން ޓީމް ބާކީ ބަލިކޮށް ފޭދޫ އެފްސީ ސެމީއަށް

ސިޔާ ކަޕުގައި އިއްޔެ ޓީމު ބާކީ އަދި ފޭދޫ އެފްސީ ބައްދަލުކުރި މެޗު ބޮޑު ތަފާތަކުން ފޭދޫ އެފްސީ ...

ޕޮލިސްކަޕް 2019 : ސެމީފައިނަލްގެ މެޗްތައް މިރޭ ކުޅެވޭނެ

ފިތުރު އީދުގެ މުނާސަބާ ފާހަގަކުރުމުގެ ގޮތުން ހުޅުމީދޫ ޕޮލިސްއިން އިންތިޒާމްކޮށްގެން ޕޮލިސް ދަނޑުގައި އީދު ދުވަހުގެ ރެއިން ފެށިގެން ...

ޕްރެސް ކަޓުވާލުމުން ދަގަނޑޭ ގައުމީ ޓީމުން ބާކީކޮށްފި

އޭއެފްސީ ކަޕުގައި މާދަމާ ދިވެހި ރާއްޖެ އަމިއްލަ ދަނޑުގައި ބޫޓާނާ ކުޅޭ މެޗުގެ ކުރިން މިއަދު ބޭއްވި ޕްރެސްއަށް ...

ބާސެލޯނާ އިން ކޮޕާ ޑެލްރޭގެ ކުއާޓާ ފައިނަލުން ފުރުސަތު ހޯދައިފި

ކޮޕާޑެލްރޭ ފުޓްބޯޅަ މުބާރާތުގައި ބުރާސްފަތި ދުވަހުގެރޭ ކުޅުނު ދެވަނަ ލެގުގެ މެޗްގައި ލެވާންޓޭއާއި ބައްދަލުކުރިމެޗް  3 ލަނޑު 0 ...

ޝަމްސުއްދީން ސްކޫލްގެ ޖޫނިއަރ ކެޑޭޓުންގެ ތެރެއިން މަގާމުގެ ކުރިއެރުން ދެވުނު ކެޑޭޓުން

މަތީގައިވާ ފޮޓޯއާއި ތިރީގައިވާ  ފޮޓޯތަކުން ފެނިވަޑައިގަންނަވަނީ ޝަމްސުއްދީން ސްކޫލްގެ ޖޫނިއަރ ކެޑޭޓުންގެ ތެރެއިން މަގާމްގެ ކުރިއެރުން ލިބުނު ކެޑޭޓުންނާއި ...