އަތޮޅުމަދަރުސާ ބަލިކޮށް ޝަރަފުއްދީން ޗެމްޕިއަންކަން ހޯދައިފި

    އައްޑޫސިޓީ މައިލޯ އިންޓަރ ސްކޫލް ފުޓްބޯޅަ މުބާރާތުގެ 16 އަހަރުން ދަށުގެ ޗެމްޕިއަންކަން ޝަރަފުއްދީން ސްކޫލް ހޯދައިފިއެވެ.

    ޝަރަފުއްދީން ސްކޫލް ޗެމްޕިއަންކަން ހޯދީ އަތޮޅުމަދަރުސާގެ ޓީމާ ބައްދަލުކޮށް 2 ލަނޑު 1 ލަނޑުން މޮޅުވެގެންނެވެ.

    އާދީއްތަ ދުވަހު ހަވީރު ހިތަދޫ ސްޓޭޑިއަމްގައި ކުޅެވުނު ފައިނަލްމެޗްގައި ޝަރަފުއްދީން ސްކޫލަށް މެޗްގެ 9 ވަނަ މިނިޓްގައި ލީޑު ހޯދާދިނީ އެޓީމު ހުސެން ނާއިންއެވެ.

    އަތޮޅުމަދަރުސާގެ ޓީމަށް ނަތީޖާ ހަމަހަމަކޮށް ދިން ލަނޑު 34 ވަނަ މިނިޓްގައި ކާމިޔާބުކޮށްދިނީ  ސަހާފެވެ.

    މިމެޗްގެ ފުރަތަމަ ހާފް ނިމިގެންގޮސްފައިވަނީ 1 ލަނޑު 1 ލަނޑުން ދެޓީމް އެއްވަރުވެގެންނެވެ.

    ދެވަނަ ހާފްގެ ކުޅުން ފަށައިގެން އަތޮޅުމަދަރުސާގެ ޓީމަށް ޝަފަފުއްދީން ސްކޫލްޓީމްގެ ޕެނަލްޓީއޭރިޔާގެ ބޭރުން ލިބުނު ހިލޭ ޖެހުކަމަކުން އެޓީމުގެ ރަޔަން ލަނޑެއް ޖެހިނަމަވެސް އެލަނޑަކީ ލަނޑެއް ނޫންކަމަށް ރެފްރީ ނިންމި އެވެ.

    ރަޔަން ހިލޭ ޖެހުމުން ފޮނުވާލި މިބޯޅަ  ޝަރަފުއްދީން ގޯލްތެރެއަށް ވަދެފައިވަނީ ގޯލްއެރިއާގެ ތެރޭގެ ބިންމަތީގައި ޖެހި ގޯލްކީޕަރު އަތުގައިޖެހިފައެވެ. މިބޯޅަ ގޯލަށް ވަނުމުގައި  އެޓީމުގެ އެެހެން އެއްވެސް ކުޅުންތެރިއެއްގެ އެހީތެރިކަން ލިބިފައިނުވާއިރު ރެފްރީ އެއީ އޮފްސައިޑް ލަނޑެއްކަމަށް ނިންމި ނަމަވެސް އެއީ އޮފްސައިޑްވާނެ ލަނޑެއް ނޫންކަމަށް ބުނެ އަތޮޅުމަދަރުސާގެ ކުޅުންތެރީންނާއި އޮފިޝަލުންވެސް މައްސަލަ ޖައްސާފައިވެއެވެ.

    ” ރެފްރީންގެ ފަރާތުން އިންސާފުވެރި ނިންމުން ތަކެއް ފެންނާން އެބަޖެހޭ އެހެން ނޫނީ ކިހިނެއް ދާދި އެއްވަރުގެ ޓީމްތައް މިހެން ކުޅޭއިރު ކާމިޔާބު ހޯދާނީ ” އަތޮޅުމަދަރުސާޓީމްގެ އޮފިޝަލަކު ވީއޯއެމްއަށް މައުލޫމާތު ދެއްވަމުން ބުނެފައިވެއެވެ.

    ދެ ޓީމުގެ ގިނަ އަދަދެއްގެ ސަޕޯޓަރުންގެ ކުރިމަތީގައ ކުޅެވުނު ފޯރިގަދަ މިމެޗުން ޝަރަފުއްދީން ސްކޫލް މޮޅުކޮށްދިން ލަނޑު 59 ވަނަ މިނިޓްގައި ކާމިޔާބުކޮށްދީފައވަނީ އަހުމަދު ޔުސްރެވެ.

    ފައިނަލްމެޗްގެ ކުޅުން ނިމުމުން މުބާރާތުގެ ނަތީޖާ ފާޅުކޮށް އިނާމު ދިނުމުގެ ރަސްމިއްޔާތު ބޭއްވުނެވެ.

    މިމުބާރާތުގެ އެންމެ މޮޅު ދިހަކުޅުންތެރީންގެ ތެރޭގައި އަތޮޅުމަދަރުސާގެ 4 ކުޅުންތެރިއަކު ހިމެނިފައިވެއެވެ. އެއީ  ހަސަން ސަފާހު، މުހައްމަދު ޒާލިފް ޒާހިރު،  އަހުމަދު ހިޔާމް ޝާކިރު  އަދި މުހައްމަދު ރަޔާން މުސްއަދު މަންސޫރު، އެވެ.

    މީގެ އިތުރަށް މިމުބާރާތުގެ އެންމެ މޮޅު ދިހަކުޅުންތެރީންގެ ތެރޭގައި ހިމެނިފައިވަނީ ހިތަދޫ ސްކޫލްގެ އީމާން ނަޒިރު، ޝާޝް ޝަރީފް، އައިމަން ނަޒީރު، އިރުޝާދިއްޔާ ސްކޫލްގެ އިސްމާއިލް ސިއަން ފަތުހީ، ފޭދޫ ސްކޫލްގެ އަހްމަދު ޒައުލް ނާޒިމް، ޝަރަފުއްދީން ސްކޫލްގެ އަހްމަދު ޔުސްރު، އަދި މުހައްމަދު ޒަކުވާން ޝާކިރެވެ.

    މިމުބާރާތުގެ 16 އަހަރުން ދަށުގެ އެންމެ ގިނަ އެންމެ ގިނަ ގޯލު ޖެހި ކުޅުންތެރިޔާއަށާ ފެއާ ޕްލޭ ކުޅުންތެރިޔާއަށް ހޮވިފައިވަނީވެސް އަތޮޅުމަދަރުސާގެ ހަސަން ސަފާހެވެ.

    • ކޮމެންޓްސް

    Your email address will not be published. Required fields are marked *

    • ފުރިހަމަ ނަން

    އިޝްތިހާރު

    ads

    ކަމުދާނެ ލިޔުންތައް

    އަތޮޅުމަދަރުސާ އަދި ޝަރަފުއްދީން ގެ ކުރިމަތިލުން ހަމަމަ ނިމުމެއް

    އައްޑޫސިޓީގެ ސްކޫލްތަކުގެ މެދުގައި ބޭއްވޭ މައިލޯ އިންޓަރ ސްކޫލް ފުޓްބޯޅަ މުބާރާތުގެ 16 އަހަރުން ދަށުގެ މެޗްތައް މިއަދު ...

    ގައުމީ ބީޗް ވޮލީޓީމް ތައިލެންޑަށް ދިއުމަށް ފުރައިފި

    ތައިލެންޑުގައި މިމަހުގެ 14 ވަނަދުވަހު ފަށާ އޭވީސީ ބީޗްބޯލް މުބާރާތުގައި ރާއްޖެއިން ބައިވެރިވާ ގައުމީ ބީޗްވޮލީބޯޅަ ޓީމުގެ ދެ ...

    ވޮލީބޯޅަ ކަލަންޑަރު އެކުލަވާލައިފި

    އިންޓަރނޭޝަނަލް ނުވަ މުބާރާތާއެކު މިއަހަރުގެ ވޮލީބޯޅަ ކަލަންޑަރު އެކުލަވާލައިފިއެވެ. އިންޓަރނޭޝަނަލް މުބާރާތްތަކުގެ ތެރޭގައި މާރޗްމަހު ރާއްޖޭގައި ބާއްވާ 19 ...

    “އައްޑޫ މެރަތަން” ގައި ބައިވެރިވާނަންތަ؟ މި އޮތީ ފުރުސަތު ހުޅުވާލާފަ.

    “އައިރަނާސް” އިން އިންތިޒާމް ކުރާ އައްޑޫ މެރަތަން އަށް ރަޖިސްޓްރީ ވުމުގެ ފުރުސަތު މިހާރުވަނީ ހުޅުވާލައިފިއެވެ. މިއަހަރުގެ ޖޫންމަހު ...

    މިނިވަން ކަޕް ފުޓްސަލް 2018 މިއަދު ހަވީރު ފަށައިފި- ފުރަތަމަމެޗް ކާމިޔާބުކުރީ ތައްލިހި އެފްސީ

    މިނިވަން ކަޕް ފުޓްސަލް 2018 މިއަދު ހަވީރު ފަށައިފިއެވެ. މިމުބާރާތް ފެށުމުގެ ގޮތުން މިއަދު ހަވީރު ހުޅުދޫ ފުޓްސަލް ...

    އާސެނަލް ބަލިކޮށް ޔޫރަޕާ ލީގުގެ ފައިނަލަށް އެތުލެޓިކޯ ދަތުރުކޮށްފި

    އާސެނަލް 1 ލަނޑު 0 ލަނޑުން ބަލިކޮށް ޔޫރަޕާ ލީގުގެ ފައިނަލަށް އެތްލެޓިކޯ  މެޑްރިޑް ދަތުރުކޮށްފިއެވެ. ސެމީފައިނަލްގެ ފުރަތަމަ ...