• Categories
  • Archives

ނަޝީދު ރާއްޖެ ވަޑައިގެންފިނަމަ، ހުކުމް ތަންފީޒުކުރަންޖެހޭނެ: ހޯމް މިނިސްޓަރ

ރިޔާސީ އިންތިޚާބުގައި ވާދަކޮށްގެން ޖަލު ހުކުމުން ބަރީއަވާކަމަށްވާނަމަ، ޖަލުގައި ތިބި ހުރިހާ ގައިދީންނަށް ވެސް އިންތިޚާބުގައި ވާދަކުރެވެންޖެހޭނެ ކަމަށް ހޯމް މިނިސްޓަރ އަޒުލީން އަހުމަދު ވިދާޅުވެއްޖެއެވެ.

ޗެނަލް ތާޓީންނަށް މައުލޫމާތު ދެއްވަމުން ހޯމް މިނިސްޓަރ އަޒުލީން އަހުމަދު ވިދާޅުވީ ކުރީގެ ރައީސް މުހައްމަދު ނަޝީދަކީ ޝަރުއީ ކޯޓަކުން ތޭރަ އަހަރުގެ ޖަލު ހުކުމެއް އިއްވާފައިވާ ބޭފުޅެއް ކަމަށާއި، ރާއްޖޭގެ ގާނޫނުތައް ބުނާ ގޮތުން ގައިދީއަކަށް ވެރިކަމަށް ވަޑައިގަނެވޭނެ ހަމައެކަނި ގޮތަކީ ހުކުމް ތަންފީޒުކޮށް ނިމުނުތާ ތިން އަހަރު ފުރިހަމަ ކުރުން ކަމަށެވެ. އެހެންކަމުން ނަޝީދު އިންތިޚާބުގައި ވާދަކޮށްގެން ހުކުމުން ބަރީއަވާނަމަ، ޖަލުގައި މިހާރު ހުކުމް ތަންފީޒުކުރަމުންދާ ހުރިހާ އެންމެންނަށް ވެސް ރިޔާސީ އިންތިޚާބުގައި ވާދަ ކުރެވެންޖެހޭނެ ކަމަށް މިނިސްޓަރ އަޒުލީން ވިދާޅުވިއެވެ.

މިނިސްޓަރ ވިދާޅުވީ އެއްވެސް ގައިދީއެއްގެ ކެންޑިޑެންސީ އިލެކްޝަންސް ކޮމިޝަނުން ގަބޫލު ނުކުރާނެ ކަމަށާއި، އަދި ވަކި ދުވަސްވަރެއްގައި ވެރިކަން ކުރެއްވި ބޭފުޅަކަށް ވިޔަސް ނަޝީދަށް ވަކި އިމްތިޔާޒުތަކެއް ލިބިގެން ނުވާކަމަށެވެ.

މިނިސްޓަރ ވިދާޅުވީ ރާއްޖޭގެ ވެރިކަމަށް ވަޑައިގަންނަވާ ބޭފުޅަކު ރާއްޖޭގެ ގާނޫނުތަކާއި ގަވާއިދުތަކަށް އިހުތިރާމް ކުރައްވަން ޖެހޭނެ ކަމަށާއި، ނަޝީދަކީ ގާނޫނަކުން ބާވެފައި ހުންނެވި ބޭފުޅެއް ކަމަށެވެ. އަދި ރިޔާސީ އިންތިޚާބަށް ވިޔަސް އަދި އެނޫން ގޮތަކުން ކަމުގައި ވިޔަސް ނަޝީދު ރާއްޖެ ވަޑައިގެންފި ނަމަ ތޭރަ އަހަރުގެ ޖަލު ހުކުމް ތަންފީޒުކުރަންޖެހޭނެ ކަމަށް ވެސް މިނިސްޓަރ ވިދާޅުވިއެވެ.

އަދި މީގެއިތުރުން މިނިސްޓަރ އަޒުލީން ވިދާޅުވީ ނަޝީދު ގަދަކަމުން ކޮންޓްރޯލަކުރާ ޕާޓީއެއްގެ އެތެރޭގެ އިންތިޚާބުތަކުގައި ވާދަކުރެއްވިޔަސް، ރާއްޖޭގައި ބާއްވާ ރިޔާސީ އިންތިޚާބުގައި ވާދަ ކުރެއްވޭނީ ޖަލު ހުކުމް ތަންފީޒުކޮށް ނިމި، ތިން އަހަރު ފަހުން ކަމަށެވެ. އެހެންކަމުން އިންތިޚާބުގައި ވާދަކުރައްވަން ނަޝީދު މަސައްކަތް ކުރައްވަނީ އިދިކޮޅު ފަރާތްތަކަށް ކެހި ދިނުމުގެ ގޮތުން ކަމަށް ވެސް ހޯމްމިނިސްޓަރ އަޒުލީން ވިދާޅުވިއެވެ.

މަސްދަރު: ޗެނަލް 13

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

“ދަރުމަވަންތަ ހޮސްޕިޓަލް އަންނައަހަރު ކުރީކޮޅު ހުޅުވޭވަރުވާނެ އަދި އައްޑޫގައި ޤާއިމުކުރާ ޓަރޝަރީ ހޮސްޕިޓަލް އަންނަ ޑިސެމްބަރ މަހާހަމައަށް ނިންމޭނެ”

މިހާރުކުރިއަށްދާ މަސައްކަތްތަކަށް ބުރޫނާރައި ކުރިއަށްގެންގޮސްފިނަމަ ދަރުމަވަންތަ ހޮސްޕިޓަލް މިއަންނަ އަހަރުގެ ކުރީކޮޅު ހުޅުވޭވަރު ވާނެކަމަށާ އަދި އައްޑޫގައި ޤާއިމުކުރާ ...

އިގްތިސާދު ނުތަނަވަސް ކަމެއްގެ ތެރެއަށް ވައްޓާލަންކުރާ މަސައްކަތް ކާމިޔާބު ނުވާނެ : ސައީދު

އިދިކޮޅު ފަރާތްތަކުން ޤައުމު ހަލަބޮލިކޮށް އިޤްތިޞާދު ނުތަނަވަސްކަމެއްގެ ތެރެއަށް ވައްޓާލުމަށް މަސައްކަތްކުރަމުންދިޔަނަމަވެސް ރާއްޖޭގެ އިޤްތިޞާދު އޮތީ ވަރަށް ރަނގަޅު ...

ފެނަކައަށް 7 އަހަރު ފުރުމުގެ މުނާސަބަތުގައި ދިދަ ނެގުމުގެ ރަސްމިއްޔާތެއް ބާއްވައިފި

ފެނަކަ ކޯޕަރޭޝަން ލިމިޓެޑަށް 7 އަހަރު ފުރުމުގެ މުނާސަބަތުގައި ދިދަ ނެގުމުގެ ޚާއްޞަ ރަސްމިއްޔާތެއް ފެނަކަ ހުރިހާ ބްރާންޗެއްގައި ...

ޚިޔާލު ތަފާތުވާ ކޮންމެ ފަހަރަކު ބޭރުގެ ބައެއްގެ ދޮރުގައި ޓަކި ޖެހުމަކީ ސިމްޕަލް ކަމެއް ނޫން – ޢާޒިމާ

އަޅުގަނޑުމެން ދިވެހި ރައްޔިތުން ސިޔާސީ ގޮތުން ހިތްހަމަނުޖެހޭ ކޮންމެ ފަހަރަކު ބޭރު ބައެއްގެ ދޮރުގައި ޓަކި ޖެހީމަކީ ސިމްޕަލްކަމެއް ...

އިއްތިހާދުގައި ނުހިމެނޭ ޕާޓީތަކުގެ މެމްބަރުންނަށް މަޖިލިހުގެ ގޮޑިއެއް ކާމިޔާބު ނުވާނެ- ރައީސް ނަޝީދު

  މިހާރު ރާއްޖޭގައި އޮތީ އިއްތިހާދެއްގެ ސަރުކާރެއްކަމަށާ އިއްތިހާދުގައި ނުހިމެނޭ ޕާޓީތަކުގެ މެމްބަރުންނަށް މަޖިލިހުގެ ގޮޑިއެއް ކާމިޔާބު ނުވާނެކަމަށް ...

ޝަމްސުއްދީން ސްކޫލުގައި ބޭއްވި ކެޑޭޓް ކޭމްޕު ނިންމާލައިފި

ޝަމްސުއްދީން ސްކޫލްގެ 3 ވަނަ ކެޑޭޓް ކޭމްޕު ނިމި ބައިވެރިންނަށް ހަނދާނީ ލިޔުން ހަވާލުކޮށްފިއެވެ. ޝަމްސުއްދީން ސްކޫލް ހޯލުގައި ...