• Categories
  • Archives

އިދިކޮޅު ސިޔާސީ ލީޑަރުންނަށް ކޮރަޕްޝަންގެ ވާހަކަ ނުދެއްކޭނެ – ރައީސް

އިދިކޮޅު ސިޔާސީ ލީޑަރުންނަށް ކޮރަޕްޝަންގެ ވާހަކަ ނުދެއްކޭނެ ކަމަށާއި އެބޭފުޅުންނަށް އެވާހަކަ ދެއްކޭނަމަ ރާއްޖަށް ދިމާވި ކޮރަޕްޝަންގެ އެންމެ ބޮޑެތި މައްސަލަތަށް މިހާތަނަށް ހުންނަންވާނީ ބެލިފައިކަމަށް ރައިސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ވިދާޅުވެއްޖެއެވެ.

ރަައީސް ޔާމީން މިހެން ވިދާޅުވީ، ޕީޕީއެމުން “ހެސްކިޔާފަ” މިނަމުގައި ހުކުރު ދުވަހުގެރޭ މާލޭގައި ބޭއްވި ޖަލްސާގައި ވާހަކަފުޅުދައްކަވަމުންނެވެ.

މިޖަލްސާގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ވިދާޅުވީ ފަހުގެ ތާރީޚުގައި އެންމެ ބޮޑަށް ދެކެވޭ ދެ ވާހަކައަކީ ޑިމޮކްރަސީގެ ވާހަކައާއި ކޮރަޕްޝަންގެ ވާހަކަ ކަމަށެވެ. އެގޮތުން އިދިކޮޅުގައި ކޮރަޕްޝަންގެ ވާހަކަދެއްކޭނެ އެއްވެސް ލީޑަރަކު ނެތްކަމަށާއި، ސިޔާސީ ލީޑަރުންނަށް ކޮރަޕްޝަންގެ ވާހަކަދެއްކޭނަމަ ރާއްޖެއަށް ދިމާވި ކޮރަޕްޝަންގެ އެންމެ ބޮޑެތި މައްސަލަތައް ހުންނަންވާނީ ބެލެވިފައިކަމަށެވެ.

ހަމަމިއާއެކު އެމައްސަލަތައް ބަލާ އެޅި ފިޔަވަޅުތަކުގެ ސަބަބުން އިތުރަށް ކޮރަޕްޝަން ނުހިންގޭ މިންވަރަށް ކަންކަން ހުންނަންޖެހޭނީ ތަންފީޒްކުރެވިފައިކަން ރައީސް ފާހަގަކުރެއްވިއެވެ.

މީގެ އިތުރުން ރައީސް ވިދާޅުވީ ކޮރަޕްޝަންގެ އެންމެ ބޮޑެތި މައްސަލަތަކުގައި ހިމެނޭ މީހުން މިއަދު އެއްގަލަށް އަރައިގެން ސަރުކާރަށް ދަތިކުރާ ހިސާބަށް ދިއުމުން މިއީ ސަރުކާރުގެ މައްސަލައެއް ނޫންކަމަށް އެނގޭކަމަށާއި، މިއީ އުސޫލްތައް ތަންފީޒުކުރަން އުޅޭތީ އުޅޭ މައްސަލައެއްކަން ޔަޤީންވެއްޖެކަމަށެވެ.

އަދި މީގެ އިތުރަށް ރައީސް ޔާމީން ވިދަޅުވީ މުޅި ރާއްޖޭގެ ހިންގުމުގެ ނިޒާމާއި އަދުލްއިންސާފުގެ ނިޒާމާއި އަދި އެހެން ނިޒާމްތައްވެސް ހަރާބުކުރީ ފައިސާގެ ކޮރަޕްޝަންގެ ނުފޫޒުން ކަމަށެވެ.

“އެކަމުގައި ފައިސާ ހިމެނިފައިވަނީ ކިހާވަރަކަށްތޯ، ވެރިކަމެއް ބަދަލުކުރުމަށް ފައިސާ ހިމަނާފައިވަނީ ކިހާރަކަށްތޯ؟ އެހެންކަމުން މިބޭފުޅުން ކިހިނެއްތޯ ކޮރަޕްޝަންގެ ވާހަކަ ދައްކާނީ. ރާއްޖޭގައި އިދި ކޮޅު ފަރާތްތަކަކުން  އެންމެ ބޮޑަށް ދައްކާ ވާހަކައަކީ ޑިމޮކްރަސީއާއި ކޮރަޕްޝަންގެ ވާހަކަ. އެ ބޭފުޅުންނަށް ނެތް އެ ދެވާހަކަ ދެއްކޭކަށް.” ރައީސް ވިދާޅުވިއެވެ.

ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމްގެ ވާހަކަފުޅުގައި، އިދިކޮޅު ފަރާތްތަކުގެ ވާހަކަތަކަށް ރައްދު ދެއްވަމުން ވިދާޅުވީ، އިދިކޮޅު ސިޔާސީ ފަރާތްތަކުން އިސްލާހުގެ ނަމުގައި ފެއްޓެވި މަސައްކަތުގައި އިސްލާޙުގެ އެއްވެސް ކަމެއް ނުފެންނަކަމަށެވެ. އެހެން ކަމުން އެފަރާތްތަކުން އިސްލާޙު ގެންނަން ބޭނުންވާ ކަމަކީ ކޮބައިތޯ ރައީސް ސުވާލުކުރެއްވިއެވެ. މީގެ އިތުރުން ރައީސް ޔާމީން ވަނީ އެމަނިކުފާނުގެ ސަރުކާރުގައި މުޅި ރާއްޖޭގެ ޗާޓާއި، މާލޭގެ މަލަމަތި ބަދަލުކޮށް، ރަށްރަށް ވަރަށް ބޮޑަށް ތަރައްޤީ ކޮށްފައިވާކަން ފާހަގަ ކުރެއްވިއެވެ. މީގެ ސަބަބުން ރައްޔިތުންގެ ވިސްނުމާ ފިކުރު ބަދަލުވެ އުއްމީދު ކުރާ ބަޔަކަށް ރައްޔިތުންވެއްޖެކަމަށް ރައީސް ވިދާޅުވިއެވެ.

“އެންމެ ފުރަތަމަ ޤައުމު ވިދާޅުވެވޭތޯ އިދިކޮޅުގައި ތިއްބެވި އެންމެ ލީޑަރަކަށްވެސް. ކޮންމެ ލީޑަރަކުވެސް ހުންނެވީ ޤާނޫނީ ހުކުމެއް އައިސްފަ. ހުކުމުން ބަރީޢަވާން ރާއްޖޭއިން ބޭރުގައި ތިއްބަވައިގެން މިވާހަކަދައްކަވަނީ. އެންކަމުން ކޮބައިތޯ އެންމެ ފުރަތަމަ ޤައުމު؟ ނިޒާމްގައި ކޮބައިތޯ ޑިމޮކްރަސީ؟ ޑިމޮކްރަސީގެ އުސޫލްތަކާ އެއްކޮށް އުޅެން ބޭނުންނުވާ މީހުން ހައްތަހާވެސް ތިބީ. ހައްތަހާވެސް އެމީހުންގެ މައްޗަށް އަންނަކަންކަމުން އިސްތިސްނާ ބޭނުންވާ މީހުން ތިއްބެވީ. އެހެންކަމުން މިމީހުން ކިހިނެއްތޯ އެހެން މީހުންކުރިމަތީ ހަމަހަމަކަން ޤާއިމްކޮށްދެވޭނީ.” ރައީސް ވިދާޅުވިއެވެ.

ރާއްޖެއަކީ އޯގާތެރި މުޖުތަމައެއް އޮންނަންޖެހޭ ތަނަކަށްވާއިރު މީހުންގެ ލޭ އޮހޮރުވިއިރު މި މުޖުތަމަޢު އެކަމުން ސަލާމަތްކޮށްދިނީ ކޮން ލީޑަރެއްތޯ ސުވާލު ކުަރައްވަމުން ރައީސް ވަނީ މަރުގެ ހުކުމް ތަންފީޒްކުރައްވާނެކަމަށް މީގެ ކުރިން ވިދާޅުވެފައިވާ ބަސްފުޅަށް ބާރުލިބޭގޮތަށް ވާހަކަދައްކަވާފައެވެ. އެގޮތުން މަރުގެ ހުކުމްތަންފީޒުކުމާއި ގުޅޭގޮތުން އެކުލަވާލާފައިވާ ޤާވާއިދުގައި އެކަން ބަޔާންކޮށްފައިވާކަން ފާހަގަކުރެއްވިއެވެ.

“ހެސްކިޔާފައި” މިނަމުގައި ޕީޕީއެމުން ބޭއްވި ޖަލްސާގައި ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމްގެ ދެކަނބަނލުންގެ އިތުރުން ވަޒީރުންންނާއި ރައްޔިތުންގެ މަޖިލީހުގެ މެންމަބަރުންނާއި ޕީޕީއެމްގެ ގިނަ އަދަދެއްގެ ސަޕޯޓަރުން ބައިވެރިވިއެވެ.

މަސްދަރު: ޕީއެސްއެމް

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

މިއަހަރުގެ އަރތް އަވާ ފާހާގަ ކުރުމުގެ ހަރަކާތް އައްޑޫސިޓީގައި ބާއްވަނީ

ކޮންމެ އަހަރަކުވެސް މުޅި ދުނިޔޭގައި އަރތް އަވާގެ ގޮތުގައި ފާހަގަކުރަމުންގެންދާ ހަރަކާތް މިއަހަރުވެސް ރާއްޖޭގައި ކުލަގަދަކޮށް ފާހަގަކުރުމަށް ހަމަޖެހިފައިވާއިރު، ...

އަލިފާން ރޯވެ ހިތަދޫ ފިހާރައެއް ބޭނުން ނުކުރެވޭވަރަށް އަނދައިފި

އައްޑޫ ސިޓީ ހިތަދޫގައި ހުންނަ ފިހާރައެއްގައި ރޭ ހިނގި އަލިފާނުގެ ހާދިސާއެއްގައި ފިހާރަ ބޭނުން ނުކުރެވޭ ވަރަށް އަނދައިފިއެވެ. ...

އައްޑޫ ސިޓީ ގަމުން ދަތުރުކުރާ މީހުންނަށް ސްރީލަންކަންގެ “މީލް ޕްރީ-އޯޑަރ”

އަންނަ ނޮވެމްބަރު މަހުގެ 1 ވަނަ ދުވަހުން ފެށިގެން އައްޑޫ ސިޓީ ގަމުން ދަތުރުކުރާ ފަރާތްތަކަށް އެމީހަކު ބޭނުން ...

ދުބާއީގައި މަސްތުވާތަކެއްޗާއެކު ދިވެއްސަކު ހައްޔަރުކޮށްފި

ރާއްޖޭ ފުލުހުންނާއި ދުބާއީ ފުލުހުން ގުޅިގެން ހިންގި އޮޕަރޭޝަނެއްގައި ދިވެއްސަކު ހައްޔަރުކޮށްފިއެވެ. މޯލްޑިވްސް ޕޮލިސް ސަރވިސްއިން ބުނީ، ދުބާއީ ...

ޝަމްސުއްދީން ސްކޫލްގެ 36 ވަނަ ގުރުއާން މުބާރާތް: އެއްވަނަ ދަރިވަރަކަށް އާއިޝަތު އީޝާ އަސްލަމް

ޝަމްސުއްދީން ސްކޫލުން ބޭއްވި އެސްކޫލްގެ 36 ވަނަ ގުރުއާން މުބާރާތުގެ  އެއްވަނަ ދަރިވަރަކަށް އެސްކޫލްގެ ގްރޭޑް 5 ބީގެ ...

ކާޅު ހަދާނީ ހާލި، ކޮވެލި އަޅާނީ ބިސް – ރައީސް ޔާމީން

ކާޅު ހަދާނީ ހާލި ކަމަށާއި އެޔަށް ބިސް އަޅާނީ ކޮވެލި ކަމަށް ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ޤައްޔޫމް ...