• Categories
  • Archives

މޯލްޑިވިއަން އައިޑަލް ސީޒަން ތިނެއްގެ ޓައިޓަލް އަޒަލް ކާމިޔާބުކޮށްފި

މޯލްޑިވިއަން އައިޑަލް ސީޒަން ތިނެއްގެ ޓައިޓަލް އައިޝަތު އަޒަލް ޢަލީ ޒާހިރު ޙާސިލްކޮށްފިއެވެ.

މޯލްޑިވިއަން އައިޑަލްގެ މިފަހަރުގެ ސީޒަންގެ ޓައިޓަލް ކާމިޔާބުކުރި ފަރާތް އިޢުލާންކޮށްފައިވަނީ މިރޭ ބޭއްވި ގްރޭންޑް ފިނާލޭގައެވެ. އަޒަލްއަށް ސީޒަން 3 ގެ އެވޯޑް ހަވާލުކޮށްދެއްވާފައިވަނީ ރައީސުލްޖުމްހޫރިއްޔާގެ އަނބިކަނބަލުން ފާތުމަތު އިބްރާހީމެވެ.

ކުރީގެ 2 ސީޒަނާއި ޚިލާފަށް މިފަހަރުގެ ސީޒަންގެ ގްރޭންޑް ފިނާލޭގައި ފައިނަލިސްޓުންގެ ގޮތުގައި 5 ބައިވެރިއަކު ވާދަކޮށްފައިވާއިރު، ސީޒަން ތިނެއްގެ 2 ވަނަ ހާސިލުކޮށްފައިވަނީ އައިމިނަތު ސައިނާ މުޙައްމަދު ރަޝީދެވެ. އަދި 3 ވަނަ ލިބުނީ މަރިޔަމް މައިޝާއަށެވެ.

އައިޑަލްގެ މިފަހަރުގެ ސީޒަން އަޒަލް ކާމިޔާބުކޮށްފައިވާއިރު، އަޒަލް އަކީ ފާއިތުވި 2 ސީޒަންގައިވެސް ނާކާމިޔާބީއާ ކުރިމަތިލާންޖެހުނު ބައިވެރިއެކެވެ. ނަމަވެސް ހިތްވަރާއެކު މަސައްކަތްކޮށްފިނަމަ ކާމިޔާބީއަކީ ދުރުގާވާ އެއްޗެއް ނޫންކަން އަޒަލް މިވަނީ ސާބިތުކޮށްދީފައެވެ.

އައިޑަލް ސީޒަން 3 ގެ އެއްވަނަ، ދެވަނަ އަދި ތިންވަނަ ކަނޑައަޅާފައިވަނީ ގާލާ ރައުންޑުގެ އެންމެ ފަހު ޝޯވއާއި ގްރޭންޑް ފިނާލޭގެ ޕަރފޯމަންސް ޝޯވގައި ބައިވެރިންނަށް ޖަޖުންގެ ފަރާތުން ލިބުނު މާކްސްއާއި ބެލުންތެރިންގެ ފަރާތުން ލިބުނު އެސް.އެމް.އެސް އެއްކޮށްލުމަށްފަހު އެންމެ މަތިން ޕޮއިންޓު ލިބުނު ތަރުތީބުންނެވެ. އައިޑަލް ސީޒަން ތިނެއްގެ ޓައިޓަލް ކާމިޔާބުކުރި އަޒަލްއަށް އިނާމެއްގެގޮތުގައި 2 ލައްކަ 50 ހާސް ރުފިޔާގެ ފައިސާގެ އިނާމް ޕީ.އެސް.އެމުން ވަނީ ހުށައަޅާފައެވެ. އަދި މެލޭޝިއާގެ ލިމްކޮކް ވިންގް ޔުނިވަރސިޓީގެ ކަލްޗަރަލް ފެސްޓިވަލްގައި ޕަރފޯމްކުރުމުގެ ފުރުޞަތުވެސް ދީފައިވެއެވެ.

ފްރެންޗައިޒް އުސޫލުން ރާއްޖޭގައި ބާއްވާ އެންމެ ކާމިޔާބު ރިއަލިޓީ ޝޯވ މޯލްޑިވިއަން އައިޑަލް ސީޒަން ތިނެއް ބެލުންތެރިންނާއި ހަމައަށް ގެނެސްދީފައިވަނީ ބޮޑެތި ބަދަލުތަކަކާއެކު. އެގޮތުން ޝޯވގެ ޖަޖުންގެ އަދަދު 4 އަކަށް އިތުރުކުރުމުގެ އިތުރުން، ގޯލްޑަން މައިކެއް ވަނީ ތަޢާރަފުކޮށްފައެވެ. ވާދަވެރި ޝޯވތަކަށްފަހު އައިޑަލްގެ ގަދަ 3 އިޢުލާން ކުރަން ބޭއްވި ގާލާ ރައުންޑުގެ އެންމެފަހު ޝޯވވެސް ނިމިގެންދިޔައީ ގިނަ ބަޔަކު ހީކުރި ގޮތާއި ޚިލާފަށް، ގަދަ 5 ބައިވެރިންވެސް އައިޑަލްގެ ގްރޭންޑް ފިނާލޭގައި ވާދަކުރާގޮތަށެވެ. މިއީ މޯލްޑިވިއަން އައިޑަލްގެ ތާރީޚުގައި ގްރޭންޑް ފިނާލޭގައި 5 ބައިވެރިއަކު ވާދަކުރި ފަހަރެވެ. މި 5 ބައިވެރިންގެ ތެރެއިން ގަދަ 3 އިން ޖާގަ ހޯދާފައިވަނީ 3 އަންހެން ބައިވެރިންނެވެ. މިއީވެސް އައިޑަލްގެ ތާރީޚުގައި ފާހަގަކޮށްލެވޭ ކަމެކެވެ. ސަބަބަކީ މިއީ އައިޑަލްގެ ގަދަ 3 ގެ ޖާގަ ހުސް އަންހެން ބައިވެރިންތަކެއް ކަށަވަރުކުރި ފުރަތަމަ ފަހަރު ކަމަށްވާތީއެވެ.

މޯލްޑިވިއަން އައިޑަލް ސީޒަން ތިނެއްގެ ގްރޭންޑް ފިނާލޭ ޝޯވގައި ރާއްޖޭގެ ފުރަތަމަ އައިޑަލް ލައިޝާ ޖުނައިދާއި، ސީޒަން ދޭއް ކާމިޔާބުކުރި މުޙައްމަދު ތަސްނީމްގެ އިތުރުން ރާއްޖޭގެ ބައެއް ނަން މަޝްހޫރު ބޭންޑްތަކާއި އާޓިސްޓުންގެ ހިތްގައިމު ހުށައެޅުންތަކެއް ވަނީ ފެނިގެންގޮސްފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

މޯލްޑިވިއަން އައިޑަލްގެ ތިންވަނަ ސީޒަން ރޭ ޕްރިމިއަރކޮށްފި

މޯލްޑިވިއަން އައިޑަލް ތިންވަނަ ސީޒަން ރޭ ޕްރިމިއާކޮށްފިއެވެ. މޯލްޑިވިއަން އައިޑަލް ސީޒަން ތިނެއްގެ ޝޯވތަކުގެ ތެރެއިން ރޭ ދައްކާފައިވަނީ ...

ގިނަ އެވޯޑްތައް ‘ތްރީ ބިލްބޯޑްސް އައުޓްސައިޑް އެބިން މިސޫރީ’ އަށް

ގޯލްޑަން ގްލޯބްސްގެ ގިނަ އެވޯޑްތައް ‘ތްރީ ބިލްބޯޑްސް އައުޓްސައިޑް އެބިން މިސޫރީ’ އަށް   އެންމެ މޮޅު ފިލްމް ...

ޝަހުދާން ކަޓައި، މުބާރާތުގެ ގަދަ ފަސް ބައިވެރިން ކަށަވަރުވެއްޖެ

ފަނޑިޔާރުންގެ 50 އިންސައްތަ މާކްސް އާއި ބެލުންތެރިންގެ 50 އިންސައްތަ ވޯޓާއެކު ނަތީޖާ ކަނޑައަޅާ ގޮތަށް މިހާރު ކުރިއަށްދާ ...

ކަފާލާތުގެ ދަށުން ސަލްމާން ދޫކޮށްލައިފި

 ފުއްލާ އެއް މަރާލި މައްސަލައެއްގައި ސަލްމާން ޚާންގެ މައްޗަށް އިއްވާފައިވާ 5 އަހަރު ދުވަހުގެ  ޖަލު ހުކުމުގެ މައްސަލާގައި ސަލްމާން ...

ސްޓަރ ސްކްރީން އެވޯޑް: އެންމެ މޮޅު އެކްޓަރ : ރަންވީރު – އެންމެ މޮޅު އެކްޓްރެސް: އާލިއާ

ކޮންމެ އަހަރަކުވެސް ބާއްވާ ސްޓާ ސްކްރީން އެވޯޑް މިއަހަރުވެސް ބާއްވައިފިއެވެ. މުމްބާއީގައި އާދީއްތަ ދުވަހު ބޭއްވުނު ސްޓާ ސްކްރީން ...

ރިތިކްގެ “ސުޕަރ 30”

ފިލްމު ސުޕަރ 30 އަކީ ޕަޓްނާގެ ސްކޮލަރ އާނަންދް ކުމާރްގެ ހަޔާތުގެ މައްޗަށް ތައްޔާރު ކޮށްފައިވާ ފިލްމެކެވެ. އާނަންދް ...