• Categories
  • Archives

އަދަށްވުރެން ފެހި މާދަމާއެއް ނުދެއްކެވޭނެ ބަޔަކަށް ވެރިކަމެއް ނުކުރެވޭނެ- ނާޒިމް

ދިވެހި ރައްޔިތުންނަށް އަދަށްވުރެން ފެހި މާދަމާއެއް ނުދެއްކެވޭނެ ބަޔަކު، ރައްޔިތުން ކައިރިއަށް ވޯޓު ހޯދަން ދިއުމުގެ ޚިޔާލު ނުގެންގުޅުމަށް ހެލްތް މިނިސްޓަރ އަބްދުﷲ ނާޒިމް ގޮވާލައްވައިފިއެވެ.

ޕީޕީއެމް އިން ކާނިވާ ސަރަހައްދުގައި ހެސްކިޔާފަ، މިނަމުގައި ހުކުރު ދުވަހުގެރޭ ބޭއްވި ޖަލްސާގައި ވާހަކަ ދައްކަވަމުން ހެލްތް މިނިސްޓަރ އަބްދުﷲ ނާޒިމް ވިދާޅުވީ ރައީސް ޔާމީންގެ ލީޑަރޝިޕުން އަޅުގަނޑުމެންނަށް ދަސްވި އެންމެ މުހިއްމު އެއް ފިލާވަޅަކީ ސިޔާސީ މަސައްކަތް ކުރަނީ ޤައުމު ބިނާ ކުރުމަށް ކުރާ މަސައްކަތެއްގެ ގޮތުގައި ކަމަށެވެ. އަދި އޭގެބަދަލުގައި އިދިކޮޅުގައި އުޅުއްވާ ސިޔާސީ ލީޑަރުން ކުރެއްވި ކަމަކީ ރާއްޖޭގައި ކުޑަ ވަގުތު ކޮޅެއްގެ ތެރޭގައި ބޮޑު ހުޅުޖަހާ ގިނަ އިމާރާތްތަކެއް އަންދާލުން ކަމަށް ވިދާޅުވިއެވެ.

މިނިސްޓަރ ނާޒިމް ވިދާޅުވީ ދިވެހި މައި ދޮރާށި ވިއްކާލި ހަމައެކަނި ސަރުކާރަކީ ކުރީގެ ރައީސް ނަޝީދުގެ ސަރުކާރު ކަމަށާ، ދިވެހި ރައްޔިތުންނަށް އަދަށްވުރެ، ފެހި މާދަމާއެއް ނުދެއްކޭނެ ބަޔަކު، ރައްޔިތުން ކައިރިއަށް ވޯޓު ހޯދަން ދިއުމުގެ ހިޔާލު ގެންގުޅެގެން ނުވާނެ ކަމަށެވެ. މިނިސްޓަރ ވަނީ އިދިކޮޅުފަރާތްތަކުން ވެރިކަމަށް ވަޑައިގެންފިނަމަ، މި ސަރުކާރުން ނިންމަމުންދާ ދިވެހިރާއްޖޭގެ ތަރައްޤީ އާއި ގުޅިފައިވާ މަޝްރޫޢުތަކަށް އެބޭފުޅުން ހައްދަވާނެ ގޮތަކާމެދު ސުވާލު ކުރައްވާފައެވެ.

މީގެއިތުރުން މިނިސްޓަރ ނާޒިމް ވިދާޅުވީ އިދިކޮޅުގައި ތިއްބެވި ލީޑަރުންނަކީ އަބަދުވެސް ދޮގު ވާހަކަތައް ފަތުރާ ބައެއް ކަމަށާ، މިހާތަނަށް ތަކުރާރުކޮށް އެފަރާތްތަކުން ހަދަމުންދިޔަ އެންމެ ބޮޑު ދޮގަކީ ރައީސް ޔާމީންގެ ސަރުކާރު ވެއްޓޭނެކަމަށް މެދުކެނޑުމެއްނެތި ބުނާ ބުނުން ކަމަށެވެ. އަދި ރައީސް ޔާމީންގެ ވެރިކަން ވެއްޓޭނީ ރައްޔިތުންގެ މަޖިލީހަށާއި، ސުޕްރީމް ކޯޓަށް ކަޅު ފައިސާ އުކުން ކަމަށް ދެކޭ ބަޔަކަށް މި ޤައުމަށް ތަރައްޤީ ގެންނާނީ ކިހިނެތްތޯ މިނިސްޓަރ ވަނީ ސުވާލު އުފައްދަވާފައެވެ.

މިނިސްޓަރ ނާޒިމް ވިދާޅުވީ މަލްޓި ޕާޓީ ޑިމޮކްރެސީގެ ތެރެއިން އެންމެ ފުރަތަމަ ފަސް އަހަރުގެ ދައުރެއް ފުރިހަމަ ކުރައްވާނެ ވެރިއަކީ ރައީސް ޔާމީން ކަމަށެވެ. މި ޖަލްސާގައި މިނިސްޓަރ ވަނީ އިދިކޮޅުފަރާތްތަކަށް ޤައުމީ މަސައްކަތްތައް ކުރުމަށް ނިކުތުމަށް ގޮވާލައްވާފައެވެ. އަދި ނޭއްގާނީ އަމަލުތައް ހުއްޓާލާ، ޤާނޫނީ ގޮތުން އުފެދިފައިވާ ސަރުކާރު ވައްޓާލުމަށް ކުރަމުންދާ މަސައްކަތް ހުއްޓާލުމަށް މިނިސްޓަރ ގޮވާލެއްވިއެވެ. މިނިސްޓަރގެ ވާހަކަކޮޅު ނިންމަވާލައްވާފައިވަނީ އިދިކޮޅު ސިޔާސީ ލީޑަރުންނަށް ނަސޭހަތުގެ ޅެންބައިތެއް ހަނދާން ކޮށްލަދެމުންނެވެ.

 

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ކޮންކްރީޓް އެޅުމަކީ ތަރައްޤީއަށް އެޅޭ ހުރަހެއް – ނަޝީދު

މުޅި މާލެ ފުރާ ކޮންކްރީޓު އެޅުމަކީ ތަރައްޤީއަށް އެޅޭ ހުރަހެއްކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ. ރާއްޖޭގެ ...

މަދަނީ އިއްތިހާދުގެ ރައީސް ޝައިޚް މުޙައްމަދު ދީދީ ޕީޕީއެމާއި ގުޅިވަޑައިގެންފި

މަދަނީ އިއްތިހާދުގެ ރައީސް އަދި އަދާލަތު ޕާޓީގެ އިލްމުވެރިންގެ މަޖިލީހުގެ މެމްބަރު ޝައިހް މުޙައްމަދު ދީދީ ވެރިކަންކުރާ ޕާޓީ ...

ބުއްދިވެރި ގޮތަކީ އަޅުގަނޑާއެކު ސިޔާސީ ލީޑަރުން މިނިވަންކުރުން – ނަޝީދު

މިދަނޑިވަޅުގައި ރައީސް ޔާމީނަށް ބުއްދިވެރި ގޮތަކީ ކުށުގެ ތުޙުމަތުގައި ޖަލުގައި ތިއްބެވި ސިޔާސީ ބޭފުޅުން މިނިވަންކުރުންކަމަށް ކުރީގެ ރައީސް ...

ޝަރީއަތް ނިމެންދެން މައުމޫން ބަންދުގައި ބެހެއްޓުމަށް އަމުރުކޮށްފި

ކުރީގެ ރައީސް މައުމޫން އަބްދުލްގައްޔޫމް ޝަރީއަތް ނިމެންދެން ޖަލު ބަންދުގައި ބަހައްޓަން ކްރިމިނަލް ކޯޓުން އަމުރުކޮށްފިއެވެ. ސަރުކާރު ވައްޓާލަން ...

ޚިޔާލު ތަފާތުވާ ކޮންމެ ފަހަރަކު ބޭރުގެ ބައެއްގެ ދޮރުގައި ޓަކި ޖެހުމަކީ ސިމްޕަލް ކަމެއް ނޫން – ޢާޒިމާ

އަޅުގަނޑުމެން ދިވެހި ރައްޔިތުން ސިޔާސީ ގޮތުން ހިތްހަމަނުޖެހޭ ކޮންމެ ފަހަރަކު ބޭރު ބައެއްގެ ދޮރުގައި ޓަކި ޖެހީމަކީ ސިމްޕަލްކަމެއް ...

ޖުމްލަ 36 ރިސޯޓެއްގައި ވޯޓުފޮށި ބަހައްޓަން ނިންމައިފި

ކުރިއަށް އޮތް ރިޔާސީ އިންތިހާބުގައި އިތުރު 29 ރިސޯޓެއްގައި ވޯޓު ފޮށި ބަހައްޓަން އިލެކްޝަންސް ކޮމިޝަނުން ނިންމުމާއިއެކު ވޯޓު ...