• Categories
  • Archives

“އެއްލަކިން މަށަށް ލައިސަންސް” މިނަމުގައި ޚާއްސަ ޕްރޮގްރާމެއް ފަށަނީ

ޑްރައިވިން ލައިސަންސް ނެގޭނެ ފަސޭހަ ގޮތްތަކެއް ހަމަޖައްސައި  “އެއްލަކިން މަށަށް ލައިސަންސް” މިނަމުގައި ޓްރާންސްފޯޓް އޮތޯރިޓީ އާއި އިކޮނޮމިކް މިނިސްޓްރީ ގުޅިގެން ހާއްސަ ޕްރޮގްރާމެއް  ކުރިއަށް އޮތް ހަފްތާ ބަންދުގައި ފެށުމަށް ނިންމައިފި އެވެ.

ޓްރާންސްޕޯޓް އޮތޯރިޓީގައި މިއަދު ބޭއްވި ނޫސްވެރިންގެ ބައްދަލުވުމެއްގައި އިކޮނޮމިކް މިނިސްޓްރީގެ ޑެޕިއުޓީ މިނިސްޓަރު އަބްދުﷲ މުހައްމަދު ވިދާޅުވީ “އެއްލަކިން މަށަށް ލައިސަންސް”ގެ ނަމުގައި ކުރިއަށް ގެންދަން ނިންމާފައިވާ މި ޕްރޮގްރާމުގެ ދަށުން ފާސްވާ ފަރާތްތަކަށް އެއް ދުވަހުން ޑްރައިވިން ލައިސަންސް ލިބޭނެ ކަމަށެވެ.

ޓްރާންސްޕޯޓް އޮތޯރިޓީގެ އާންމު އުސޫލުގެ ތެރެއިން ލައިސަންސް ނަގާނަމަ ތިއަރީ އަދި ވެހިކަލް ދުއްވުމުގެ ޓެސްޓް ހަދަން ހަފުތާއެއް ވަރު ހޭދަވެ އެވެ.

އަބްދުﷲ ވިދާޅުވީ ކުރިއަށް އޮތް ހަފްތާ ބަންދުގައި މި ޕްރޮގްރާމުގެ ފުރަތަމަ ބުރު ނިންމާލުމަށްފަހު ދެވަނަ ބުރު އަންނަ ހޯމަ ދުވަހު ކުރިއަށް ގެންދާނެ ކަމަށެވެ.

މިޕްރޮގްރާމު ކުރިއަށް ގެންދަން ނިންމާފައިވަނީ ރޭގަނޑު 9:00 އިން މެންދަމު 12:00 އަށެވެ. މިޕްރޮގްރާމުގައި ބައިވެރިވާ ފަރާތްތަކުގެ ފޯމް ބަލައިގަތުމަށް ހަމަޖައްސާފައިވަނީ މި ޕްރޮގްރާމު ކުރިއަށް ގެންދާ ރޭ ތަކުގެ ރޭގަނޑު 9:00 އިން ރޭގަނޑު 11:30 އަށެވެ.

އަބްދުﷲ ވިދާޅުވީ މިޕްރޮގްރާމުގައި ބައިވެރިވުމަށް ހާއްސަކޮށްފައިވާ ފޯމާ އެކު ޑްރައިވިން ލައިސަންސަށް އެދޭ ފޯމް ހުށަހެޅުމުން ފޯމުތަކުގައި ޖަހަން ބޭނުންވާ ފޮޓޯ އާއި ސްޓޭމްޕާއި އައިޑީ ކާޑު ކޮޕީ ނެގުމާއި ފައިސާ ބަލައިގަތުމުގެ އިންތިޒާމު ހުރަވީ ބިލްޑިންގެ ތިރީގައި ހަމަޖައްސާފައި ހުންނާނެ ކަމަށެވެ.

އަބްދުﷲ ވިދާޅުވީ މިއީ ހަމައެކަނި ދިވެހިންނަށް ހާއްސަކޮށްފައިވާ ޕްރޮގްރާމެއް ކަމަށާއި ފޯމް ހުށަހަޅާ ތަރުތީބުން ފުރުސަތު ދެމުންގޮސް ބައިވެރިވާން ބޭނުންވާ ހުރިހާ ފަރާތްތަކަކަށް ވެސް މި ޕްރޮގްރާމުގައި ފުރުސަތު ލިބިގެންދާނެ ކަމަށެވެ.

އަބްދުﷲ ވިދާޅުވީ މިޕްރޮގްރާމުގެ ބައިވެރިން ވެހިކަލް ދުއްވަން ހަމަޖެހިފައިވަނީ ވެލާނާގެ ސަރަހައްދުގައި ކަމަށާއި ތިއަރީއާއި ދުއްވުމުގެ ބައިން ފާސްވާ ފަރާތްތަކަށް މިޕްރޮގްރާމު ކުރިއަށްދާ ރޭތަކުގައި ލައިސަންސް ދޭނީ އެކަމަށް ހާއްސަކޮށްގެން ބާއްވާ ރަސްމިއްޔާތެއްގައި ކަމަށެވެ.

މިޕްރޮގްރާމު މިވަގުތު ކުރިއަށް ގެންދިއުމަށް ނިންމާފައިވަނީ ހަމައެކަނި މާލޭގައި ކަމަށްވީ ނަމަވެސް ހުޅުމާލޭގައި ވެސް ވަރަށް އަވަހަށް މިޕްރޮގްރާމު ފެށުމަށް ވިސްނަމުންދާ ކަމަށް ޓްރާންސްޕޯޓް އޮތޯރިޓީން ވަނީ ބުނެފަ އެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

“ޤައުމާ މަގެ ދީނާ ނުކުޅެއްޗޭ” ޝިއާރުގެ ދަށުން އައްޑޫސިޓީގައި ބޮޑު ހަރަކާތެއް ބާއްވަނީ

01 ފެބްރުއަރީ 2018ގައި ޤައުމަށް ދިމާވި ކަންކަން ހަމަޔަކަށް އެޅުމަށްފަހު އެކަން ކަމުގެ އުފާ ފާޅުކުރުމުގެ ގޮތުންނާއި، ދިވެހިންގެ ...

ނަރުދޫއިން އިތުރު 3 މީހަކު ކޮވިޑަށް ޕޮޒިޓިވް ވެއްޖެ

ށ. ނަރުދޫއިން އިތުރު ތިން މީހަކު ކޮވިޑް-19 އަށް ޕޮޒިޓިވް ވެއްޖެއެވެ. “ވަގުތު” ނޫހުގައި ރިޕޯޓުކޮށްފައިވާ ގޮތުގައި ނަރުދޫން ...

ނެޓްބޯޅަ : ފައިނަލްގެ ދެ ވަނަ ޖާގަ ހުޅުދޫ ޔޫތު ކަށަވަރުކޮށްފި

މިހާރު މީދޫގައި ކުރިއަށްދާ އެމްއީސީ ބަދަހިކަޕް  ނެޓްބޯލް މުބާރާތުގެ ފައިނަލްގެ ދެ ވަނަ ޖާގަ ހުޅުދޫ ޔޫތު ކަށަވަރު ...

ހުޅުމީދޫގައި ހުންނަ ވޭސްޓް މެނޭޖްމެންޓް ކޯޕަރޭޝަން (ވެމްކޯ) ގެ ސައިޓްގައި އަލިފާން ރޯވުން

ހުޅުމީދޫގައި ހުންނަ ވޭސްޓް މެނޭޖްމެންޓް ކޯޕަރޭޝަން (ވެމްކޯ) ގެ ސައިޓްގައި އިއްޔެ ރޯވި އަލިފާންގަނޑު ނިއްވާލެވުނު އިރު ކުނިކޮށީގެ ...

ކޯވިޑް-19 : އައްޑޫއާއި ފުވައްމުލަކުގެ 100 މީހަކު ހޯމް ކަރަންޓީނަށް މަދަމާ، 100 ފުރުވާލަނީ

ކޯވިޑް-19އާ ގުޅިގެން މާލޭގައި ތާށިވެފައިތިބި މީހުންގެ ތެރެއިން އަމިއްލަ ރަށަށް ގޮސް ރަށުގައި ކަރަންޓީންވާން ބޭނުންވާ އިތުރު 100 ...

ހޯމަ ދުވަހު އީޔޫއިން ރާއްޖެއަށް ފިޔަވަޅު އަޅަނީ

ރާއްޖޭގެ ސަރުކާރުގެ އިސްވެރިންނާއި އަދި އިސްވެރިންނާއި ގުޅުންހުރި ވިޔަފާރިތަކަށް ފިޔަވަޅު އެޅުމަށް ހޯމަ ދުވަހު ބޭއްވުމަށް ހަމަޖެހިފައިވާ ބައްދަލުވުމަށް ...