• Categories
  • Archives

އާޖެންޓީނާއިން އިޒްރޭލާ ދެކޮޅަށް ކުޅެން އޮތް މެޗު ކެންސަލްކޮށްފި

ވޯލްޑްކަޕަށް ތައްޔާރުވުމަށް އިޒްރޭލާއެކު ކުޅެން އޮތް މެޗު އާޖެންޓީނާގެ ކެޕްޓަން ލަޔަނަލް މެސީގެ އެދުމުގެ މަތިން ނުކުޅެން ނިންމައިފިއެވެ.

މި މަހުގެ ނުވަވަނަ ދުވަހު އިޒްރޭލްގައި މިދެޓީމް ވާދަކުރުމަށް ހަމަޖެހިފައި އޮތް މެޗް ކެންސަލް ކުރިކަން އާޖެންޓީނާގައި ހުންނަ އިޒްރޭލް އެމްބަސީން ވަނީ ކަށަވަރުކޮށްދީފައެވެ. މެޗް ކެންސަލް ކުރީ ޓީމްގެ ކުޅުންތެރިން މެޗް ކުޅެން ބޭނުން ނުވާތީ މެޗް ކެންސަލްކުރުމަށް އެދި ކެޕްޓަން މެސީ އާޖެންޓީނާގެ ފުޓުބޯޅަ ފެޑެރޭޝަނަށް ހުށަހެޅުމުންނެވެ.
މެޗު ނުކުޅުމަށް އާޖެންޓީނާ ޓީމުން ނިންމާފައިވަނީ އިޒްރޭލުން ގާޒާގައި ހިންގަމުންދާ އަނިޔާތަކާ ދެކޮޅަށް ތެދުވުމުގެ ގޮތުންނެވެ. މެޗު ކެންސަލްކުރުމާ ގުޅިގެން ފާއިތު ވި ދެ ވަރލްޑްކަޕްގައިވެސް މެސީއާއެކު ފޯވާޑްލައިންގައި ވިދާލި ތަރި ގޮންޒާލޯ ހިގުއެއިން ވަނީ އެއީ އެންމެ ރަނގަޅު ނިންމުން ކަމަށްބުނެ ނިންމުމަށް ވަރަށް ބޮޑަށް ތާއީދުކޮށްފައެވެ.

މީޑިޔާ ރިޕޯރޓްތައް ބުނާގޮތުން މެޗް ކެންސަލްކުރުމާ ގުޅިގެން އިޒްރޭލްގެ ބޮޑުވަޒީރު ނަތަންޔާހޫ ވަނީ އާޖެންޓީނާގެ ރައީސް މައުރީސިއޯ މެކްރީއަށް ގުޅުއްވާ ދެ ޤައުމުގެ ގުޅުން ދެމެހެއްޓުމަށް މި މެޗް ކުރިއަށް ގެންދެވޭތޯ މަސައްކަތްކަށްފައެވެ. ނަމަވެސް މިކަމަށް އާޖެންޓީނާގެ ފަރާތުން އެދެވޭ ޖަވާބެއް ނުލިބުމުން ދެ ޤައުމުގެ ހާރިޖީ ގުޅުމަށްވެސް ވަނީ ބުރޫ އަރާފައެވެ.

އެގޮތުން އިޒްރޭލްގެ ޑިފެންސް މިނިސްޓަރ ވަނީ އިޒްރޭލަށް ނަފްރަތުކުރާ މީހުން ދައްކާ ވާހަކަ އާޖެންޓީނާ ކުޅުންތެރިންނަށް ހަޖަމް ނުކުރެވުމަކީ ހިތާމައެއް ކަމަށް ބުނެފައެވެ. މެޗު ކެންސަލް ކުރުމާ ގުޅިގެން ފަލަސްތީނުގެ ފުޓުބޯޅައެސޯސިއޭޝަނުން އެކަމުގެ އުފަލުގައި ހިތްވަރުދިނުމުގެ ބަޔާނެއް ވަނީ ނެރެފައެވެ. ބަޔާނުގައި އާޖެންޓީނާގެ ކެޕްޓަން ލަޔަނަލް މެސީގެ އިތުރުން މުޅި ޓީމަށް ހާއްސަކޮށް ޝުކުރު އަދާކޮށްފައިވެއެވެ. އަދި އާޖެންޓީނާގެ މި ނިންމުމަކީ ފުޓުބޯޅައިގެ އަހުލާޤާއި ސުލޫކު ދަމަހައްޓައިދިނުމުގެ ރީތި މިސާލެއް ކަމަށްވެސް ފަލަސްތީނުން ބުނެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

އިނގިރޭސީން ބަލިކޮށް، ބެލްޖިއަމުން ތިންވަނަ ހޯދައިފި

ފީފާ ވޯލްޑް ކަޕްގައި އިނގިރޭސީން ބަލިކޮށް، ބެލްޖިއަމުން ތިންވަނަ ހޯދައިފިއެވެ. ތިންވަނަ ހޮވުމަށް ރަޝިއާގެ ސެއިންޓް ޕީޓާސްބާގް ސްޓޭޑިއަމްގައި ...

ކްރިސްޓަލް ޕެލަސްގެ މައްޗަށް ލިވަޕޫލްއިން ކުރިހޯދައިފި

އިނގިރޭސި ޕްރިިމިއާ ލީގުގައި މިރޭ ލިވަޕޫލާއި ކްރިސްޓަލްޕެލަސް ބައްދަލުކުރިމެޗް ލިވަޕޫލް ކާމިޔާބުކޮށްފިއެވެ. ވާދަވެރި ފޯރިގަދަ ކުޅުމެއް ފެނިގެންދިޔަ  މިމެޗު ...

ޔޫރޯ ކޮލިފިކޭޝަންގައި ރަޝިޔާ އާއި ބައްދަލުކުރި މެޗުން ބެލްޖިއަމް މޮޅުވެއްޖެ

ޔޫރޯ ފުޓްބޯޅަ މުބާރާތުގެ ކޮލިފިކޭޝަންގައި ބެލްޖިއަމް ކުޅުނު ފުރަތަމަ މެޗު ބެލްޖިއަމް ކާމިޔާބުކޮށްފިއެވެ. ގްރޫޕް އައިގައި ހިމެނޭ ބެލްޖިއަމްއާއި ...

ޔޫއެފާ އެވޯޑަށް، ނޮމިނޭޓްވީ ރޮނާލްޑޯ ސަލާހު އަދި މޮޑްރިޗް

ޔުއޭފާ އިން 2011 ވަނަ އަހަރުން ފެށިގެން ހޮވާ އަހަރުގެ އެންމެ މޮޅު ފުޓްބޯޅަ ކުޅުންތެރިޔާގެ އެވޯޑަށް ނޮމިނޭޓް ...

ސާޖިއޯއަގުއެރޯއަށް ޝިއަރާގެ ރެކޯޑް ފަހަނަޅާ ދެވިދާނެ- ބެނާޑޯ ސިލްވަރ

ސާޖިއޯއަގުއެރޯއަށް އިގިރޭސި ކުރީގެ ފޯވާޑް އެލަން ޝިއަރާގެ ރެކޯޑް ފަހަނަޅާ ދެވިދާނެކަމަށް މެންޗެސްޓަރ ސިޓީގެ ބެނާޑޯ ސިލްވަރ ބުނެފިއެވެ. ...

އިނގިރޭސި އެފްއޭކަޕްގެ ފައިނަލަށް މެންޗެސްޓަރ ޔުނައިޓެޑް ދަތުރުކޮށްފި

އިގިރޭސި އެފްއޭކަޕް ފައިނަލަށް މެންޗެސްޓަރ ޔުނައިޓެޑް ދަތުރުކޮށްފިއެވެ އެފްއޭކަޕް ފައިނަލަށް މެންޗެސްޓަރ ދަތުރުކުރީ ވެމްބްލީ ސްޓޭޑިއަމްގައި ރޭ ކުޅުނު ...