އދ.ގެ ސަލާމަތީ މަޖިލީހުގެ ގޮނޑިއަށް މެމްބަރުން އިންތިޚާބު ކުރުން މިރޭ އޮންނާނެ!

    ދިވެހިރާއްޖެ އިން ވާދަކުރާ އދ.ގެ ސަލާމަތީ މަޖިލީހުގެ ގޮނޑިއަށް މެމްބަރުން އިންތިޚާބު ކުރުމަށް ބާއްވާ ވޯޓު ނެގުން މިރޭ އޮންނާނެއެވެ.

    އދގެ ސަލާމަތީ މަޖިލީހަށް މެމްބަރުން ހޮވުމަށް ނަގާ ވޯޓު އޮންނާނީ މިރޭ ރާއްޖެގަޑިން 7 ގަޑި ސުންމިނެޓުގައި ނިއު ޔޯކްގައި ހުންނަ އދ.ގެ މައި މަރުކަޒުގައެވެ. އދގެ ސަލާމަތީ މަޖިލީހަކީ އެ ޖަމުއިއްޔާގެ އެންމެ ބާރުގަދަ ގުނަވަނެވެ.

    މި އިންތިޚާބުގައި އޭޝިއާ ސަރަހައްދުން ރާއްޖޭގެ އިތުރުން ވާދަކުރާ އަނެއް ޤައުމަކީ އިންޑޮނޭޝިއާއެވެ. ސަލާމަތީ މަޖިލީހުގެ ގޮނޑިއަކަށް ކުރިމަތިލައި ރާއްޖެ އިން ވަނީ ވަރަށް ވަރުގަދަ ކެމްޕޭނެއް ކޮށްފައެވެ.

    އެގޮތުން އެކި ގައުމުތަކުގެ ތާއީދު ހޯދުމަށް ބައެއް ގައުމުތަކާ އެކު ވަނީ ސިޔާސީ ގުޅުން ވެސް ގާއިމްކޮށްފައެވެ. އދގެ ސަލާމަތީ މަޖިލީހުގެ ދާއިމީ މެމްބަރުންގެ ގޮތުގައި ތިބެނީ ފަސް ގައުމެކެވެ.  ސަލާމަތީ މަޖިލީހުގެ ދާއިމީ މެމްބަރުންގެ ގޮތުގައި ތިބެނީ ދުނިޔޭގެ ބޮޑެތި ބާރުތައް ކަމަށްވާ އެމެރިކާ އާއި ރަޝިއާ އާއި ޗައިނާ އާއި އިނގިރޭސި ވިލާތް އަދި ފަރަންސޭސި ވިލާތެވެ.

    ސަލާމަތީ މަޖިލީހުގައި ދެން ހިމެނެނީ ދެ އަހަރުން އެއްފަހަރު ދައުރުވާ ގޮތަށް ތިބޭ ނޮން ޕާމަނެންޓް ދިހަ ޤައުމެކެވެ. ސަލާމަތީ މަޖިލީހުގެ ގޮނޑިއަކަށް ރާއްޖެ ވާދަކުރަނީ އަންނަ އަހަރުން ފެށިގެން ދެހާސް ވިހިވަނަ އަހަރުގެ ނިޔަލަށް އޮންނަ ދައުރަށެވެ.  މި އިންތިޙާބް ކާމިޔާބް ކުރަން ތިންބައިކުޅަ ދެބައި ގައުމުގެ ވޯޓް ބޭނުންވާނެއެވެ.

    ރާއްޖެ މީގެކުރިން ވަނީ އދ ގެ އިންސާނީ ހައްގުތަކާއި ބެހޭ މަޖިލީހުގައި ދެ ދައުރު ފުރުއްވާފައެވެ.  އަދި ރާއްޖެއަކީ ކުދި ޖަޒީރާ ޤައުމުތަކުގެ މެދުގައި ހަދާފައިވާ ޖަމިއްޔާ އޯއައިސިސްގެ ޗެއާ ކަންވެސް ކުރަމުން އަންނަ ޤައުމުކަން ފާހަގަކޮށްލެވެއެވެ.

    ސަރުކާރުން ބުނެފައިވަނީ ރާއްޖެއަށް އދގެ ސަލާމަތީ މަޖިލީހުގެ ގޮނޑި ކާމިޔާބު ކުރެވޭނެ ކަމުގެ ޔަޤީންކަން އެބައޮތް ކަމަށެވެ. އެގޮތުން ރާއްޖެއަކީ، ހުރިހާ ފަންތި އެއްގެ ގައުމުތަކުގެ ހައްގުގައި އަޑު އުފުލަމުން އަންނަ ޤައުމަކަށް ވުމާއެކު، އދ. އާއި ހުރިހާ މެމްބަރު ގައުމުތަކުންވެސް އެކަން ބަލައިގަންނަ ކަމަށް ސަރުކާރުން ވަނީ ބުނެފައެވެ.

    • ކޮމެންޓްސް

    Your email address will not be published. Required fields are marked *

    • ފުރިހަމަ ނަން

    އިޝްތިހާރު

    ads

    ކަމުދާނެ ލިޔުންތައް

    ރައީސް ޔާމީންގެ ރަނިންގ މޭޓަކަށް ޑރ.ޝަހީމް ހަމަޖަައްސަވައިފި

    ކީރިތި ޤުރްއާން ހިތުދަސް ބޭފުޅެއްކަމަށްވާ މަޝްހޫރު ދީނީ ޢިލްމުވެރިޔާ ޑރ.މުޙައްމަދު ޝަހީމް ޢަލީ ސަޢީދު މިއަހަރުގެ ރިޔާސީ އިންތިޚާބުގައި ...

    ދީނީ ތަޢުލީމު ދިނުމަކީ އިސްލާމީ ޚިދުމަތެއް ނޫން – ޝައިޚް އިލްޔާސް

    ދިނީ ތަޢުލީމު ދިނުމަކީ އެއީ އަދި އިސްލާމް ދީނަށް ކުރެވޭ ޚިދުމަތެއް ނޫން ކަމަށް މަޝްހޫރު ދީނި ޢިލްމުވެރިޔާ ...

    ހުޅުދޫ ސްކޫލްގެ 3 މުވައްޒަފަކަށް އުމްރާ ދަތުރު ލިބިއްޖެ

    މިއަހަރުގެ ޓީޗަރުންގެ ދުވަސް ހުޅުދޫ ސްކޫލްގައި ފާހަގަކުރުމަށް ޓީޗާސް އެޕްރިސިއޭޝަން ވީކްގެ ނަމުގައި ހުޅުދޫ ސްކޫލުން ކުރިއަށް ގެންދިޔަ ...

    ރާއްޖެއިން ބޭރުން ކެންސަރަށް ފަރުވާ ހޯދަން އާސަންދަ ދިނުން ހުއްޓައެއްނުލާ – އާސަންދަ

    ރާއްޖެއިން ބޭރުން ކެންސަރަށް ފަރުވާ ހޯދަން އާސަންދަ ދިނުން ހުއްޓާނުލާ ކަމަށް އާސަންދަ އޮފީހުން ބުނެފިއެވެ. ކެންސަރަށް ފަރުވާ ...

    އަލްހާން ފަހްމީ ޕީޕީއެމުން ވަކިވެއްޖެ

    ރައްޔިތުންގެ މަޖިލީހުގެ ފޭދޫ ދާއިރާގެ ކުރީގެ މެމްބަރު އަލްޙާން ފަހުމީ ސަރުކާރު ހިންގާ މައި ޕާޓީ ޕްރޮގްރެސިވް ޕާޓީ ...

    ޑރ. މަޖީދުގެ ހާލު ވަރަށް ސީރިއަސް

    ކުރީގެ އިސްލާމިކް މިނިސްޓަރ ޑރ. އަބްދުލް މަޖީދު އަބްދުލް ބަރީގެ ސިއްހީ ހާލުކޮޅު ވަރަށް ދެރަވެ މިވަގުތު ފަރުވާ ...