• Categories
  • Archives

20 އަހަރަށްފަހު ވޯލްޑްކަޕްގެ ސެމީފައިނަލަށް ކްރޮއޭޝިޔާ ދަތުރުކޮށްފި

ވޯލްޑްކަޕްގެ ސެމީ ފައިނަލުގެ ފަހު ޖާގަ ކްރޮއޭޝިޔާ ހޯދައިފިއެވެ. ސެމީ ފައިނަލް ފަހު ޖާގަ ކްރޮއޭޝިޔާ ހޯދީ ރޭ ކުޅެވުނު ކްއާޓާފައިނަލްގެ ފަހުމެޗްގައި  ރަޝިޔާ އަތުން ހަތަރެއް ތިނަކުން ޕެނަލްޓީގައި ކުރި ހޯދައިގެންނެވެ.

 ރޭގެ މެޗުގެ ފުރަތަމަ ހާފު ނިމުނުއިރު ދެ ޓީމް އޮތީ އެކެއް އެކަކުން އެއްވަރުވެފައެވެ. ރޭގެ މެޗްގައި ފުރަތަމަ ލީޑް ނެގީ ރަޝިޔާއިންނެވެ. މި ލަނޑު އެޓީމަށް ކާމިޔާބުކޮށްދިނީ  ޑެނިސް ޝެރިޝޭވްއެވެ. ކްރޮއޭޝިޔާއަށް ނަތީޖާ ހަމަހަމަކޮށްދިނީ އަންދްރޭ ކްރަމަރިޗެވެ.

މެޗުގެ ނުވަދިހަ މިނެޓުގެ ކުޅުން ނިމުނުއިރުވެސް ދެ ޓީމް އެކެއް އެކަކުން އެއްވަރުވެފައި އޮތުމުން ނަތީޖާ ނެރުމަށް އިތުރު ވަގުތުގެ ދެހާފު ކުޅުނެވެ. އިތުރު ވަގުތުގެ ފުރަތަމަ ހާފުގައި ކްރޮއޭޝިޔާގެ ޑިފެންޑަރ ވީޑާ ވަނީ އެޓީމުގެ 2 ވަނަ ލަނޑު ކާމިޔާބުކޮށްދީ ކްރޮއޭޝިޔާއަށް ލީޑު ހޯދަދީފައެވެ.  އެކަމަކު އިތުރުވަގުތުގެ ދެވަނަ ހާފުގައި ރަޝިޔާގެ މާރިއޯ ފެނާންޑޭސްވަނީ ލަނޑެ ޖަހައި މެޗްގެ ނަތީޖާ 2-2 ން އެއްވަރުކޮށްދީފައެވެ.
މެޗްގެ އިތުރު ވަގުތުގެ ކުޅުން ނިމުނުއިރު 2 ލަނޑު 2 ލަނޑުން ދެޓީމް އެއްވަރުވެފައި އޮތުމުން މެޗްގެ ނަތީޖާ ނެރުމަށް ޖެހި ޕެނަލްޓީގައި ރަޝިޔާއިން ދެ ޕެނަލްޓީވަނީ ބޭކާރުކޮށްލާފައެވެ.  ސްމޮލޯވް ފޮނުވާލި ޕެނަލްޓީ ކްރޮއޭޝިއާގެ ކީޕަރު ސުބަސިޗް ދިފާއުކުރިއިރު، ރަޝިޔާގެ ފެނާންޑޭސްގެ ޕެނަލްޓީ ގޯލާއި އަމާޒު ނުވެ ވަނީ ބޭރަށް ގޮސްފައެވެ.  ރަޝިޔާޓީމުން ޕެނަލްޓީ ކާމިޔާބުކުރި ތިން ކުޅުންތެރިންނަކީ ޒަގޮއޭވް، އިގްނޭޝެވިޗް އަދި ކުޒްޔޭވްއެވެ.

ކްރޮއޭޝިޔާގެ ކޮވަސިޗް ޖެހި ޕެނަލްޓީ ރަޝިޔާގެ ކީޕަރު އަކިންފީވް ދިފާއުކުރި ނަމަވެސް އެޓީމުން އަނެއް ހަތަރު ޕެނަލްޓީ އެޓީމުންވަނީ ކާމިޔާބުކޮށްފައެވެ.  ކްރޮއޭޝިޔާއިން ކާމިޔާބުކުރީ ބްރޮޒޮވިޗް، މޮޑްރިޗް، ވީޑާ އަދި ރަކިޓިޗް ޖެހި ޕެނަލްޓީތަކެވެ.

މި ނަތިޖާއާއިއެކު ކްރޮއޭޝިޔާވަނީ 20 އަހަރުގެ ފަހުން ފުރަތަމަ ފަހަރަށް ވޯލްޑްކަޕްގެ ސެމީ ފައިނަލުން ޖާގަ ހޯދާފައެވެ. ވޯލްޑްކަޕްގައި މިހާތަނަށް ކްރޮއޭޝިޔާއަށް ހޯދުނު އެންމެ ބޮޑު ކާމިޔާބަކީ 1998ގެ ވޯލްޑްކަޕް ތިންވަނަ ހޯދުމެވެ. މިފަހަރު އެކާމިޔާބީއަށްވުރެ ބޮޑު ކާމިޔާބަކަށް އެގައުމުގެ ކުޅުންތެރިން އުއްމީދުކުރެއެވެ.
ސެމީ ފައިނަލްގައި ކްރޮއޭޝިޔާ ނިކުންނާނީ ސްވިޑެން ބަލިކޮށް ސެމީން ޖާގަ ހޯދި އިންގްލެންޑާއި ދެކޮޅަށެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

3 ކުޅުންތެރިއަކު ބަދަލެއްގެ ގޮތުގައި ދީގެން ނޭމާ ބާސެލޯއަށް ބަދަލުކުރުމަށް ބާސެލޯނާއިން ހުށަހަޅައިފި

ޕީއެސްޖީގެ ބްރެޒިލްގެ ފޯވާޑް ނޭމާ އަލުން ބާސެލޯނާއަށް ގެނައުމުގެ މަސައްކަތް ބާސެލޯނާއިން ފަށާފައިވާކަމަށް ސްޕޭންގެ މީޑިއާތަކުން ބުނެފިއެވެ. ސްޕެއިންގެ ...

ލިވަޕޫލް ބަލިކޮށް ބާސެލޯނާއިން ތާރީޚް ބަދަލުކޮށްލައިފި

ބާސެލޯނާގެ ދަނޑުގައި ބާސެލޯނާއަތުން މީގެ ކުރީން ބަލިވެފައިނުވާ ލިވަޕޫލް ޗެންޕިއަންސް ލީގުގެ ސެމީ ފައިނަލުގެ ފުރަތަމަ ލެގުގައި ބާސެލޯނާއަތުން ...

ލިވަޕޫލްގެ މައްޗަށް ނަޕޯލީ ކުރިހޯދައިފި

ޗެމްޕިއަންސް ލީގުގައި ރޭ ކުޅެވުނު މެޗްތަކުގެ ތެރެއިން  ލިވަޕޫލް އާއި ބައްދަލުކޮށް 1 ލަނޑު 0 ލަނޑުން މޮޅުވެ ...

ޔުނައިޓެޑް ދޫކޮށްލުމަށްފަހު އިބްރާހިމޮވިޗް މޭޖާ ލީގަށް ބަދަލުވަނީ

މެންޗެސްޓާ ޔުނައިޓެޑް ދޫކޮށްލުމަށްފަހު ޒްލަޓަން އިބްރާހިމޮވިޗް އެމެރިކާގެ މޭޖާ ލީގް ސޮކާގެ ކްލަބަކަށް ބަދަލުވާން އުޅޭކަމަށް ރިޕޯޓްތައް ބުނެފި ...

ކްލަބް ވޯލްޑް ކަޕްގެ ޗެމްޕިއަންކަން ރެއާލްމެޑްރިޑް ހޯދައިފި

ކްލަބް ވޯލްޑް ކަޕްގެ ޗެމްޕިއަންކަން ރެއާލްމެޑްރިޑް ހޯދައިފިއެވެ. ރެއާލްމެޑްރިޑް ކްލަބް ވޯލްޑް ކަޕްގެ ޗެމްޕިއަންކަންހޯދީ ރޭ ކުޅެވުނު  ފައިނަލުގައި ...

ސިޓީއަތުން މޮޅުވެ ޔުނައިޓެޑް މުބާރާތުން ކަޓާ ސިޓީ ފައިނަލަށް

އިނގިރޭސި ލީގު ކަޕުގެ ސެމީ ފައިނަލުގެ ދެ ވަނަ ލެގުން މެންޗެސްޓަރ މޮޅުވިކަމުގައިވިޔަސް  ޔުނައިޓެޑް މުބާރާތުން ކަޓާ މެންޗެސްޓަރ ...