• Categories
  • Archives

ކުށް ސާބިތުވެ ހަސަން ސަޢީދު 4 މަހާ 24 ދުވަހަށް ޖަލަށް

ޤާނޫނު ހިންގުމަށް ހުރަސް އެޅުމުގެ ދައުވާ ސާބިތުވުމާ ގުޅިގެން ޖުޑިޝަލް އެޑްމިނިސްޓްރޭޓަރ ހަސަން ސަޢީދުގެ މައްޗަށް 4 މަހާ 24 ދުވަހުގެ ޖަލު ޙުކުމެއް އިއްވައިފިއެވެ.

ހަސަން ސަޢީދުގެ މައްޗަށް ޤާނޫނު ހިންގުމަށް ހުރަސް އެޅުމުގެ ކުށުގެ ދައުވާ އުފުލާފައިވަނީ ވޭތުވެދިޔަ ފެބުރުވަރީ މަހުގެ 4 ވަނަ ދުވަހުގެ ފަތިހުން ފެށިގެން ރިޝްވަތުގެ މައްސަލައެއްގެ ތުހުމަތުގައި ކްރިމިނަލް ކޯޓުގެ އަމުރެއްގެ ދަށުން، މޯލްޑިވްސް ސަރވިސަސް އިން އޭނާ ހޯދުމަށް ކުރި މަސައްކަތުން އޭނާ ފެނިފައި ނުވާތީއާއި، އޭނާ ހޯދާކަން އެނގިހުރެ ފުލުސް އޮފީހަށް ހާޒިރުވެފައި ނުވާތީ އެވެ.

މި މައްސަލައިގެ ހުކުމް އިއްވަމުން ގާޒީ ވިދާޅުވީ ދައުލަތުން އުފުލި ގާނޫނު ހިންގުމަށް ހުރަސްއެޅުމުގެ ދައުވާގައި ބުނާ ފަދައިން ހަސަން ސައީދު ގާނޫނު ހިންގުމަށް ހުރަސްއެޅިކަން ދައުލަތުން ހުށަހެޅި ހެކިންގެ ހެކިބަހުން، ގާނޫނު އަސާސީގެ 51 ވަނަ މާއްދާގައި ބުނާ ފަދައިން އެއްވެސް ޝައްކެއް ނެތް މިންވަރަށް ޝަރީއަތަށް ސާބިތުވާ ކަމަށެވެ.

އަދަބާ ބެހޭ ގޮތުން ގޮތެއް ކަނޑައެޅުމަށް ހުކުމް ކުރުމުގެ ޝަރީއަތުގެ މަޖިލިސް މެދުކަނޑާލުމަށްފަހު ގާޒީ ހުކުމް އިއްވަމުން ވިދާޅުވީ ގާނޫނު ހިންގަން ހުރަސްއެޅިކަން ހަސަން ސައީދުގެ މައްޗަށް ސާބިތުވީ 2018 ފެބްރުއަރީ މަހުގެ ހަތަރުވަނަ ދުވަހުގެ ފަތިހު 4:00 އިން ފެށިގެން ކޯޓު އަމުރެއްގެ ދަށުން ފުލުހުން ހަސަން ސައީދު ހޯދަން ކުރި މަސައްކަތުން ހަސަން ސައީދު ހޯދާ ނުފެނިފައިވާތީ އާއި ހަސަން ސައީދު ހޯދުމަށް ފުލުހުން އިއުލާންކުރުމުން ވެސް އަދި ހޯދާކަން އެނގިހުރެ ފުލުހަށް ހާޒިރުވެފައި ނުވާތީ ކަމަށެވެ.

އެހެންކަމުން ގާނޫނު ނަމްބަރު 9/2014 ގެ 533 ވަނަ މާއްދާގެ (ހ) ގެ އެއްވަނަ ނަމްބަރާއި ދެވަނަ ނަމްބަރުގެ ރޯމް އެކެއްގެ (1) ގެ ދަށުން ހަސަން ސައީދު ކުށްވެރިވާ ކަމަށް ވަނީ ހުކުމް ކޮށްފައެވެ.

ފެބުރުއަރީ 1 ވަނަ ދުވަހު ޤާނޫނީ ވެރިކަން ވައްޓާލަން އުޅުނު މައްސަލައިގާ ކުރީގެ ރައީސް މަޢުމޫނާއި، ކުރީގެ އުއްތަމަ ފަނޑިޔާރު ޢަބްދުﷲ ސަޢީދު އަދި ސްޕްރީމް ކޯޓުގެ ކުރީގެ ފަނޑިޔާރު ޢަލީ ހަމީދުގެ މައްޗަށްވެސް ކުށް ސާބިތުވެ ހުކުމް އިއްވާފައިވާކަން ފާހަގަ ކޮށްލެވެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ޗީފް އޮފް ޑިފެންސް ފޯސް ކަމުން ޝިޔާމް ވަކިކޮށްފި

ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު، ޗީފް އޮފް ޑިފެންސް ފޯސްގެ މަގާމުގައި ހުންނެވި މޭޖާރ ޖެނެރަލް އަހުމަދު ޝިޔާމް ...

ވައިބަރ ކޮންމެ ސްޓިކާ ޕެކެއްވެސް ޑައުންލޯޑް ކޮށްލެވޭ ޚާއްސަ ޕެކެޖެއް އުރީދޫއިން ތައާރަފްކޮށްފި

އެންމެ 19 ރުފިޔާއަށް ވައިބަރގެ ކޮންމެ ސްޓިކަރ ޕެކެއްވެސް ޑައުންލޯޑް ކުރެވޭ ހާއްސަ ޕެކޭޖެއް މިއަދު އުރީދޫއިން ތައާރަފުކޮށްފި ...

ޕިންކް ރިބަން ރަން ވޯކް ހުޅުދޫއާއި މީދޫގައި ބާއްވައިފި

ކެންސަރ ސޮސައިޓީ އޮފް މޯލްޑިވްސް އިން އިސްނަގައިގެން ބީއެމްއެލް އާއި ސިއްހީމަރުކަޒު ގުޅިގެން ބޭއްވި “ޕިންކް ރިބަން ރަން ...

މަގޫދޫގައި ބަހައްޓާފައިހުރި ސޯލާ ކަރަންޓުގެ ނިޒާމުން އުފައްދާ ކަރަންޓު ފެނަކައަށް ގަނެފި

ފ. މަގޫދޫގައި ގާއިމުކޮށްފައިވާ ސޯލާ ކަރަންޓުގެ ނިޒާމުން އުފައްދާ ކަރަންޓު ފެނަކަ ކޯޕަރޭޝަން ލިމިޓެޑަށް ގަތުމުގެ އެއްބަސްވުމެއްގައި މިއަދު ...

އެމެރިކާގެ ޚާރިޖީ ވަޒީރު އިންތިޚާބީ ރައީސަށް މަރުޙަބާ ވިދާޅުވެއްޖެ

އެމެރިކާގެ ޚާރިޖީ ވަރީޒު މައިކް ޕްމްޕެއޯ ރާއްޖޭގެ އިންތިޚާބީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙަށް ގުޅުއްވައި މަރުޙަބާ ވިދާޅުވެއްޖެއެވެ. ...

ޑރ. މަޖީދު އަވަހާރަވެއްޖެ

ދިވެހިންގެ ތެރެއިން ގިނަ ބައެއްގެ އިޚްތިރާމާއި ލޯބި ހޯއްދަވާފައިވާ ކުރީގެ ރައީސް މުހައްމަދު ނަޝީދު ސަރުކާރުގެ އިސްލާމިކް މިނިސްޓަރުކަންވެސް ...