• Categories
  • Archives

“ރާވެރިބޭ ކޮއްތުވެނި” ފުޑުކޯޓުތައް ރައީސް ހުޅުއްވާދެއްވައިފި

މާލޭ ހުޅަނގުފަރާތުގައި ސަރުކާރުން ތަރައްޤީކުރީ ޒަމާނީ ފުޑުކޯޓުތައް ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ހުޅުއްވައިދެއްވައިފިއެވެ. ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އާއި ހަވާލުކޮށްގެން ތަރައްޤީކުރި މި ފުޑްކޯޓުތައް ހުޅުވީ ތިއެރެޓިކަލް ޕްލޭއަކުންނެވެ.

30000 އަކަފޫޓުގެ ސަރަޙައްދުގައި ތަރައްޤީކޮށްފައިވާ މި ފުޑްކޯޓުތަކަކީ ޕްރީ ފެބްރިކޭޓްކޮށް ތަރައްޤީކޮށްފައިވާ ތަނެކެވެ. ހަތަރު ބްލޮކް ހިމެނޭ މިތަނުގައި 26 ފުޑް ކޯޓު ހުރެއެވެ. މި މަޝްރޫޢަށް 32 މިލިއަން ރުފިޔާ ވަނީ ހޭދަކޮށްފައެވެ. “ރާވެރިބޭ ކޮއްތުވެނި” މިނަމުގައި ތަރައްޤީކުރި ހުރިހާ ތަނެއްވެސް މިހާރުވަނީ ވިޔަފާރި އުސޫލުން ދޫކޮށްފައިކަމަށް އެސްޓީއޯއިން ބުނެއެވެ.

ފުޑްކޯޓު ހުޅުވުމަށް ބޭއްވި ރަސްމިއްޔާތުގައި ވާހަކަދައްކަވަމުން މިނިސްޓަރ އޮފް ހައުސިންގ އެންޑް އިންފްރާސްޓްރަކްޗަރ ޑރ.މުޙައްމަދު މުޢިއްޒު ވިދާޅުވީ މާލޭ ހުޅަނގުފަރާތު ހާބަރު ސަރަޙައްދަކީ ކުރިން ވަރަށް ބޮޑަށް އަޅާނުލެވި ދޫކޮށްލާފައިވާ ދިރުމެއް ނެތް ސަރަހައްދެއްކަމަށެވެ. މިނިސްޓަރ ވިދާޅުވީ، ކުޑަކުދިންނަށް ޚާއްޞަ ޕާކަކާއެކު ތަރައްޤީކުރި މި ފުޑްކޯޓުތަކުގެ ސަބަބުން އެސަރަހައްދަށް އިތުރު ދިރުމެއް އައިސްފައިވާކަމަށާއި ޒަމާނީ ފެންވަރަށް ތަރައްޤީކުރި މި ފުޑްކޯޓުތަކަކީ ރައީސް ޢަބްދުﷲ ޔާމީންގެ ކޮންސެޕްޓަކަށް ތަރައްޤީކުރި ތަނެއްކަމަށެވެ. މި ފުޑްކޯޓުތަކަކީ ކުޑަކުދިންނާއެކު އާޢިލާތަކަށް ހިތްފަސޭހަ ތަނަކަށް ވެގެންދާނެކަމަށްވެސް މިނިސްޓަރ ވިދާޅުވިއެވެ.

“ރައީސް ޔާމީންގެ ތަރައްޤީއަކީ ހަމައެކަނި ކޮންކްރީޓް ތަރައްޤީ ނޫން. މުޅި ރާއްޖެއިން ފެންނަނީ ފެހި، އިޖްތިމާއީ، އިޤްތިޞާދީ އަދި ޢުމްރާނީ ތަރައްޤީ ޤައުމުގެ އިސްތިޤުލާލާ އެކު ރައީސް ޔާމީން ގެނެސްދެއްވަމުންދާތަން.” ހައުސިންގ މިނިސްޓަރ ވިދާޅުވިއެވެ.

އަލަށް ތަރައްޤީކުރި ފުޑްކޯޓުތަކުގައި މިހާރު ޚިދުމަތް ދެމުން އަންނައިރު މި ސަރަޙައްދަކީ ދުންފަތުގެ އިސްތިއުމާލު ނުކުރާގޮތަށް ހަމަޖައްސާފައިވާ ސަރަޙައްދެކެވެ.

ފުޑްކޯޓު ހުޅުވުމަށް ބޭއްވި ރަސްމިއްޔާތުގައި ކޮއްތުވެނި ހުޅުއްވައިދެއްވުމަށްފަހު ރައީސުލްޖުމްހޫރިއްޔާ ވަނީ ކޮއްތުވެނީގެ ސްޓޯލްތަކަށް ޒިޔާރަތް ކުރައްވައި އެތަންތަން ބައްލަވާލައްވާފައެވެ. މި ރަސްމިއްޔާތުގައި ދައުލަތުގެ ވަޒީރުންނާއި، ރައްޔިތުންގެ މަޖިލީހުގެ މެންބަރުންނާއި، ސަރުކާރުގެ އިސްބޭފުޅުން ބައިވެރިވެވަޑައިގެންނެވިއެވެ.

މަސްދަރު: ޕީއެސްއެމް

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

މަދަނީ އިއްތިހާދުގެ ރައީސް ޝައިޚް މުޙައްމަދު ދީދީ ޕީޕީއެމާއި ގުޅިވަޑައިގެންފި

މަދަނީ އިއްތިހާދުގެ ރައީސް އަދި އަދާލަތު ޕާޓީގެ އިލްމުވެރިންގެ މަޖިލީހުގެ މެމްބަރު ޝައިހް މުޙައްމަދު ދީދީ ވެރިކަންކުރާ ޕާޓީ ...

“ދަރުމަވަންތަ ހޮސްޕިޓަލް އަންނައަހަރު ކުރީކޮޅު ހުޅުވޭވަރުވާނެ އަދި އައްޑޫގައި ޤާއިމުކުރާ ޓަރޝަރީ ހޮސްޕިޓަލް އަންނަ ޑިސެމްބަރ މަހާހަމައަށް ނިންމޭނެ”

މިހާރުކުރިއަށްދާ މަސައްކަތްތަކަށް ބުރޫނާރައި ކުރިއަށްގެންގޮސްފިނަމަ ދަރުމަވަންތަ ހޮސްޕިޓަލް މިއަންނަ އަހަރުގެ ކުރީކޮޅު ހުޅުވޭވަރު ވާނެކަމަށާ އަދި އައްޑޫގައި ޤާއިމުކުރާ ...

ރައީސް ޔާމީން ތިމަރަފުށީ ރައްޔިތުންނާއި ބައްދަލު ކުރައްވާ އުންމީދީ ވަޢުދުތަކެއް ވެވަޑައިގެންފި

ރާއްޖޭގެ އެކި ހިސާބުތަކުގައި އެކި މަޝްރޫޢުތައް ފެއްޓެވުމަށާއި، މަޝްރޫޢުތަކުގެ ނިމުން ފާހަގަކޮށް ޚިދުމަތްތައް ރަސްމީކޮށް އިފްތިތާހު ކުރެއްވުމަށް ރާއްޖޭގެ ...

މާލޭގައި ރަހީނުކޮށްފައި ހުރި ބިދޭސީއަކު ސަލާމަތްކޮށް 5 މީހަކު ހައްޔަރުކޮށްފި

މާލޭގައި ރަހީނުކޮށްފައި ހުރި ބިދޭސީއަކު ސަލާމަތްކޮށް 5 މީހަކު ހައްޔަރުކޮށްފިއެވެ. ފުލުހުން ހާމަކޮށްފައިވާގޮތުން މި ބިދޭސީ މިހާ ރަހީނުކޮށްފައި ...

ފެނުގެ އަގާއި ކަރަންޓުގެ އަގު ރެކޯޑް މިންވަރަކަށް ހެޔޮކޮށްދޭނަން- ރައީސް ޔާމީން

ވެރިކަމުގެ ދެންއަންނަ ދައުރެއްގައި ޤައުމީ ފެންކުންފުނީގެ މެޖޯރިޓީ ޙިއްސާ ސަރުކާރުންގަނެ، ފެނުގެ އަގު ހެޔޮކޮށް، ރާއްޖޭގެ ކަރަންޓުގެ އަގު ...

މަޖިލިސް ރައީސްގެ އިތުބާރު ނެތްކަމުގެ މައްސަލަ މާދަމާ

ސާޅީސް ފަހެއް މެންބަރުންގެ ސޮއިއާއެކު ރައްޔިތުންގެ މަޖިލީހަށް މިދިޔަ އަހަރު ހުށަހެޅި ރައްޔިތުން މަޖިލީހުގެ ރައީސް ޢަބްދުﷲ މަޞީހު ...