• Categories
  • Archives

ބޭރުގެ މީހުން އިދިކޮޅު ފަރާތްތަކަށް އެހީތެރިވެދެނީ އެމީހުން ބޭނުންވާ މިނިވަންކަން ގެނައުމަށް – މުއިއްޒު

ބޭރުގެ ޤައުމުތަކުގެ މީހުން އިދިކޮޅު ފަރާތްތަކަށް އެހީތެރިވެދެނީ އެމީހުން ބޭނުންވާ މިނިވަންކަން ގަނައުމުގެ ބޭނުމުގައި ކަމަށް މިނިސްޓަރ އޮފް ހައުސިންގ އެންޑް އިންފްރާ ސްޓްރަކްޗަރ ޑރ.މުހައްމަދު މުއިއްޒު ވިދާޅުވެއްޖެއެވެ.

ގދ މަޑަވެލީގައި ސަރުކާރުން ކުރިޔަށް ގެންދިޔަ މަޝްރޫއުތަކުގެ ކާމިޔާބީ ފާހަގަކުރުމަށް، އެރަށުގައި ބޭއްވި ރަސްމިއްޔާތުގައި ވާހަކަ ދައްކަވަމުން ހައުސިން މިނިސްޓަރ މުއިއްޒު ވިދާޅުވީ، އިސްލާމް ދީން ނޫން އެހެން ދީންތައް ރާއްޖެއަށް ގެނައުމަށް އިދިކޮޅު ފަރާތްތަކުން މަސައްކަތް ކުރަމުން އަންނަ ކަމަށާ އިސްލާމްދީން ނޫން އެހެން ދީންތަކަށް ފުރުސަތު ދޭން އިދިކޮޅު ފަރާތްތަކުން އަބަދު ރާވަމުން އަންނަ ކަމަށެވެ.

އެގޮތުން އިދިކޮޅު ފަރާތްތައް ވެރިކަމަށް ގެނައުމަށް ބޭރުގެ މީހުން އެހީތެރިވެދެއްވާކަން ފާހަގަ ކުރައްވާ މިނިސްޓަރ ވިދާޅުވީ ބޭރުގެ މީހުން އިދިކޮޅު ފަރާތްތަކަށް އެހީތެރިވެދެނީ އެމީހުން ބޭނުންވާ މިނިވަންކަން ގަނައުމުގެ ބޭނުމުގައި ކަމަށެވެ.

ޑރ.މުއިއްޒު މި މޭރުމުން ވާހަކަފުޅު ދައްކާވާފައިވާއިރު، ފާހަގަކޮށްލަން ޖެހޭ ކަމަކީ ރާއްޖޭގެ ސަރުކާރުގެ އިސް ބައެއް ބޭފުޅުންނާ އަދި ބައެއް ވިޔަފާރިވެރިން ހިމެނޭ ގޮތަށް ލިސްޓެއް ހަދާ އެ ބޭފުޅުންނާ މެދު ފިޔަވަޅު އެޅުމަށް ޔޫރަޕިއަން ޔޫނިއަން އަށް ދިވެހިގެ ގޮތުގައި ތިބެ ބައެއް އިދިކޮޅު ފަރާތްތަކުން އަންނަނީ ގޮވާލަމުންނެވެ.

މި ރަސްމިއްޔާތުގައި އިތުރަށް ވާހަކަ ދައްކަވަމުން މިނިސްޓަރ ވިދާޅުވީ، ރާއްޖޭގައި އިސްލާމް ދީނާއި މިނިވަންކަން ހިމާޔާތް ކުރެއްވުމަށް މަތިވެރި ޤުރުބާނީތަކެއް ރައީސް ޔާމީން ވެވަޑައިގެންފައިވާކަމަށެވެ. އަދި މިނިސްޓަރ ވަނީ ރާއްޖޭގެ މިނިވަންކަމާއި އިސްތިގްލާލު ހިމާޔާތް ކުރައްވަން ރާއީސް ޔާމީން ކުރައްވާ ކަންކަން ވަރަށް ބޮޑަށް ފާހަގަކުރައްވާފައެވެ.

ރައީސް ޔާމީންގެ ޒައާމަތުގައި އެހެން ދީންތަކަށް ނުވަތަ ބޭރު ބައެއްގެ ނުފޫޒް ރާއްޖެއަށް ފޯރުވިޔަ ނުދޭނެ ކަމަށެވެ. މީގެއިތުރުން ޤައުމުގެ މުސްތަޤްބަލަށްޓަކައި ރައީސް ޔާމީން ދެވަނަ ދައުރުއަކަށް ހޮވާ ދެއްވަން ޖެހޭކަން މިނިސްޓަރ ފާހަގަކުރެއްވިއެވެ

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

ރިބާ ބެހިގެންވާ ބައިތައް

ރިބާގެ އޮންނަނީ މައިގަނޑު ދެ ވައްތަރެވެ. އެއީ:- ރިބާ އަލްފަޟްލު އާއި ރިބާ އައްނަސީއާ އެވެ. ރިބާ އަލްފަޟްލު ...

ވައިބަރ ކޮންމެ ސްޓިކާ ޕެކެއްވެސް ޑައުންލޯޑް ކޮށްލެވޭ ޚާއްސަ ޕެކެޖެއް އުރީދޫއިން ތައާރަފްކޮށްފި

އެންމެ 19 ރުފިޔާއަށް ވައިބަރގެ ކޮންމެ ސްޓިކަރ ޕެކެއްވެސް ޑައުންލޯޑް ކުރެވޭ ހާއްސަ ޕެކޭޖެއް މިއަދު އުރީދޫއިން ތައާރަފުކޮށްފި ...

ދޭހަ އުނގެނެން ފެށި ދަތުރު

ޖާހިލު އަތްއަތް މަތީން ހިލެމުން އައި ލިއުމެއް އަތަށް އެރިއެވެ. ސްކޫލު ނިޒާމަށް ގެނެވޭ ބަދަލު ހިއްސާކުރުމަށް އެޑިޔުކޭޝަން ...

ވިސާ “ފިއްތައިގެން” އިންޑިޔާއަށް އޮވެވޭނެ؟

ދިވެހިންނާއި އިންޑިޔާ ރައްޔިތުންނަކީ އަބަދު ވެސް “ބެސްޓް ފްރެންޑު” ންނެވެ. ނަމަވެސް ރާއްޖޭގައި ސިޔާސީ ގޮތުން އަންނަ ކޮންމެ ...

ބައިނަލްއަގްވާމީ ފުޓްބޯޅަ މުބާރާތެއް އައްޑޫސިޓީ ހިތަދޫގައި ބާއްވަނީ

ބައިނަލްއަގްވާމީ ފުޓްބޯޅަ މުބާރާތެއް ކަމަށްވާ ޔޫއޭފާ އަންޑަރ 15 އިންޓަނޭޝަނަލް ފުޓްބޯޅަ މުބާރާތް އައްޑޫ ސިޓީ ހިތަދޫގައި ބާއްވާ ...

ދޭހަ އުނގެނެން ފެށި ދަތުރު

(8 ނޮވެމްބަރ 2019 ދުވަހާއި ގުޅޭ ) ޖާހިލު މިއުފެދުނު ހައިރާންކަން މިމައްސަލަ އިތުރަށް ސާފުކުރުމުގެ ޝައުޤު ހިތުގައި ...