• Categories
  • Archives

ޗައިނާގައި ބޭއްވި ލަވަކިޔުމުގެ މުބާރާތުން 2ވަނަ ސައިނާއަށް ލިބިއްޖެ

ޗައިނާގައި ބޭއްވި “ސިލްކް ރޯޑް، ޔަންގް ޑްރީމްސް” ޕްރޮގްރާމްގެ ލަވަ ކިޔުމާއި މިއުޒިކްގެ ފަންނުވެރިކަމުގެ މުބާރާތުގެ 2 ވަނަ ރާއްޖޭގެ ފަރާތުން ވާދަކުރި އައިމިނަތު ސައިނާ މުޙައްމަދު ރަޝީދު ހޯދައިފިއެވެ.

މޯލްޑިވިއަން އައިޑަލް ސީޒަން ތިނެއްގެ ފަސްޓް ރަނާރަޕް އައިމިނަތު ސައިނާ، ޗައިނާގައި ބޭއްވި ލަވަކިޔުމުގެ މުބާރާތުން ދެވަނަ ހޯދީ 26 ފަރާތަކާ ވާދަކޮށްގެނެވެ. އެވޯޑާއި ހަވާލުވުމަށްފަހު ޕީއެސްއެމް ނިއުސްއާ ވާހަކަދައްކަމުން ސައިނާ ބުނީ ބޭރު ޤައުމެއްގައި، މޮޅެތި މީހުންތަކަކާ ވާދަކޮށް މިފަދަ ވަނައެއް ލިބުމުން ވަރަށް ބޮޑަށް އުފާވާ ކަމަށެވެ.

ސައިނާ – ފޮޓޯ : ޕީއެސްއެމް

“26 ޤައުމެއް ބައިވެރިވި މި މުބާރާތުގަ، ލަވައިގެ ބައިންވެސް ވަރަށް މޮޅެތި ކުދިން ލަވަ ކި. ޗައިނާގެވެސް މޮޅެތި އާޓިސްޓުން، އޮޕޭރާ މިއުޒިޝަންސް ވެސް، ހަމަ ބައިވެރިވި، ދެން ހިއެއް ނުކުރަން އެހާބޮޑަކަށް އެހާ ބައިވަރު މީހުންގެ ތެރެއިން، އެހާ މޮޅެތި އާޓިސްޓުންގެ ތެރެއިން ގޮސް ދާނެ ކަމަކަށް.. އެހެންވީމަ ދެވަނަ ލިބުނަސް ވަރަށް އުފާވޭ، ރާއްޖެ ރިޕްރެޒެންޓްކުރަން މިމުބާރާތުގަ އަޅުގަނޑު އެކަނި މިހުރީ، އެހެންމަ ރާއްޖެ ފަޙުރުވެރިވާ ވަރުގެ ވަނައެއް ލިބުނީތީވެ ވަރަށް އުފާވޭ” ސައިނާ ބުންޏެވެ.

މިމުބާރާތުގެ އެކި ވަނަތަކަށް ދިޔަ ފަރާތްތަކަށް އިނާމު ދިނުމަށް ބޭއްވި ހަފްލާގައިވެސް ސައިނާ ވަނީ ލަވައެއް ހުށަހަޅައިދީފައެވެ. ސައިނާ ހުށަހަޅައިދިން ލަވައަށް އޯޑިއަންސްގެ ބޮޑު ތަރުހީބެއްވެސް ލިބުނެވެ. މޯލްޑިވިއަން އައިޑަލް ސީޒަން ތިނެއްގެ 2 ވަނަ ހާސިލުކޮށްފައިވަނީ އައިމިނަތު ސައިނާ މުޙައްމަދު ރަޝީދަކީ ސްކޫލް ކުދިންގެ ލަވަ މުބާރާތުންވެސް ރަންވަނަތަކެއް ހޯދާފައިވާ ލަވަކިޔުންތެރިއެކެވެ. ‘ސިލްކް ރޯޑް، ޔަންގް ޑްރީމްސް’ގެ ލަވަ ކިޔުމުގެ މުބާރާތުގައި ސައިނާ ހުށަހަޅައިދިނީ، ޒީރޯ ޑިގްރީގެ ‘އެންވަގުވީ”، ލަވައެވެ.

ޗައިނާ ގެ ބެއިޖިންގައި ބޭއްވި ‘ސިލްކް ރޯޑް، ޔަންގް ޑްރީމްސް’ ޕްރޮގްރާމަކީ ބެލްޓް އެންޑް ރޯޑް އިނިޝިއޭޓިވް ނުވަތަަ 21 ވަނަ ގަރުނުގެ މެރީޓައިމް ސިލްކް ރޫޓުގެ ޤައުމުތަކުގެ ޒުވާނުންނަށް އަމާޒުކޮށްގެން ކުރިއަށް ގެންދިޔަ ޕްރޮގްރާމެކެވެ.
ބެލްޓް އެންޑް ރޯޑް އިނިޝިއޭޓިވްއަށް 5 އަހަރު ފުރުމާއި ގުޅުވައިގެން ބޭއްވި ‘ސިލްކް ރޯޑް، ޔަންގް ޑްރީމްސް’ ޕްރޮގްރާމުގައި 26 ޤައުމަކުން ސަތޭކައެއްހާ ފަރާތަކުން ބައިވެރިވިއެވެ.

މަސްދަރު: ޕީއެސްއެން

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ads

ކަމުދާނެ ލިޔުންތައް

މީދޫ ގެއަކަށް ވަދެ، ދެ އަންހެނަކަށް އަނިޔާ ކުރިމީހަކު ފުލުހުންގެ ބެލުމުގެ ދަށަށް ގެންގޮސްފި

ސީނު މީދޫ ސަންބީމުއަށް ރޭ ދަންވަރު މީހަކު ވަދެ، އެގޭ ރަމީޒާއާއި ރަމީޒާގެ މަންމަ ފާތުމަތުދީދީ އަނިޔާކޮށްފިއެވެ. މީދޫ ...

ކަރަންޓްގެ އަގުތައް ހުންނާނީ ރާއްޖޭގެ ހުރިހާތަނެއްގައި އެއްވަރަކަށް- މެމްބަރު ނިހާދު

ކަރަންޓްގެ އަގު ރާއްޖޭގެ ހުރިހާތަނެއްގައިވެސް ހުންނަނީ މާލެއެކޭ އެއްވަރަށްކަމަށް ރަށްޔިތުންގެ މަޖިލިހުގެ ފޭދޫދާއިރާގެ މެމްބަރު މުހައްމަދު ނިހާދު ވިދާޅުވެއްޖެވެ. ...

އެމްޑީޕީގެ ވެރިކަމެއްގައި ޤާނޫނުގެ ޙުކުމް ނެތިގެންދާނެ: ޑރ. ޖަމީލު

ޑޮކްޓަރ މުޙައްމަދު ޖަމީލަކީ އެއްދުވަސްވަރެއްގައި ރައީސް މައުމޫނަށް ވަރަށް ބޮޑަށް ފާޑުވިދާޅުވި ބޭފުޅެކެވެ. އޭގެ ފަހުން ޑޮކްޓަރ ޖަމީލު ...

އާއްމު ސިއްހަތު ކުރިއެރުވުމުގެ ރޮގުން ޑރ. އަބްދުﷲ އަފީފަށް ހިތްވަރު ދިނުމުގެ އިނާމު ލިބިލައްވައިފި

ރައީސް އަބްދުﷲ ޔާމީން އަބްދުލް ގައްޔޫމް ދެއްވި ހިތްވަރު ދިނުމުގެ ގައުމީ އިނާމް ލިބިލެއްވި 15 ބޭފުންގެ ތެރޭގައި ...

އެމްޑީޕީއަށް އައްޑޫސިޓީގެ މެޖޯރިޓީ ދިނީ ވަރަށްބޮޑު އުއްމީދަކާއެކު- ނިހާދު

އައްޑޫސިޓީން އެމްޑީޕީއަށް ރަށްޔިތުންގެ މަޖިލިހުގެ އިންތިޚާބުގައި  މެޖޯރިޓީ ދިނީ އައްޑޫސިޓީއަށް ހައްގު މިންވަރު ހޯދާ ދިނުމަށްކަމަށާ އެކަން ނުވެއްޖެނަމަ ...

19 އަހަރުން ދަށުގެ ގައުމީ އަންހެންޓީމުގައި މީދޫ ކުޅުންތެރިއަކު ހިމެނިއްޖ

އަންނަ އަހަރު ބޭއްވުމަށް ހަމަޖެހިފައިވާ އޭއެފްސީ 19 އަހަރުން ދަށުގެ އަންހެން ފުޓްބޯޅަ މުބާރާތުގެ ކޮލިފިކޭޝަން މެޗުތަކުގައި ވާދަކުރުމަށް ...